Page Text
________________
१०
सिरिमुणिसुव्वयजिणिदचरियं
तीए भणियं तुरियं करेहि एवं जहा पयच्छामि । तुज्झ जहिच्छिय दव्वं तेण तओ जंपियं एवं ॥ २८१ ॥ देहि सुन्न सहस्सं इन्हि पि करेमि जेण सज्जमिणं । तो सा वसंतसेणा समप्पए तस्स तं झत्ति ॥ २८२ ॥ तेावि तहेव कओ खणेण पउणो इमो तओ तस्स । तुट्ठा वसंतसेणा वत्थाई पुणो पयच्छेइ ।। २८३ ।। तत्तो विसज्जइ इमं जाओ वंठो वि लट्ठ-पुट्ठगो । गणियं वसंतसेणं भणेइ जह तुज्झ संजाया ।। २८४ ॥ हाणी दविणस्स महंतिया सरीरस्स मज्झ कज्जेण । तीए भणियं हाणी न होइ एसा इमो लाहो ।। २८५ ।।
एत्तियं कुती नाहं तो मज्झ होंति या गरुया । हाणी दविणस्स वि जीवियस्स तइ काल- मुह पत्ते ।। २८६ ।। जहा तुह अक्खण तुझ च्चिय रोहिणी अहं अज्ज । तो पइणा सह गिहिणी मरइ मरतेण नियमेण ।। २८७ || तुम्हा तुज्झ सरीरे एत्तिय दव्वेण रक्खिए संते । सेसं दविणं तह जीवियं च मह अक्खयं जायं ॥ २८८ ॥ वंठेण तओ भणियं दिट्ठा पुहई मए वि अइबहुया । सेवत्थिणा भमंतेण पत्थिवेसुं अणेगेसु ।। २८९ || परमेसो आयारो दिट्ठो कत्थइ न वेस-विलयाण । पासम्मि मए जो तुह पलोइओ सुयणु ! इह अज्ज ।। २९०॥ तामझ इमे पाणात विइन्ना अओ तुहायत्ता । दव्वं पि जइ भविस्सइ कहं पिता तं पि तह चेव ।। २९१ ।। एवं कहा-पबंधं दोहं पि परोप्परं करेंताण | ताण विहाया रयणी वसंतसेणा तओ तेण ।। २९२।। वंठेण इमं भणिया जह अम्हे संपयं नियट्ठाणे । वच्चामो जं कज्जं तं मज्झ तए कहेयव्वं ।। २९३ ।। अह दासी पासाओ ती आणाविऊण वत्थाई । परिहाविओ तओ सो उववेसेउं चउक्कम्मि ।। २९४।। कारेउं चंदण-टिक्कयाइं सीसम्मि अक्खया खित्ता । तस्स न वो तुह जम्मो जाओ एसो त्ति भणिरीए ।। २९५।। वंठो पट्टि हियओ इयरा वि ठिया स - गेहम्मि ।। २९६।। अज्ज वि होंति महीए कि चोज्जं मयणरेहाए ।। २९७ ।। सुत्तो रयणीविरमे पडिबुद्धो वयण - सोयाई ।। २९८ ॥
विजिओ सो गओ स-ठाणम्मि उट्टिउं तत्तो । ता वाय! वेसाओ वसंतसेणासमाओ काओ वि । इय वारुयस्स पुरओ कहिऊण कहा णयं सचिव पुत्तो । काउं पभाय- किच्चं आरुहिऊणं तुरंगमे पवरे । पढमं चिय ताव गओ जयधम्मकुमार - पासम्म ।। २९९॥ तं पण मऊण दिन्नासम्म उवविसइ सो तयासन्नो । विन्नवइ विणयजुत्तो जयधम्मकुमारमेवं सो ।। ३००।। तं भुवणपालकुमरो व्व अम्ह आराहणिज्जपय-कमलो । सयमाएसो दिज्जइ ता मह कज्जे समुष्पन्ने ।। ३०१।। अम्हाणजीवि पि हु आयत्तं तुम्ह चेव सामीणं । सेसकुडुंबस्स धणस्स वावि पुण करिसी वत्ता ||३०२ ॥ मइसागर-विन्नत्तं आयन्नेउं मणम्मि जयधम्मो । अइलज्जिओ विसज्जइ सम्माणेऊण तं झत्ति ॥ ३०३ ॥ असो मंतिस्सुओ कइवय दियहेहिं सिद्ध-निय - कज्जो । अप्पाणं मोया वइ जुवरन्नो विजयधम्माओ ।। ३०४ ।। अह सो सम्माउं विसज्जिओ विजयधम्मजुवरन्ना । वच्चइ कोसलनयरे थेवेहिं चेव दियहेहिं ।। ३०५ ।। साइ कज्ज-सिद्धि गंतूणं भुवणपाल - कुमरस्स । तो तेण देस-सुत्थं पुट्ठो सो विजयधम्मस्स || ३०६॥ कहइ समग्गं सुत्थं मोत्तूणं विजयखेडनयरस्स । पुच्छेइ भुवणपालो तत्थ य कारणमसुत्थस्स ।। ३०७ ।। तो कह मंति- पुत्त जयधम्मकुमारसंतियं दुत्थं । जं सो विवेय-वियलो जह तह संतावए लोयं ॥ ३०८ ॥ तो भइ भुवणपालो किं न निवारेइ विजयधम्मो वि । सो भणइ तं न वारइ महया सुय-नेह मोहेण ।। ३०९।। तं सोऊण विसज्ज मंति-सुयं निय- गिम्मि राय-सुओ । अह अन्नया य वारुय माया जाया सरुज देहा ॥ ३१०|| तेणाहूओ वेज्जो तं तेण निरिक्खिऊण उवइट्ठ । नासनिमित्तं मूलं रिगिणियाए असुक्काए ।। ३११ ।। सो तस्साणयणत्थं सयं गयो वाडियाए एक्काए । तं गहिऊण नियत्तइ खिविऊणं सल्लहरयम्मि ।। ३१२॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |