Page Text
________________
सिवकेऊचरियं
जयसिह - विजयसीहा पंचम छट्टा य सत्तमो सूरो । गहियकला परिणीया सव्वे वि नरिंद - कन्नाओ ।। १२१ ।। रन्ना दिन्ना गामा तेसि सव्वेसिमेव जह जोग्गं । चिट्ठति राय - पासे तं सेवंता य विणण ।। १२२ ।। सव्वे वि भायरो ते परोप्परं घण - सिणेह-संबद्धा । कुव्वंति परम-विणयं कणिट्ठ बंधू जहा जेट्टं ।।१२३।। चुल्ल पो विभत्ति कुणंति ते सव्वा भायरो सययं । सो वि नियपुत्ततुल्ले पेच्छइ पीईए ते सव्वे ।। १२४।। भक्तिज्जयस्स जेटुस्स तेण दिष्णो य विजयधम्मेण । नियमंडलस्स मज्झे एक्को गामो धण-समिद्धो ॥। १२५ ।। मित्तोय भुवणपालस्स अत्थि सुमइस्स मंतिणो पुत्तो । मइसागरो त्ति नामं बालत्ताओ वि सहचारी ।।१२६।। तं भणइ भुवणपालो इह व्व गामाण कुणसि जह तत्ति । चुल्लपिओ दिन्नगामस्स वसुहनामस्स वि तहेव ।। १२७॥ तं चि कहति वीसास - द्वाणमप्पणो पुरिसं । पट्ठवह कंपि तत्थ वि पट्ठविओ तेण तो पुरिसो ।। १२८ ।। वल्लहराओ नामं समप्पिरं भुवणपाल विन्नत्ति । पासम्म विजयधम्मस्स विजयखेडम्मि जुवरन्नो ।। १२९ ।। ते विसो सपसायं विसज्जिओ वसुहगाममज्झम्मि । वल्लहराओ तत्ति करेइ तो तस्स नीईए ।। १३० ।। केण विपणे समए अन्नम्म भुवणपालेण । मइसागरो निउत्तो जुवरन्नो सन्निहाणम्मि ॥ १३१ ॥ जुवरन्ना गरुएणं दिट्ठो मइसागरो पसाएण । तत्थेव ठिओ चिट्ठइ कज्ज समत्त अवेक्खतो ।। १३२ ।। अवसर-समए वच्चइ निच्चं जुवराय सन्निहाणम्मि । मइसागरो अवारियपसरो राओ दिया वा वि ।। १३३ ।। जयधम्मो नामेण अत्थि सुओ विजयधम्म- जुवरन्नो । जोव्वण - पत्तो विसयासत्तो वियरइ जहिच्छाए ।। १३४ ।। नामेण मयणरेहा गणियाए; चित्तलेह नामाए । धूया अहिणव-जोव्वण लच्छीए आवरिज्जती ॥। १३५ ।। अवि- सिक्खिय-नट्टा विन्नाया विजयधम्म- जुवरन्ना । नट्टावय-पासाओ ललियाए तह य गोट्ठीए ।। १३६॥ तो जुवरन्ना पुरिसं पेसेउं चित्तलेह - वर-गणिया । आणत्ता नियधूया नट्टं अम्हाण दंसेहि ।। १३७ ।। पडिवज्जिय आएसं सिंगारं कारिया मयणरेहा । अइपवरं निय धूया गणियाए चित्तलेहाए || १३८ ।। अह सा निग्गंतूणं नियभवणाओ रहम्मि आरुहइ । जाव किर मयणरेहा तां दिट्ठा मंति- पुत्तेण ।। १३९ ।। मइसागरनामेणं तीसे चेव य निवासदारस्स । पुरओ वच्चंतेणं आरूढेणं वरयम्मि || १४० ।। सिर-धरिय सुच्छत्तेणं बहुजण - परिवेढिएण तेण तओ । उत्तारिडं सहत्थाओ अंगुलीयं समप्पेउं ।।१४१।। सिक्खविरं नियपुरियो तप्पासे पेसिओ स गंतूण । पुच्छेइ मयण रेहं तुममक्खणियासि खणिया वा ।। १४२ ॥ अह तीए खणिया हं इय भणिए मंति- पुत्त- पुरिसेण । मइसागर-नामंकियमप्पियमंगुलियमेईए ॥ १४३॥ हत्थfम्म इय भणते गिह एयं तुमं गहणयम्मि । जेत्तियमेत्तं गेण्हसि दव्वं एगाए रयणीए । १४४॥ तेत्तियमेत्तेण इमं छुट्टइ दिनेण बीय दियहम्मि । इय तस्स भणतस्स वि समागया चित्तलेहा वि ।। १४५ ।। तं मंति-पुरि-वयणं तीसे कहिऊण मयणरेहाए । हत्थम्मि समप्पियमंगुलीयमेसा वि जंपेइ ।।१४६ ।। वीसुत्तरेण टंकय-सएण दित्रेण छुट्टइ इमं ति । सो मंति- पुत्त- पुरिसो पडिवज्जइ तीए वयणमिणं ।। १४७॥ मइसागरस्स पुरओ कहेइ गंतूण सो वि सव्वमिमं । मइसागरो वि वच्चइ जुवरन्नो सन्निहाणम्मि ।। १४८।। free य पणमिय एगत्थ तो निसीएइ । पत्ता खणंतरेणं तत्थेव य मयणरेहा वि ॥ १४९ ॥ आउज्जियगायणेहि सह जणणीए य चित्तलेहाए । पारद्धो नट्ट-विही तह तीए तत्थ अत्थाणे ।। १५० ।। नाणाविहपाडेहि विसमेहि वि विविकरण- दाणेहिं । पेच्छइ जणो जहट्ठिओ सव्वो वि हु चित्तलिहिओ व्व ।। १५१ । अह जुवराया रंजिय- हियओ तीसे पयच्छइ पसायं । वत्थाहरणाईयं अइवहुयं लोयमणहरणं ।। १५२ ॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |