Page Text
________________
२७८
सिरिमुनिसुव्वयजिनजम्मवण्णणं
दिव्वघणतुडियसद्दायन्नणसंपत्तअच्छरसमूहं । पासाईयं तह दंसणिज्जमभिरुवपडिरूवं ॥८९५५॥ तस्स य पेच्छाघरमंडवस्स रमणिज्जयं बहुसमं च । सक्काभिओगियसुरो विउव्वए सव्वभूभायं ।।८९५६।। एयस्स वन्नओ पुण सव्वो पुव्विल्लओ भणेयन्बो । जाव मणीणं फासो तस्स तओ उवरिभायम्मि ।।८९५७।। ईहामियाइनाणाविहरूवगमणहरं विउब्वेड। पउमलयभत्तिचित्तं उल्लोयं जाव पडिरूवं ॥८९५८।। तस्स य मज्झपएसे बहुसमरमणिज्जभूमिभायम्मि । वइरामयं विउव्वइ महंतमक्खाडगं एग ।।८९५९।। अक्खाडयस्स तस्स य रम्मे बहुमज्झदेसभायम्मि । मणिपेढियं विउव्वइ किरणड्ढं जाव पडिरूवं ।।८९७६०।। अठेव जोयणाई विक्खंभायामओ भवे एसा । चत्तारि जोयणाइं पुण बाहल्लेण नायव्वा ।।८९६१।। तीसे य पेढियाए उवरि सीहासणं विउव्वेइ । सीहासणस्स तस्स य भणियब्वो वन्नओ एसो ।।८९६२।। तवणिज्जामइयाचक्कलाओ रयणामया य पुण सीहा । सोवन्निय य पाया पायाणं सीसगाइं पुणो ॥८९६३।। नाणामणिमइयाइं जंबूणयनिम्मियाइं गत्ताई । नाणामणिमइयाई बिबाइं तत्थ सव्वाई ॥८९६४।। तं सीहासणमीहामियउसभतुरंगमगरविहगाण । किन्नरनरकुंजरसरभचमररुरुवालगाणं च ॥८९६५।। वणलयपउमलयाण य भत्तीहिं विसेससंजणियसोहं । सारो य वियमहामणिरयणविणिम्मवियपयवीढं।।८९६६।। अत्थरगमलयनवतयकुसत्तमउसिंहकेसराईहिं । पच्चत्थयाभिरामं सुइविरइयवररयत्ताणं ॥८९६७।। ओयविय खोमदोगुल्लपट्टसंपाइयप्पडिच्छयणं । रत्तंसुयसंवुडयं नयणमणाणंदसंजणयं ॥८९६८।। आइणगख्यनवणीयबूररवितूलफासमउययरं। सीहासणस्स तस्स य उवरि एगं विजयदूसं ॥८९६९।। संखंककुंददगरयअमयहिमच्छीरफेणपुंजपभं । सव्वरयणामयं रम्मसन्हमच्छं विउव्वेइ ॥८९७०॥ बहुमज्झदेसभाए तस्स तओ विमलविजयदूसस्स । वइरामयं विउव्वइ अंकुसमेगं महपमाणं ।।८९७१।। अह तम्मि अंकुसम्मि मुत्तादामं विउव्वए एगं । कुंभिक्कंतस्स तओ चउद्दिसि अद्धकुंभिक्के ॥८९७२।। चउरो मुत्तादामे अन्ने वि विउव्वए तदद्धच्चे । ते पुण मुत्तादामा तवणिज्जामइयलंबसा ।।८९७३।। नाणामणिरयणअणेगविहवहारद्धहाररेहिरया । ईसिमसंपत्ता अन्नमन्नमाणंदसंजणया ॥८९७४।। एतेहि मंदमदं पुव्वावरदाहिणुत्तरदिसाहिं । दोलिज्जता अनिलेहि सव्वओ महरसद्देण ॥८९७५।। ओरालेण मणुन्नेण मणहरेणं च कन्नसुहएण । तं ठाणं पूरेता अइवसिरीए विरायंति ॥८९७६।। सो आभिओगियसुरो सुरिंदसीहासणस्स तस्स तओ। अवरुत्तरेण तह उत्तरेण उत्तरपुरत्थेण ।।८९७७।। चउरासीए सुरवइसमाणविहविल्लदेवसहसाणं । चलसीई भद्दासणसाहस्सीओ विउव्वेइ ॥८९७८।। पुवदिसाए अट्ठण्ह अग्गमहिसीण दाहिणपुरत्थे । अभितरपरिसाए दुवालसन्हं सहस्साणं ।।८९७९।। तह दाहिणेण मज्झिमपरिसाए चउदसण्ह सहसाणं । दाहिणपच्चत्थिमओ बाहिरपरिसाए देवाणं ।।८९८०।। सहसाण सोलसण्हं पच्छिमओ सत्तअणियहिवईणं । सुरसंखाए भद्दासणाइं एवं विउव्वेइ ।।८९८१।। तस्स य सुरवइसीहासणस्स पुव्वेण दाहिणेण तहा। अवरेण उत्तरेण य देवाणं आयरक्खाणं ।।८९७२।। चुलसीई चुलसीती रएइ भद्दासणाण सहसाई। तस्स य वन्नावासो जाणविमाणस्स दिव्वस्स ।।८९८३।। एवं खु पन्नविज्जइ हेमंतस मुग्गयस्स नवरविणो। खइरिंगालाणं वा पज्जलियाणं तमनिसाए ॥८९८४।। किंसुयवणस्स अहवा जासूणवणस्स पारियायस्स । सव्वत्तो वि हु संकुसुमियस्स जा जायए सोहा ।।८९७५।। तत्तो वि असंखगुणा तस्स विमाणस्स वन्नओ सोहा । गंधो फासो य पुणो जहा मणीणं तहा नेओ ।।८९८६।। अह सो पालगदेवो जाणविमाणं तहाविहं दिव्वं । वेउब्वियं करेत्ता उबेइ सक्कस्स पासम्मि ।।८९८७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |