Page Text
________________
सिरिमुनिसुव्वयजिन जम्मवण्णणं
।।८८९१ ।।
संपन्नपरमहरिसो सद्दावित्ताभिओगियं देवं । पालयनामं तत्तो तस्सेयं देइ आएसं ।।८८८९ ॥ भो भो देवाणुपिया ! 'अणेगखंभसयसन्निवेसवरं । लीलट्ठियबहुविहसालभंजियाजालपरिकलियं ॥। ८८९० ।। ईहामियउसभतुरंग मगरनरविहगवालपडिरूवं । किन्नररुरुकुंजरसरभवणलयाभत्तिसुविभत्तं खंभुग्गयवइरामयविचित्तवरवेइयाभिरामयरं । विज्जाहरजमलगजुयलजंत संजोयरमणिज्जं ।।८८९२ ।। रूवगसहस्सकलियं अच्चिसहस्सेहि अच्चियसुरूवं । नयणमणाणंदयरं सुहफासं सस्सिरीयं च ।। ८८९३।। सुभकंतदरिस णिज्जं घंटावलिवलियमणहरविरावं । अतिमिसिमिसेंतमणिरयणघंटियाजालपरिखित्तं ।। ८८९४ ।। जोयलक्खायामं उव्विद्धं पंचजोयणसयाई । सिग्धं जइणं दिव्वं जाणविमाणं विउव्वाहि ।।८८९५ ।। पच्चप्पिणाहि खिप्पामेव य आणत्तियं इमं मज्झ । अह सो पालगदेवो सक्केणं एवमाणत्तो ॥ ८८९६ ।। हट्ठपरितुट्ठहियओ हरिससमूससियरोमकूवो य । करयलपरिग्गहीयं काऊणं अंजलि सीसे ॥८८९७।। पणिइ सक्कवयणं एवं देवो तह त्ति विणण । तत्तो उत्तरपोरत्थिमं अवक्कमइ दिसिभायं ।। ८८९८ ।। गंतूण तत्थ तत्तो विरइय वेउब्वियं समुग्धायं । निसिरइ डंडमसंखेज्जजोयणाई त झत्ति ॥ ८८९९ ।। रयणाणं वइराणं वेरुलियाणं च लोहियक्खाण । अंकाण पुलागाणं फलिहाण मसारगल्लाण ।। ८९०० ।। रिट्ठाणमंजणाणं रयणाण तहेव जायरूवाण । जोइरसाणं सोगंधियाण अंजणपुलागाण ।।८९०१ ।। परिसाडणं अहाबायराण काऊण दिव्वसत्तीए । आयाणमहासुहुमाण पोग्गलाणं तओ कुणइ ।।८९०३ ।। दोच्च पि तव तओ किच्चा वेउव्वियं समुग्धायं । दिव्वं जाणविमाणं जह भणियं अह विउव्वे ॥। ८९०३।। तस्स विमाणस्स त पुरत्थिमेणं च दाहिणेणं च । तह उत्तरेण तिन्नि उ कुणइ तिसोमाणपडिरूवे ।८९०४ ।। तेसु तिसोमाणगपडिरूवेसुं अस्थि वइरमयमिस्सा | रिट्ठमयं पइठाणं वेरुलियमया पुणो खंभा ||८९०५ ।। रुप्पसुवन्नमयाई फलगाई लोहियक्खमइयाओ । सूईओ सव्वाओ वइरामइयाओ संधीओ || ८९०६ ।। बाहाहिं या अवलंबणाउ नाणामणीहि निम्मविया । पासाइयदंसणिया सव्वे वि य जावपडिरूवा ॥। ८९०७ ।। तयणु तिसोमाण पडिवपुरो सतोरणे विउव्वेइ । ते तोरणा उनाणामणिनिम्मविएस खंभे ॥। ८९०८।। उवविसन्निविट्ठेहिं ताररूवेहि बहुपयारेहिं । उववेया ईहामियउसभतुरंगमविहंगाण ।। ८९०९ ।। किन्नरनररुरुकुंजरवालगमगराइवणलयाईण । पउमलयाईण य मणहराण भत्तीहिं सुविचित्ता ॥८९१०॥ खंभुग्गयवइरामयविचित्तवरवेइयाभिरामा य । विज्जाहरजमलगजुयलजंतसंजोयरमणिज्जा ॥८९११।। अच्चिसहस्सा गया रूवगसहस्सेहि भासमाणा य । नयणमणाणंदयरा सुहफासा सस्सिरीया य ।। ८९१२।। पासाईया जाव य पडिरूवा तेसि तोरणाणं तु । उप्पि मंगलगा अट्ठ अट्ठ संठाविया एए ॥ ८९१३ ।। सोत्थियसिरिवच्छा वद्धमाणकलसा य नंदियावत्ता । भद्दासणदप्पणमच्छया य रमणिज्जसंठाणा ।। ८९१४ ।। तेसि च तोरणाणं उप्पि किण्हा य नील पीया य । रत्ता सुक्किलया चामरज्झया संठिया बहवे ।।८९१५ ।। ते व रामडंडा सच्छा सण्हा य रुप्पवट्टा य । जलयामलगंधीया सुकम्मिया जाव पडिरूवा ।। ८९१६ ।। तह तोरणाण उप्पि घंटाजुयला पडागइपडागा । छत्ताई छत्ता हत्या य सोगंधियाईण ॥। ८९१७।। तह पुंडरीय महपुंडरीयस्यवत्तसहसवत्ताण । कुमुदुप्पलनलिणाण य पसत्थया हत्या बहवे ॥। ८९१८ ।। सव्वरयणामया ते अच्छा सन्हा य जाव पडिरूवा । तस्स विमाणस्स तओ विउव्वए मज्झ भूभायं ।। ८९१९ ।। बहुसमरमणिज्जयरं मयलंछणमंडलस्स सारिच्छं । मायंडमंडलस्स व आयंसगमंडलस्सहवा ।।८९२० ।। सरतलपाणितलस्स व आलिंगणपुक्ख रस्स व समाणं । विहगवग्घवराहोरब्भसीहचम्माण सरिसं वा ।। ८९२१।।
२७६
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |