Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 37

सिरिमुणिसुव्वयजिणिदचरियं तं पुव्व-भव-समज्जियमिहि तुह कम्ममुदयमणुपत्तं । पियराण वि तेण तुमं जाओसि पओसा-ठणम्मि' ॥९०॥ एवं कहिऊण मुणिम्मि उवरए तस्स तक्खणा चेव । जायं जाई-सरणं पच्चक्खं तं व नियचरियं ॥९१॥ तो भीओ सिवकेऊ संवेगमवागओ भणइ एवं । कि एत्तियमेत्तं पि हु पह! कम्म इय फलं देइ ॥९२॥ अह जंपइ मुणि-पवरो कम्माणमुवज्जणम्मि जीवाण । परमत्थओ निमित्तं कोहाइकसाय-परिणामो ॥९३।। एक्काए वि किरियाए परिणामवसेण केइ कम्माई । जीवा तह कह वि समज्जिणंति अइ-सरस-णिद्धाइं ।।९४।। जह बहुभव-कोडीसु वि ताण फलं अणुहविज्जमाणं पि। न उवेइ कह वि पेरंतमिच्छमाणाण वि जियाण।९५॥ अन्ने पुण केइ तहाविहाइं बंधंति ताई जह दाउं । तुच्छं चि य कि पि फलं तम्मि भवे चेव फिर्टेति ॥९६।। कम्मं तुजं निबद्धं सुतिव्व-परिणाम-संगएण तए । ता तं दंसिस्सइनियविवागमन्नेसु वि भवेसु ॥९७।। तो दियवरस्स तणओ भयभीओ भणइ मुणिवरं एवं । भयवं! नाणदिवायर ! जाणसि सव्वमेयंपि ॥९॥ ता काऊण पसायं मह गरुयं संपयं कहसु एवं । एयाओ कम्माओ केण उवाएण मुच्चिस्सं ॥९९।। कहइ मुणी बाहीणं जह होइ रसायणं विणासयरं। तह सम्बकम्म-वाहीण घाइणी होइ पव्वज्जा ॥१०॥ जा अम्हेहि वि गहिया पच्चक्खं तं पलोयसि इयाणि । तं पि इमं पडिवज्जसु जह मुच्चसि सव्व दुक्खेहि ॥१०१।। अह मुणि-वयणं सोउं सिवकेऊ भणइ हरिस-पडिहच्छो । भयवं ! महापसाओ एस कओ मज्झ तुम्हेहि।।१०२।। पव्वज्जाए सरूवं साहेह परं विसेसओ सव्वं । सामन्नेणं दिट्ठ वेसग्गहणं मए तुम्ह ॥१०३॥ अह कहइ मुणी करुणारसेण नीसेसमेव तस्स पुरो । पव्वज्जा करणिज्ज सु-दुक्करं कायर-जणस्स ॥१०४॥ आयन्निय मुणिवयणो सिवकेऊण भणइ विम्हयपवन्नो। भयवं! सम्ममुवाओ तुब्भेहिं इमो महक्खाओ ।।१०५॥ किंतु मह पुच्छणिज्जे अन्नम्मि वि अत्थि कोउयं गरुयं । पुच्छामि तं पि जइ होइ तत्थ तुम्हाणमाएसो॥१०६।। अह भणिओ सो मुणिणो जं किंचि वि रुच्चए तुह मणस्स । तं पुच्छ, जहिच्छं सव्वमेव मा कुणसु अभिसंकं ।१०७। तो पणमिऊण विप्पस्स नंदणो मउलियग्ग-कर-कमलो । बहुमाणमुव्वहंतो पयंपिउं एवमारद्धो ॥१०८।। पुत्व-भवाओ आरब्भ ताव जाओ अहं महादुक्खी । तेणेरिसं पि दुक्कर-तवो विसेसं अहिलसामि ।।१०९॥ तुम्ह पुण देह-सोहा वि साहए असरिसं सुह-समूहं । तं उज्झिऊण तुम्हेहिं झत्ति अज्झवसिय किमिमं ॥११०॥ पढमो च्चिय उन्भेओ तारुन्नभरस्स वट्टए तुम्ह । लायन्नं पि हु अंगाई पूरमाणं न विरमेइ ।।१११॥ पाणितलाइसु सुह-लंछणाइं निवलच्छि-संगम-समिद्धि । सूर्यति रूवमइ वि रिद्धी य दुल्लहा सुरवराणं पि।।११२।। इय अच्छरियनिबंधणमेक्कक्कं केण कारणणेयं । अणवेक्खिऊण सव्वं महव्वयाई समुन्वहसि ॥११३॥ अह ईसि विहसिणं साहू दसणोह-किरण-जालेहिं । संदेह-तिमिर-पब्भारमवहरंतो पयंपेइ ।।११४॥ सामनेणं कारणमेयं चिय भव-सरूवमइविसमं । भद्द ! विसेसेण पुणो साहिप्पं तं निसामेह ।।११५॥ ॥छ।। इह अत्थि कोसलपुरं तं पालइ सच्चधम्मनरनाहो । सच्चवई तब्भज्जा सहोयरो तस्स जुवराया ॥११६।।। नामेण विजयधम्मो सो भुजइ विजयखेड-पुर-देसं । संवच्छरस्स मज्झे कयावि आमंतिओ एइ ।।११७॥ .. कोसलपुरम्मि पासे नरवइणो सच्चधम्मनामस्स । कज्जम्मि समुप्पन्ने एइ अणामंतिओ विसयं ॥११॥ कालक्कमेण तत्तो सच्चवई-कुच्छि-कुहर-संभूया। जाया य सत्त पुत्ता नरवइणो सच्चधम्मस्स ।।११९।। पढमोय भवणपालो बीओपुण तस्स विजयपालो त्ति । तइओय विजयराओ चउत्थओ मयणवालो त्ति ॥१२०।। १ मित्तठाणम्मि पा.। २ वि रुवेसु पा. । ।