Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 40

सिवकेऊचरियं
आणीया पच्छन्ना इहागया एय सो वि किं काही। अम्हाणं लज्जाए जुवरन्नो वाभिसंकाए ॥१८॥ इय भणिए सहस च्चिय पत्ता जयधम्मपेसिया पुरिसा। मइसागर-पुरिसेहिं ते पविसंता पुरो रुद्धा ।।१८६॥ भणिया जह के तुब्भे केण व संपेसिया इहायाया ? । केण व पओयणेणं ? कहिंति तो ते इमं तेसि ॥१८७॥ जयधम्मकुमर-पुरिसा अम्हे तेणेव पेसिया पत्ता । एत्थ समाणयणत्थं गणियाए मयणरेहाए ॥१८८।। मंतिसुयस्स नरेहि भणियं जं मयणरेह-गणियाए। मइसागरस्स गहणं संचिट्ठइ अज्ज संगहियं ॥१८९।। ता एत्तो न गमिस्सइ कत्थइ एसा इमाए रयणीए। जायम्मि पभायम्मि उ एयं नीहारइस्सामो ॥१९०।। नियगेहाओ पच्छा तुब्भे नेज्जह कहि पि जह रुइयं । अह जयधम्म-नरेहि भणियं जह संपयं एसा ॥१९१।। नेयव्वा अम्हेहि जयधम्मकुमार-सन्निहाणम्मि। मइसागर-पुरिसेहि भणियं कह निज्जिही एसा ॥१९२।। तो ते जयधम्मनरा साहंकारं इमं पयंपंति । जह तुब्भे पेच्छिस्सह तह इन्हि निज्जिही एसा ॥१९३॥ इय उत्तर-पच्चुत्तर-दाणं कुर्वतया परोप्परयं । उभओ पक्खे वि नरा जाया रोसारुणा सहसा ।।१९४॥ खग्गाइपहरणाइं पउणीकाऊण संपयद॒ति । जाव' जयधम्म-पुरिसा पविसिउं अंतो हढेणावि ।।१९५॥ एक्कण ताव तेसि मज्झाओ जाणएण पुरिसेण । संरुद्धा हक्केउं ते पविसंता पुरो सव्वे ॥१९६॥ उवसमिऊणं को दोसु वि पक्खेसु इय भणंतेण। दुविहत्तं किं पडियं तुम्हाणं अंतरे एयं? ॥१९७॥ एगो सामी एगो य सेवगो दो परोप्परं एए। जयधम्मो तह मइसागरो य ता किं कुणह भयं? ॥१९८॥ एयाणं दोन्हं पि हु तुब्भे इन्हि भवेह तुन्हिक्का। मइसागरस्स पासे अहमेव सयं गमिस्सामि ।।१९९।। मइसारेण वि सुयं सव्वं मज्झट्ठिएण तं तेसिं । जंपिज्जंतं तेण वि तो आहूओ कुमर-पुरिसो॥२०॥ सो गुणपालो नामं आसण-दाणेण विहिय-सम्माणो । मंति-सुएणं पुट्ठो को तुम्ह इमो विसंवाओ? ॥२०१॥ तत्थेव मयणरेहा वि तम्मि समए निसन्निया आसि । मइसागरस्स पासे सा गुणपालेण सन्नेउं ।।२०२।। उठ्ठाविया निविट्ठा बाहिं गंतूण एगदेसम्मि। तो तेण जुत्तिजुत्तं भणिओ मइसागरो एवं ॥२०३।। सिरिसच्चधम्म-रन्नो मंतिस्स सुओ तुम सि सुमइस्स । रायकुमारस्स तहा वयंसओ भुवणपालस्स ।।२०४॥ ता जयधम्म-कुमाराओ वि तुमं अम्ह माणणिज्जोसि । तो जुत्तं पि वयंतस्स मज्झ तुमए न रुसियव्वं ॥२०५।। एयमजुत्तं जं किर रंकस्स विअक्खणे ठिया वेस्सा। कड्ढिज्जइ रन्ना वि हु कारणमेत्थऽत्थि परमेयं ।।२०६।। जुवरन्नो एक्कोच्चिय पुत्तो जयधम्मनामओ एसो। वल्लहदेवीए कुच्छि-संभवो विजयसेणाए ॥२०७।। ता एयस्स न सम्मुहमेसो जंपेइ कि पि अवरद्धे। अन्नो वि को वि वत्तं जुवरन्नो नेय साहेइ ॥२०॥ ता जुवरन्नो संका एयस्स न ताव ऽप्पणो लज्जा। को कुव्वंतमजुत्तं एवं सक्को निवारेउं ? ॥२०९॥ जुत्तमजुत्तं एसो अन्नम्मि वि ताव कम्मि वि न कज्जे । चितइ किं पुण संपइ अइरत्तो मयणरेहाए ॥२१०॥ ता सामिकज्जमेव य चित्ते धरिऊण कि पि न वयामि । किंतु तुह भुवणपालस्स परम-सुहिणो हियं बेमि ।।२११॥ पुरिस-रयणं तुह समं एमेव मुहाए मा विणस्सेउ । तह भुवणपाल-कुमरस्स माणसे मा वहउ खेओ ॥२१२।। सुमइस्स महामंतिस्स महानिवइस्स सच्चधम्मस्स । चित्तम्मि गरुय-संताव-कारणं होउ मा एयं ॥२१३॥ ता कालपत्तमेयं संपइ पेसिज्जए सयं जमिमा । सिग्घंपि मयणरेहा पासे जयधम्मकुमरस्स ॥२१४॥ जुत्तमजुत्तं च इमं समईए जंपियं मए ताव । उठें तु चिंतिऊणं सयंपि जुत्तं कुणह तुन्भे ॥२१५।। सिक्खावगा जयस्स वि तुब्भे च्चिय जेण इय भणेऊण। पुण तक्खोहण हेर्ड केयगं सो जंपए एवं ॥२१६।।