Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 306

सिरिमुनिसुव्वयजिणिदचरियं
२७३
तुब्भाहिं भाइयव्वं न तओ इय जंपिउं विउव्वति । पवणं सव्वोउयसुरहिकुसुमगंधेण अणुविद्धं ।।८७९१।। तिरियं पवायमाणं मंदं अतिमउयफाससुहजणयं । तेण तओ जं किचि वि असुइयचोक्खं दुरभिगंधं ॥८७९२।। कळं वा पत्तं वा तणं व डगलं व कयवरं वा वि । तं सव्वं जिणजम्मणभवणस्स चउद्दिसि विभाए ।।८७९३।। आहुणियं आहुणिउं जोयणपरिमंडलाउ खेत्ताओ। बाहिम्मि एगदेसे एडेति तओ जिणवरस्स ।।८७९४।। जिणजणणीए य तहा नासन्ने नाइदूरदेसम्मि। आगंतूणं चिट्ठति जिणगुणे गायमाणीओ ॥८७९५।। अह उड्ढलोयवत्थव्वयाउ अद्वैव दिसिकुमारीओ। पुवोववन्निएणं एंति सरूवेण हिट्ठाओ ।।८७९६।। मेहंकरा मेहवई सुमेह तह मेहमालिणि सुवच्छा। तह वच्छमित्तनामा बलाहगा वारिसेणा य ।।८७९७।। आयाहिणाइपुन्वप्पओगओ सव्वमेव काऊण । जिणनाहेण समं चिय जिणजणणीए पणमिऊण ।।८७९८।। अप्पाणं च कहित्ता तओ विउव्वंति अब्भवद्दलयं । काऊण सलिलवासं पसमेंति रयं असेसं पि ॥८७९९।। तत्तो वियसंतदसद्धवन्नगंधड्ढसरसकुसुमाइं । वासित्ता कालागुरुतुरुक्कवरकंदुरुक्काणं ॥८८००।। उज्झंतपवरधूवेण सव्वओ सुरवराभिगमजोग्गं । काऊणं चिट्ठति य तहेव परिगायमाणीओ ॥८८०१।। तह अद्वैव पुरत्थिमरुयगाओ एंति दिसिकुमारीओ। पुव्वुत्तसमिद्धीए एएहिं नामधेज्जेहिं ॥८८०२॥ नंदुत्तरा य नंदा आणंदा नंदिवद्धणा चेव । विजया य वेजयंती जयंति अवराइया तह य ॥८८०३।। सेसं सव्वं पि तहेव जाव जिणजणणिपुव्वदिसिभाए। आयंसगहत्थाओ गायंतीओ परिवसंति ।।८८०४।। अह दाहिणरुयगाओ अद्वैव उविति दिसिकुमारीओ। पुबोववन्नियाए देविड्ढीए मणहराए ॥८८०५।। नामेण समाहारा य सुप्पदिन्ना य सुप्पबुद्धा य । लच्छिमई सेसवई जसोहरा चित्तगुत्ता य ।।८८०६।। अट्ठमिया नामेणं वसुंधरा सव्वमेव तं सेसं। नवरं जिणजणणीए गंतूणं दाहिणदिसाए ॥८८०७।। वरसुरहिविमलजलनिवहपूरिए कुसुमदामकयसोहे। भिंगारे गहिऊणं परिगायंतीउ चिट्ठति ।।८८०८।। पच्चत्थिमरुयगनिवासिणीओ तह अट्ठ दिसिकुमारीओ । तीए च्चिय देविड्ढीए एंति एएहिं नामेहिं ॥८८०९।। इलदेवि सुरादेवी पुहवी पउमा व एगनासा य । नवमियनामा भद्दा सीया तह होइ अट्ठमिया ॥८८१०।। जिणजणणीए जिणस्स य गंतूणं पच्छिमे दिसाभाए। करकलियतालियंटाओ महुरसद्देण गायति ॥८८११।। अह उत्तरिल्लरुयगाओ एंति अद्वैव दिसिकुमारीओ। दिव्वाए नियसव्विड्ढीए एतेहिं नामेहिं ।८८१२।। होइ अलंबुसा तह मिस्सकेसि तह पुंडरीकि वारुणिया । हासा सव्वपहा तह हिरी सिरी अट्ठमी चेव।।८८१३॥ तेणेव विहाणेणं वंदित्ता जिणवरस्स जणणीए। ठाऊण उत्तरेणं चामरहत्थाउ गायंति ।।८८१४।। तह विदिसिरुयगवत्थब्वयाउ चत्तारि दिसिकुमारीओ। चित्ता य चित्तगणगा सतेरा सोयामणी नाम ।।८८१५।। नियसव्वसुरिड्ढीए आगच्छित्ता तहेव वंदित्ता। जिणजणणीए जिणस्स य चउसु वि विदिसासु ठाऊण ।।८८१६।। पजलंतविमलवरदीवियाओ गहिऊण पाणिकमलेहि । चिट्ठति जिणस्स गुणे गायंतीओ कलरवेण ।।८८१७।। अह मज्झिमरुयगनिवासिणीओ चत्तारि दिसिकुमारीओ । एंति रुया य रुयंसा नामेण सुख्य रुयगवती॥८८१८।। दिव्वविमाणेहितो ओयरिऊणं जिणं च जणणि च । तह चेव य पणमित्ता पगासइत्ता य अप्पाणं ॥८८१९।। चउरंगुलवज्जं जिणवरस्स कप्पेंति ताओ तो नालं । खणिऊण विवरयं निक्खिवंति तं तस्स मज्झम्मि ॥८८२०।। नाणाविहरयणेहिं वइरेहि य पूरिऊण तं तत्तो। उवरि हरियालपेढं तस्स निबंधंति अह तिदिसि ॥८८२१॥ जिणजम्मणभवणाओ पवरे कयलीहरे विउव्वंति । तेसिं कयलिहराणं बहुमज्झद्देसभायम्मि ॥८८२२॥