Page Text
________________
सिरिमणिसुव्वयजिणिदचरियं
I
तित्थयर-पूणिज्जो संघ आइसइ जं कय-पसाओ । तं मं किमणुसरिस्सइदवी न सरस्सई इन्हि ? ॥२६॥ रन्ना जो आप कम्पि वि कज्जे गुरुम्मि रंको वि । सामंत मंति- मंडलिय- माणणिज्जो हवइ सो वि ॥ २७ ॥ कुणइय महिड्डियाणं जो आएसं जयम्मि रोरो वि । अत्थो सद्दो य तहा तस्स जहिच्छं समुच्छलइ ||२८|| ता यमव भं निय-हियए ठाविऊण अहमिहि । संघ - विइन्नाएसस्स साहणे उज्जमिस्सामि ||२९|| दुज्जण - सुयण-सरूवोववन्नणं नाहमिहकरिस्सामि । जं विवरीय-सरूवा दो वि इमे तेण किं भणिमो ? ||३०|| सुकइ - रइयम्मि कब्वे अविज्जमाणे वि पेच्छए दोसे । दोसेहि भावियमई खुद्दप्पगई खलो जेण ||३१|| गुणलेसेण विमुक्कं परस्स कव्वं मुणंति सगुणं ति । सुयणा सरल - सहावा केवल - गुण - पूरियप्पाणा ॥३२॥ जो जस होइ अथ तं चिय पेच्छेइ सो असंतं पि । मरुमंडलम्मि माइन्हियासु जह पाणियं हरिणा ||३३|| वावारिज्जइ वाणी विक्खणेहिं परम्मि फल - हेउं । जत्थ न तस्सऽत्थि लवो वि तत्थ ते होंति तुन्हिक्का ||३४|| धंतं पि उवालद्धा नियपगइं दुज्जणे वि सुयणावि । न परिच्चयंति कहमवि ता तत्थ न जुज्जए वोत्तुं ||३५|| सिर मुणि सुव्य- तित्थंकरस्स चरियम्मि पत्थुए एत्थ । नव भव-संगह-संगय - गाहा - जुयलं इमं होइ || ३६॥ सिवकेऊ. १ सोहम्मे२ कुबेरदत्तो ३ सणकुमारम्मि४ अह वज्जकुंडलो५ बंभलोय-कप्पम्मि६ सिरिवम्मो७ |३७| पाणयकप्पे ९ मुणिसुव्वओय तित्थाहिवो भवे नवमे । इय संखेवो भणिओ वित्थरमिन्हि तु वोच्छामि ||३८|| अथ इह जंबुदीवो दीवाणं आइमो समग्गाण | जगईए परिक्खित्तो सहानिविट्ठो नरिंदो व्व ॥ ३९ ॥ तत्थुत्तर- दिसिभाए एरवयं नाम अस्थि वरवासं । जं सहइ विमल - गुणस्य - निरंतरं पवरवासं व ॥ ४० ॥ तस्सुत्तरद्ध-मज्झिम- खंडम्मि अखंडगाम - पुर - कलिए । देसे आसि पसिद्धा मायंदी नाम वरनयरी ॥ ४१ ॥ तस्सुत्तरद्ध-मज्झिम-खंडम्मि अखंडगाम - पुर- कलिए । देसे आसि पसिद्धा मायंदी नाम वरनयरी ॥४२॥
कुबेरगारा बहुवि-वत्तं वहति पुरिसा वि । तह वि सुरलोय - सोहं हसंति ते नियय-सोहाए ॥ ४३ ॥ पाइ भणिमाली राया वि पथाव-पसर-परिकलिओ । अकलंको य अखंडिज्जमाण नियमंडलाभोओ ॥ ४४ ॥ मणिकंता नामे कंता तस्सत्थि कंत गुणकलिया । सच्छम्भि जीए हियए पिय- हिययं बिबियं वस ।। ४५ ।। तस्स वसुहाविणो पुरोहिओ विस्सभूइ नामेण । जो विस्सभूइकम्मस्स करणओ अवितहभिहाणों ॥ ४६ ॥ तस्सासि विस्सदत्ता नाणं भारिया गुणाययणं । जा दुइयं पिव हिययं नियपइणो सव्वकालं पि ॥ ४७॥ ताण सुओ सिवकेऊ समेक्ककुलमंदिरं समुप्पण्णो । पण्णवणिजो विज्जुज्जमी य पन्ना संपन्न || ४८ ।। वियपरो विहु पियराण कारणं सो पओसभावस्स । पुव्वभवज्जियतारिसरूव कम्मस्स दोसे || ४९|| उव्वेयमुव्वहंतो अइगरुयं माणसम्मि सो तत्तो । अज्झावयस्स कस्स वि पासम्मि अहिज्जए वे || ५०|| बहिं समं बहुएहि अण्णया नयरिबाहिरुज्जाणे । पत्तो परिब्भमंतो इओ तओ कोउय वसेण ॥ ५१ ॥ तत्थ बहुपायवाणं मज्झे घण बहल - सीयलच्छाओ । निवसइ असोय साही साहासय सोहिय दियंतो ॥ ५२ ॥ ट्ठा तस्स निसन्नो पसन्न-वयणो सिलायले विउले । चारणमुणी कुणतो सज्झायं वेणु - महुर- झुणी ।। ५३ ।। सहस त्ति समोइन्नो नयणपहे तस्स माहण-सुयस्स । सिवकेउपो जाणतो अमय - रसासार - सरिससुहं ॥ ५४ || तयभिमुहं संचलिओ सिवकेऊ जाव ताव ते वडुया । कडुयाई पयंपंता पहाविया तं मुणि हंतुं ॥५५॥ सहस च्चिय पsिसिद्धा पुरओ होऊण तेण ते सव्वे । माइ-पिउ-ज्झायाणं सवहे दाऊण अइबहुए ॥ ५६ ॥ याभिस तु ते वंचिऊंण विणियत्तो । चितेइ जइ महप्पा सो न गओ होज्ज ता लट्ठ ।।५७।।
२
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |