Page Text
________________
सिरिमुनिसुव्वयजिदिचरियं
कील हस्स वितयं फुल्लावलिपउमपत्तभत्तीहिं । सोत्थियसोवत्थियपूसमाणगुणलयविभत्तीहिं ॥८९२२ ॥ चित्तेहि सप्पहेहि सस्सिरिएहिं तहा सछाएहिं । मणिरयणेहिं नाणाविहेहि तह पंचवन्नेहिं ।।८९२३ ।। किण्हेहिं य नीलेहिं य लोहियन्नेहिं पीयवन्नेहिं । सुक्किलएहि तेहि उवसोहंतं अइसएण ।। ८९२४ ।। जे तत्थ किण्हमणिणो ते कज्जलखंजणं जणेहितो । जीमूयगवलगुलियाको इलजंबुफलेहिंतो ॥। ८९२५ ।। किण्हकणवीरकिण्हा सोयाऽऽगासाऽलिकिण्हकेसेहिं । तह किण्हबंधुजीवाउ समहियं किन्हवान्नधरा ॥८९२६।। जे तत्थ नीलमणिणो ते नीली भंगवासपिच्छाओ । सुयपिच्छ मोरगीवा वणराईहलिदुगूलाओ ।। ८९२७।। नीलकणवीरनीला सोयायसिकुसुमबाणकुसुमेहिं । तह नीलबंधुजीवाउ समहियं नीलवन्नधरा ॥। ८९२८ ।। जे तत्थ सोणमणिणो ते सिंदूराओ सुयमुहाओ वि । जासुयकुसुमकेसुयकुसुंभकुंकुमसमीवाओ ||८९२९ ।। बालिदगोवबालिदुरायबालप्पवालपासाओ । संज्झब्भबालदिणयर किमिराय सिलप्पवालाओ ।।८९३० ॥ ससरुहिरवराहोरब्भरुहिरनररुहिरसन्निहाणाओ । रत्तुप्पलपत्ताओ लक्खारस लोहियाक्खाओ रत्तकणवीररत्तासोयाओ पारियायकुसुमओ । तह रत्तबंधुजीवाउ समहियं रत्तवन्नधरा ।।८९३२।। जे तत्थ पीयमणिणो ते चंपगकुसुमकणगनिघसाओ । कोहंडीघूसेडीसुवन्नजूहीणकुसुमाओ ।।८९३३॥ हरियालहलिद्दाभेयपीयकणवीरपीय सोयाओ । तह पीयबंधुजीवाउ समहियं पीयवन्नधरा ॥८९३४ ॥ जे तत्थ सुक्किलाभा मणिणो ते अंकसंखकुंदाओ । बयहंसबलागाकुंदहारसरय भवन्नाओं ॥। ८९३५ ।। दगधंतधोयकलहोयपट्टनवसालिपिट्ठपुंजाओ । कप्पूरपूरपारयफलिहोवलचंदकंताओ
।।८९३१ ।।
।।८९३६ ॥
सि हिपिच्छमजियाभिसमु णालियाकलहदंतमुसलाओ । दहिपिडकुमुयसंडा लवंगदलपुंडरीयाओ ।। ८९३७।। सेयकणवीरसेयासोयाओ मल्लियापसूणाओ । तह सेयबंधुजीवाउ समहियं सुक्किलच्छाया ।। ८९३८ ।। तेसि मणीण गंधो कोट्टपुडाणं व तगरपुडयाणं । एलापुडाण चंपयपुडाण दमणयपुडाणं वा ।।८९३९॥ चोयडाणं कुंकुमपुडाण चंदणउसीरपुडयाण । मरुयगपुडाण जाईपुडाण जूहियपुडाणं वा ॥। ८९४० ।। केयइपुडाण पाडलिपुडाण कप्पूरमियमयपुडाण । तह मल्लियापुडाणं न्हाणामल्लियपुडाणं वा ।। ८९४१॥ पडिवाए वाउब्भिज्जमाण कुट्टिज्जमाणयाणं वा । रुंभिज्जमाणउक्किरियमाणपडिभायमाणाण ।। ८९४२ ।। तह भंडाओ भंडंतरम्मि संकामइज्जमाणाण । जे निस्सरंति गंधा ओराला मणहरमणुन्ना ।।८९४३।। घाणमणनिव्वुइकरा तेहितो बहुगुणं मणामयरा । तेसि मणीण फासो आईणगरूयधूयाण ।। ८९४४।। नवणीय हंसगभग सिरीसकुसुमाण पउमगब्भस्स । बालदलाण व फासा जे तेहितो वि अतिमउओ ।।८९४५ ।। अह सो पालयदेवो जाणविमाणस्स तस्स दिव्वस्स । बहुमज्झम्मि विउव्वइ पेच्छाघरमंडवं विउलं ॥८९४६॥ खंभसयसन्निविट्ठ अच्चन्भुययवइरवेइयाकलियं । तोरणवरविरइयसालहंजियासंगरमणिज्जं ॥। ८९४७॥ ठाण विससिलिट्टलट्ठवे रुलियविमलवरखंभं । नाणामणिरयणेहिं कणगेहि सव्वओ खचियं ॥। ८९४८ ।। उज्जल बहुसमसुविभत्तदेसभायं च नयणमणसुहयं । ईहामियउसभतुरंगमगरनरविहगभत्तीहि ।। ८९४९॥ किन्नररुरुकुंजरसरभचमरवालगअणेगभत्तीहि । वणलयपउमलयाणं बहुविहभत्तीहिं य विचित्तं ॥ ८९५० ॥ बहुविविन्नघंटापडागपरिमंडियग्गसिहरं च । कंचणमणिरयणेहिं विणिम्मियत्थू भियाभिमयं । । ८९५१।। चवलं मिरीइकवयं विणिम्मुयंतं च विरइउल्लोयं । गोसीसरत्तचंदणविन्नपंचगुलितलं च ॥८९५२।। उवचियचंदणकलसं चंदणघडसुकयतो रणदुवारं । आसित्तोसित्तं सुइवग्घारियसुमणदामं च ।। ८९५३।। तह पंचवन्नवरसुरहिकुसुमपयरोवयाररुइरं च । उज्झतपवरकालागुरुधूवसुगंधिंगंधं च ।।८९५४।।
Jain Education International
For Private & Personal Use Only
२७७
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |