Page Text
________________
सिवकेऊचरियं
मइसागरो वि चिंतइ वेसाण वि उत्तमाण आयारो। होइ अइउत्तमो च्चिय जाणइ इमोनिच्छओ सुदढो॥२४९॥ इय चितिऊण भणिया हत्थे गहिउं तओ मयणरेहा । मइसागरेण एवं जइ वि भयं तुज्झ नो अस्थि ।।२५०।। नियजीवियस्स सुंदरि! तहा वि मह अत्थि अइ महंतभयं । ता जाहि मज्झ अत्थं कुणमाणी तत्थ तुममिन्हि।२५१। अह पडियन्नं तीए वयणं मइसागरस्स तेणावि । तीए सह पट्ठविओ वारुयनामो निओ पुरिसो ॥२५२।। गणपालो वि समं चिय तीए संपट्ठिओ तओ तेहिं । दोहिं पि मयणरेहा गणिया कुमरस्स उवणिया ॥२५३।। मइसागरविन्नत्ति कहिया गणिया गिहट्टियस्सेव । तस्स तओ तं सोउं पुट्ठो जयधम्मकुमरो वि ।।२५४।। मइसागरस्स पुरिसो वारुयनामो विसज्जिओ तेण । संभूसेऊण तओ समप्पियं चित्तलेहाए ॥२५५।। मुद्दारयणं आरुय-करम्मि जं आसि गहणए धरियं । सो तं गहिऊण गओ समप्पए मंति-पुत्तस्स ॥२५६।। जयधम्कयं कहए संभूसणमाइअत्तणो सव्वं । मइसागरस्स पुरओ पसंसए मयणरेहं च ॥२५७।। कह मंतिपुत्त ! एसा होउं गणिया वि दव्व-निरवेक्खा । सच्चपइन्ना य तहा अह तं मइसागरो भगइ ।।२५८॥ वेसासंगो उचिओ न सिट्ठलोयस्स काउमह कुणइ। तो उत्तमवेसाणं सरिसाणं मयणरेहाए ॥२५९।। एत्तो च्चिय एयाओ लहंति लोयाओ दविणमइवहुयं । जं एगदिण-पवन्नं पि नेय वंचंति भत्तारं ।।२६०।। सुब्वइ सत्थेसु पुरा नयरम्मि कुसत्थलाभिहाणम्मि । आसि बहुमुल्लवेसा वसंतसेण त्ति नामेण ।।२६१॥ तत्थ निवसेवएणं केणइ वंठेण जीव-लोयम्मि । पंच-सुवन्न-सयाइं छण्हं मासाण लद्धाइं ॥२६२।। तस्स निवमंदिराओ वच्चंतस्स य नियम्मि भवणम्मि। मग्गे समावयंती वसंतसेणा गया दिढेि ।।२६३।। तं दळूणं जाओ अणुराओ तस्स तीए उवरिम्मि । तो तेण तीए दासी दिट्ठीए सन्निया एगा ।।२६४॥ सा आगया समीवे पुट्ठा तेणेरिसं जहा एसा । एगाए जामिणीए किं गिन्हइ सामिणी तुज्झ ।।२६५।। गहणम्मि तीए कहियं कणथस्स सयाइं पंच गिन्हेइ । तेण भणियं किमेसा अक्खणिया अज्ज खणिया वा ?।२६६। दासीए तस्स कहिओ वि मोइओ अज्ज चेव अक्खणओ। सामंत-वीरसेणस्स संतिओ संपयमिमीए ॥२६७।। दासी पासाओ तओ वसंतसेणा भणाविया तेण । महणयदाणस्स कए पडिवन्नं तीए तो एवं ॥२६॥ दासी-पासम्मि समप्पिऊण सो पंच कंचण-सयाई । कज्जंतरेण गओ तो सा वि गया रायभवाम्म ।।२६९।। अत्थंगयम्मि सूरे रायगिहाओ समागया स-गिहे । गणिया वसंतसेणा वंठो वि गओ गिहे तीसे ॥२७॥ न्हाण-विलेवणमाई कारविओ सब्वमेव तो तीए । दासीणं पासाओ पच्छा सेज्जाए उवविट्ठो ॥२७१।। सा वि हु वसंतसेणा सम्माणयं ताई दो वि तंबोलं । अहिणवकहापबंधं गेयं च मिहो कुणंति तओ ॥२७२।। काऊण सुरय-केलि परोप्परं वड्ढिय। णुरायाइं । तत्तो मुहुत्त-पुरओ जा ताई तहेव चिट्ठति ॥२७३।। वंठस्स ताव जायं सूलं हिययम्मि पढमओ.थेवं । पच्छा वि वड्ढमाणं करेइ तं विगयजीयं व ॥२७४॥ तत्तो सा आदना वसंतसेणा अईवसंजाया। आणावइ वरवेज्जे तं दसइ अग्गओ तेसि ॥२७॥ सव्वेहि वि तेहिं कओ पडियारो तस्स नियय-सत्तीए । पढमं थेवो वि गुणो होऊणं होइ पुण दोसो ॥२७६।। परिहरिओ वेज्जेहिं अम्ह असज्झो इमो त्ति भणिऊणं । तो सा वसंतसेणा सविसेसं आउला जाया ॥२७७।। जो को वि किं पि जाणइ मंतं तंतं व जोइसं वावि । तं तं सा सद्दावइ बहुयं व करेइ उवयारं ॥२७८।। तंबोल-पयाणाई ते वि हु ठूण तं निवत्तंति । एक्केण तेसु दोसो तस्स असेसो वि विनाओ ॥२७९॥ काऊण देह-फसं नाडि च कलाइयाए धरिऊण । भणिया वसंतसेणा करेमि एवं अहं सज्जं ॥२८०।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |