Page Text
________________
सिरिवम्मकुमारचरियं
जह परसेन्नतुरंगा सन्नाहा आउहाणि गहियाणि । तं सव्वं कहिऊणं सिग्धं चिय पेसए एयं ॥ ६४२१ ।। रणसीहदंडवइणो पासे सव्वस्स तस्स कहणत्थं । तक्कालुचियं तह जोगरायपमुहस्स निययस्स || ६४२२।। परिवारस्स समग्गस्स वि दाऊणं पुढो पुढो सिक्खं । सिरिवम्मो निद्दासुहमणुहवइ सयं निवकुमारो || ६४२३॥ परबलतुरंगमा उहसन्नाहाईण सव्ववत्थूण । कारेइ जोगराओ संखं पंचउलपासाओ || ६४२४।। घाइतुरंगमाण विकारइ वणपट्टबंधणाईयं । अन्नं पि समुचियं जं करेइ कारेइ तं सव्वं ।।६४२५।। अहह्वीरपालकुमरो नाऊणं रयणिसमरसंरंभं । पेसेइ निए पुरिसे सिरिवम्मकुमारपासम्मि || ६४२६॥ अह सन्निहियनरेहिं कुमार सिरिवम्मसंतिएहिं तओ । उचियासणपडिवत्ति काउं उववेसिया एए ॥। ६४२७ ।। कहियं च ताण पुरओ अह जायं अज्ज सयलरयणीए । जागरणं सिरिवम्मस्स तेण इन्हि इमो सुत्तो ।। ६४२९॥ चिट्ठइ खणंतरेणं उट्ठिस्सइ इहेव उवविद्वा । तुब्भे पडिक्खहक्खणं तेहि तओ जंपियं एयं ॥६४२९॥ रयणीए जहा जाओ संगामो तह सरूवमक्खेह । तुम्हे वि अम्ह पुरओ पच्चक्खं तं जओ तुम्ह ||६४३०।। सिरिवम्मनरेहिं तओ हक्कारेऊण तत्थ आणीओ । नामेण जोगराओ पहाणपुरिसो कुमारस्स ।।६४३१।। सो वीरपालपुरिसेहिं पुच्छिओ साहए रणसरूवं । कहिऊण तम्मि मोणेण संठिए जग्गियं झत्ति ।। ५३३२ || सिरिवम्मकुमारेण वि सन्निहियनरेहिं साहियं तस्स । जह वीरपालकुमरेण पेसिया संति नियपुरिसा ।। ६४३३॥ तुम्ह समीवम्मि पओयणेण चिट्ठति दारिउवविट्ठा । अह सो कर्यासंगारो आगंतुं तत्थ उवविट्ठो ॥। ६४३४|| तो वीरपालपुरिसा नमिऊणं विन्नवंति तं एवं । अम्हे निसिवृत्तंतं पुच्छे पेसिया एत्थ ।। ६४३५॥ कुमरेण वीरपालेण तं पुणो जोगरायपासाओ । अम्हेहि परिन्नायं इन्हि आइसह जह गंतुं ।।६४३६।। साहेमो नियपणो सिरिवम्मेण वि विसज्जिया एए। तंबोल पयाणाई काऊणं गरुयसम्माणं ।। ६४३७ ।। गंतूण वीरपालस्स साहिए तेहिं तम्मि वृत्तंते । सिक्खविऊणं दूसलदंडवई तेण पट्टविओ || ६४३८।। सिरिवम्मस्स समीवे संपत्तो विहियउचियपडिवत्ती । उवविट्ठो सो जंपर जह अम्हे वीरपालेण ।। ६४३९ ।। कुमरेण तुम्ह पासे दाउमुवालंभमेत्थपट्टविया । इय तेण भाणियं जह अम्हे निवसूरपाण || ६४४०।। तुम्हाणं साज्जे पेसविया तो न कीस तुम्हहिं । अम्हाण वि परिकहियं कुणमाणेहि रणं एवं ।। ६४४१ ।। अह सिरिवम्मकुमारो तं जंपइ जह न उच्छहेऊण । अम्हेहि रणं गहियं किं तु निविट्ठाण आवासे ||६४४२ ।। अम्हाणुवर सेन्नं तेणेव सुदंसणेण पट्टवियं । तम्मि समयम्मि तुम्हं कहिउं कह तीरए वत्ता ||६४४३।। एत्थंतरम्मि पत्तो पुरिसो रणसीहपेसिओ तत्थ । नमिऊण तेण कहियं एवं सिरिवम्मकुमरस्स ।। ६४४४।। बंधे संगहिओ हत्थेण सुदंसणो निवकुमारो । रणसीहदंडवइणा इह एंतो चिट्ठए इन्हि ।। ६४४५ ।। अह सिरिवम्मकुमारो अपयासियसव्वपहरिसवियारो । पुव्वपयइट्टिओ चेव पुच्छए तस्स पासम्मि || ६४४६।। अम्हेहि पेसिओ जो केलुयओ नाम दंडनाहस्स । रणसीहस्स समीवे सो पत्तो तत्थ किं नेय ।। ६४४७ ।। अह रणसीहस्स नरो पणमेउं साहए कुमारस्स । जम्मि समए कुमारो सुदंसणो बंधि गहिओ ।। ६४४८ ।। तम्मि समयम्मि पत्तो सो तत्थ निवेइयं च तेण तओ । रणसीहदंडवइणो तुम्हाइट्ठ समग्गं पि ।। ६४४९ ।। पच्चक्खं तस्स सुदंसणस्स जह जह सुणेइ सो एवं । मलिणं मलिणयरं वयणमप्पणो तह तह करेइ ।। ६४५०।। तं सोऊणं दूसलदंडवई विम्हिओ नियमणम्मि । चितइ सिरिवम्मकुमारसंतियं विक्कममउव्वं ॥ ६४५१।। तं बुद्धिगुणं निउणं जस्सारंभी फलेण निव्वडइ । सव्वं पि अहोरत्तं वज्जाउ देविभवणम्मि || ६४५२।। कल्लfम्म ठिओ एसो अचितियं सिद्धमज्ज तं कज्जं । जं अन्नस्स न सिज्झइ वरिसेण विचितमाणस्स । । ६४५३ ।।
२००
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |