Page Text
________________
सिरिमुनिसुव्वयजिणिदचरियं
१६६ सिरिवम्मकडयसंतियठाणंतरपुरिसपेल्लणं काउं । पुरओ पत्ते नरपुंगवं गरुहसेन्नपुरिसेहिं ॥६३८९॥ विहिओ दीवुज्जोओ पहओ संगामत्रसंघाओ। सिरिवम्मकुमरगुणगामकित्तणं कुव्वमाणेहिं ॥६३९०।। वेयालियवंदेहिं पारद्धो गरुयकलयलारावो । तं दट्ठ नरसीहो सविम्हओ चितइ मणम्मि ।।१३९१।। कह अम्हे विन्नाया इमेहि कहवावि एत्तियं सेन्नं । अवियक्कियंपि मिलियं रिऊण सन्नद्धगयतुरयं ।।६३९२॥ अहवा न एस समओ चिताए किंतु पहरणावसरो। इय चितिऊण सुहडा सयं समुच्छाहिया जुज्झे ।।६३९३॥ ते जुज्झंता परबलअग्गाणीएण तक्खणे भग्गा । ते भज्जते दलृ सयं समुठेइ नरसीहो ।।६३९४।। पहरतेण इमेणं परसेन्नमुहं परंमुहं नीयं । तं ओसरंतमवलोइऊण रोसारुणच्छिमहो ॥६३९५।। उठेइ खेमराओ दुव्विसहो मुत्तिमं व जमराओ। पहणंतो पडिवक्खं परंमुहं तक्खणे नंतो ॥६३९६।। अह तं अरुद्धपसरं परसेन्नं संमुहं तहा एतं । पेक्खेउं संभंतो नरसीहो चिंतए एवं ॥६३९७॥ जह परसेन्नं एयं ससामि समहिट्ठियं पयइ सूरं । सन्नद्धं सिंधुरसंजुयं च थेबंपि तो दुज्जयं ।।६३९८।। ता कि कज्जेण विणा निय सेन्नपरिक्खयं करावेमि । इय चितिउं नियत्तइ जाव इमो समरमज्झाओ ।।६३९९।। तो पच्छा संपत्तो उज्जोयाईहिं कहियचिधेहिं । नाऊण जुज्झसमयं दंडवई जोगराओ वि ।। ६४००।। तो नरसीहस्स पुरो कहियं नियसेन्नसंतियनरेहिं । जह पच्छा वि न लब्भइ गंतुं परबलसमीवाओ ।।६४०१।। जं जोगरायसुहडो हय-गय-साहणसमन्निओ पच्छा । पहरंतो संपत्तो सिरिवम्मकुमारसंबद्धो ॥६४०२॥ तं वयणं सोऊणं नरसीहो चितए पुणो एवं । ताव च्चिय रखिज्जइ अप्पा जा फुरइ तदुवाओ ॥६४०३।। इण्हि तु समावडियं मरणं नियमेण संकडगयाण । अम्हागंता जुत्तं परसेन्ने पहरिउं चेव ६४०४।। भणियं तहा य केणइ भइयव्वं ताव चेव य भयाउ। जा नेइ भयं पत्ते भयम्मि ठाएज्ज तयभिमुहो ।।६४०५।। इय चितिऊण भणियं तेण नियं पट्ठिसंठियं सेन्नं । जइ नासिस्सह तुब्भे तहा वि भे आगओ मच्चू ।।६४०६।। तम्हा नीसंकेहि होऊणं संमुहेहिं तुम्हेहिं । पच्छागयरिउसेन्ने नियसत्तीए पहरियव्वं ।।६४०७।। अग्गिमसेन्नम्मि पुणो सिरिवम्माहिट्ठिए ससत्तीए। पहरिस्समहं सेन्नेण संजुओ केत्तिएणा वि ।।६४०८।। इय नरसीहेण समं कयमंतविणिच्छयं सरोसच्छं। कुमरसुदंसणसंपेसियं बलं मरणदिन्नमणं। ।।६४०९।। दो पक्खसंठिएण वि सिरिवम्मबलेण सह समारद्धं । जुज्झेउं समुज्जिऊण नियजीयनिरवेक्खं ।।६४१०।। इय वट्टते अइघोरसंगरेणेग सुहडसंजुत्तो। सेणावइ नरसीहो निहणं पत्तो खणद्धेण ।।६४११।। पंचत्तगयं नाउं नरसीहं दंडनायगं तत्तो। जायं ज्झत्ति विसन्नं सेसं सेन्नं असेसं पि ।।६३१२।। संखुद्धं भयवेविरगत्तं तुरियं पलायणपवत्तं । गंतुं च अपावंतं सन्नाहाउहहए चइउं ॥६४१३।। दीणाइं पयपतं गिण्हेंतं अंगुली उदंतेहि । मुक्कं सदसणबलं सिरिवम्मकुमारसेन्नेण ॥६४१४॥ जायं तओ पभायं सूरेण हयम्मि नहयले तिमिरे । सिरिवम्मेणवसमराजिरम्मि दप्पिटुरिउसेन्ने ।६४१५॥ सिरिवम्मकुमारोगयवराओ ओयरइ मुक्कसन्नाहो । सेसंपि सव्वसेन्नं सन्नाहं आउहं मुयइ ।।६४१६।। गुडपक्खराउ ओयारिऊण करिणो तुरंगमा तह य । आलाणक्खंभेसँ वल्लीसु य संजमिज्जति ।।६४१७।। सोहिज्जइ रणभूमी उप्पाडिज्जंति धाइयासुहडा । सपरबलसनियाणवि वणकम्मं कीरए तेसि ॥६४१८ अह सिरिवम्मकुमारो हक्कारेऊण केलुयं नाम । पणिहि नरं एगते तस्स पुरो साहइ असेसं ॥६४१९।। जह जाओ संगामो रयणीए पच्छिमम्मि जामम्मि । जह निज्जियं परबलं जह निहओ सत्तुसेन्नवई ॥६४२०।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |