Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 41

सिरिमुणिसुव्वयजिणिंदचरियं तुम्हं जयधम्मस्स य पुरिसाण परोप्परं वयंताणं । साहंकारं केणइ सिठं गंतूण कुमरस्स ॥२१७।। तो तेण पुणो बहुया सुहडा संपेसिया इहायाया। चिट्ठति पडिक्खंता दारम्मि तुमाउ म चे वि ॥२१॥ बाहिम्मि नीहरतं सिद्ध कज्जम्मि ते पसंतमणा । इहरा झत्ति अणत्थं काहिति न एत्थ संदेहो ॥२१९।। एक्कं जीविय-नासो बीयं पुण होइ गरुय-अपसिद्धी। अविवेइ-जणो एवं जाणिस्सइ निच्छियं चित्ते ॥२२०।। नूणं मंतिसुएणं विणासियं किंपि तो इमं जायं । अन्नह किं न निवारइ नियपुत्तं विजयधम्मो वि ॥२२१।। जो वि हु सम्म एयं जाणिस्सइ वइयरं विवेइजणो। तुम्हं चि य सो वि धुवं दोसं देही न एयस्स ॥२२२।। जह ताव एस नज्जइ पच्चक्खं चेव सव्वलोएण। असमंजसस्सकारी ता कि मइसागरो भुल्लो ॥२२३॥ जंगणियाविसम्मि बिइय अप्पा पाडिओ अणथम्मि। पुहई वि परिहरिज्जइ अत्तठे एस नयमग्गो ।।२२४।। ता चिंतिऊण सम्म नियचित्ते को वि संपयं मज्झ । दिज्जउ दुयमाएसो जहा अहं जामि सटाणे ॥२२५।। तो चिंतइ मंति-सुओ पेच्छ कहं एस बुद्धिमं पुरिसो। नीरागेण समग्गं जहट्ठियं चेव उल्लवियं ।।२२६।। मह हिययगयं चिय सव्वमेव एएण भासियं एयं । एयं चिय करणिज्जं संपइ अन्नं न मंतणयं ।।२२७।। एसो पराभवो मे अइगरुओ जइ वि तेण निम्मविओ। जयधम्मेण सुएणं जुवरन्नो विजयधम्मस्स ।।२२।। मणदुक्खं पि हु गरुयं संजायं जइ वि वट्टए इन्हि । तह वि मणं पि न भावो पयासियव्वो निओ बाहिं ॥२२९।। जेण नियवेरसिद्धी साहेयव्वा ममत्थि एयम्मि । तेण अलक्खिय-भावेणेव मए ठाइयव्वं ति ॥२३०।। सोच्चिय पुरिसो साहइ कज्जंगरुयं पि जस्स मण-कोवो। बाहिं होइ न पयडो थेवो वि सुरंग-रेणु व्व ॥२३१।। गुणवालस्स वि हिय-भासिणो वि पुरओ मए करेयव्वं । निययागार-निग्रहणमेस जओ सेवओ तस्स ।।२३२।। इय चिंतिऊण जंपइ मंति-सुओ सुप्पसन्न-मुह-कमलो। गुणवाल ! तए संगयमेयं सव्वं पि वज्जरियं ।।२३३।। एवं मए न नायं पढम चिय संपयं कलयलंते। आयन्निऊण पुरिसे परोप्परं पुच्छियं तत्तो ।।२३४।। कस्स वि पासम्मि मए तो कहियं वारुएण मज्झ इमं । सोऊण झत्ति पच्छा इन्हि सद्दाविओ सि तुमं ॥२३५।। तं चिय तए वि कहियं पुरओ वि मए तुमं पयंपंतो । जं निसुओ तं कोऊहलेण तुह जत्ति भणियाण ॥२३६।। इन्हि तु मयणरेहं गहिऊणं सिग्घमेव वच्चाहि । जयधम्मकुमर-पासे भणियव्वो सो तए एवं ॥२३७।। मइसागरेण तुम्हं अस्थित्तं मयणरेह-गणियाए । न परिन्नायं पढमं संपइ कोलाहले जाए। ॥२३८।। मइसागर-भिच्चाणं तुम्हे च्चिय सेवएहिं सह तत्तो। नाए तेण लहु इमा तुह पासे पेसिया मयणा ।।२३९।। आमंतिऊण भणिया मंति-सुएणं तओ मयणरेहा । जह वच्च तुमं इन्हि जयधम्मकुमार-पासम्मि ॥२४०।। तीए भणियं एसो अम्ह कमो अत्थि वेस-विलयाण । जस्स गहणं गिहीयं रंकस्स वि होइ तं मोत्तुं ॥२४१।। तस्सऽक्खणए अन्नो परिभोगिज्जइ न चक्कवट्टी वि। तम्हा अज्ज तुम्हं चिय मह भत्ता जामि नऽन्नत्थ ॥२४२।। मइसागरेण भणियं अहं पि जाणामि एरिसं किंतु । तत्थ तुह होइ दोसो जत्थ तुमं दविण-लोभेण ।।२४३।। अहवा निय नेहेण य सयं पि अक्खणय-कारयं पुरिसं । परिवंचिऊण वच्चसि कस्सइ अन्नस्स पासम्मि ॥२४४।। जत्थ पुण सो च्चिय सयं पेसइ अक्खणय-कारओ पुरिसो। अन्न पुरिसस्स पासे तत्थ तुमं होसि निद्दोसा ।।२४५।। निय अक्खणए वि अहं पेसेमि तुमं परस्स पासम्मि । जं तत्थ कारणं पुण तुमं पि' चिट्ठसि वियाणंती ॥२४६।। जइ पेसिज्जसि न तुमं अज्ज समीवम्मि तस्स कुमरस्स । तो होइ अणत्यो अइ महंतओ मज्झ तुज्झ विय ॥२४७।। तीए भणियं न भयं मज्झ अणत्थस्स अत्थि थेवं पि। नीइमलंघतीए मरणं पि सलाहणिज्जं मे ॥२४८।। १ तं चिट्ठसि मुणंती पा. ।