Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 36

सिवकेऊचरियं
जं मज्झ निरंतर-दुह-सहस्स-पूरिज्जमाणहिययस्स । एयं चिय अज्ज सुहं जायं जं सो मुणी दिट्ठो।।५।। पेक्खिस्सामि पुणोतं मुणि ति खणमुल्लसंतमणहरिसो। को जाणइ जइ न गओ होहि त्ति वियंभियविसाओ।५९। एवं खणे खणे च्चिय हरिस-विसाएहिं वाउलिज्जतो । पत्तो तम्मि पएसे चिट्ठइ सो जत्थ मुणिसींहो ॥६०॥ दढ ण तं मुणिदं तहट्ठियं चेव तोसमुप्पण्णो । पढमिल्ल दंसणाओ अइगरुओ तस्स परिओसो ॥६१।। चितइ य निययचित्ते पुव्व-भवे पावमुवचिणंतेण । पुन्नं पि किंचि वि कयं मए मुणी जमिह पुण दिट्ठो॥६२।। निज्झायइ सविसेसं पाएहितो मुणिं मुहं जाव । अब्भहिय-देह-सोहाए संजुयं विम्हइज्जंतो ।।६३।। किं वन्निजइ रूवं अच्चब्भुयमेरिसं मुणिंदरस ? । एयस्स जं न दीसइ कस्स वि अन्नस्स भुवणम्मि ॥६४।। किं वा वि पसंसिज्जइ उवसम-लच्छी अणन्नसारिच्छा?। ता सव्वहावि एसो न गोयरे अम्ह वयणाण ॥६५॥ ते नूण माहण-सुया मज्झ सहज्झाइणो महापावा । जाण न जाओ हरिसो दट्ट ण इमं पि मुणि-वसहं ॥६६।। इय चितंतो पाएसु निवडिओ तस्स सो मुणिदस्स । सव्वंगमुव्वहंतो पुलयं पुन्नंकुरायारं ॥६७।। मुणिणा वि धम्मलाभो तस्स विइण्णो मणुण्ण-क्यणेण । सुर-नर-सिव-सोक्खाणं संचक्कारो व्व सो पढमो।६८। धरणियलम्मि निसन्नो पसन्न-हियओ पुरो मुणिवरस्स। तत्तो सो सिवकेऊ जोडिय-कर-संपुडो भणइ ॥६९।। बहु अत्थि पुच्छियव्वं भयवं! तुह नाण-जलहिणो पासे । काऊण मह पसायं पढमं चिय कहह ताव इमं ॥७०।। तुम्हेहि किं पढिज्जइ एयं ललियक्खरं सुणताण । पसुपायाण वि सवणंतरेसु जं जणइ परम-सुहं ॥७१।। तो भणइ मुणिवरिंदो भद्द ! भणिज्जति अम्ह समयम्मि। पुव्वाइं महत्थाई इमाइं अंगम्मि बारसमे ॥७२।। पढियाइं संपइ मए विसुमरणभएण ताण एगंते। परियत्तणं कुणंतो चिट्ठामि अहं तओ एत्थ ॥७३।। भणइ पुणो सिवकेऊ भयवं एएहिं इंदियाईयं । जाणिज्जए सरूवं किंचि वि भूयं भविस्सं वा ॥७४।। आह मुणी वि मुणिज्जइ तीय-पडुप्पण्णणागय-सरूवं । सव्वं पुर्वहितो न एत्थ वत्थुम्मि संदेहो ॥७॥ तो आह माहण-सुओ जइ एवं कुणह ता मह पसायं । साहेह मज्झ वइयरमण्णभवे किं मए विहियं ? ॥७६।। अवराह-वज्जियस्स वि विणय-परस्स वि य जेण मझुवरि । पियराइं पि पओसं वहंति निच्चं अइमहंतं ।।७७।। पभणेइ तओ साहू सिवकेउ भद्द ! सुणेसु एगमणो । साहिप्पंतं निय-पुव्व-जम्म-चरियं मए इन्हि ।।७।। एत्थेव य नयरीए सिवसम्मो नाम बंभणो अत्थि । आजम्मं पि दरिदो सिवसोमा भारिया तस्स । ॥७९।। ताण सुओ आसि तुम पगतीए भद्दओ विणीओ य । नामेण रुद्दसम्मो संजाओ अट्ठ वारिसिओ ॥६॥ मुंजीवंधाईए कयम्मि दियजाइउचियसक्कारे । संज्झा-वंदणमेतं किं पि अहीयं तओ तुमए ।।८।। अन्नो य तुज्झ भाया कणीयसो अग्गिसम्मनामो त्ति । तुह सो वि निव्विसेसो देहसहावेहिं संजाओ ।।८२।। जेट्ठोत्ति कारविज्जसि तुमं सया जं पितं पि गिह-कज्ज । इयरो लहुयत्तणओ सयंपिनं कुणइ तं कुणइ ।।३।। तं असहतेण तए अलियं उब्भाविऊण अवराहं । कारवियाइं पओसं पियराइं तम्मि खणमेक्कं ॥४॥ दढ ण पउट्ठाइं पियराइं तम्मि तं गओ तुट्ठि । तप्पच्चइयं कम्म तिव्वं निव्वत्तियं तुमए ।।८।। अन्नो उ संकिलेसो तहाविहो तुज्झ कत्थ वि न जाओ। एवमइक्कंताई कइवयसंवच्छराई तओ।।६।। अह अन्नया कयाइ वि संजाए ऊसवम्मि तुज्झ पिया। कस्स वि दियस्स भवणे निमंतिओ सह कुटुंबेण ।।७।। तत्य अइनिद्ध-भहुराहारो भुत्तो चिराउ आकंठं । तुमए तो संजाया विसूइया रयणि-विरमम्मि ॥८॥ कइ पडियारो वि तओ सहस च्चिय कालधम्ममणुपत्तो। राय-पुरोहिय-पुत्तो संपत्तो सो तुम इहई ।।९।।