Page Text
________________
सिरिमुनिसुध्वजिणिदचरियं
२०१ ता सव्वहा विपन्ना पोरिसपुन्नाण पगरिसो एसो। गंभीरया वि एयस्स असरिसी का वि सा भुवणे ।।६४५४॥ अन्नस्स जा न दीसइ रिउगहणकहाए कन्नपत्ताए । नमणं पि विम्हओ पहरिसो य परिदंसिओ इमिणा ।।६४५५।। पुण सिरिवम्मो पुच्छइ केत्तिय यं करितुरंगमाईयं । गहियं रणसीहेणं तत्थ सुदंसणकुमारस्स ।।६४५६।। सो कहइ ताव गहियं रहकरितुरगाइयं समग्गं पि । एवं चिय जाणेहं सम्मं न मुणेमि पुण संखं ।।६४५७।। परचक्कं नाऊणं नट्ठो जे के वि माणवा तत्थ । तेहिं वि न किंपि नीयं अन्नं अंगेणउ पलाणा ॥६४५८।। अह दूसलदंडवई सिरिवम्म कुमरमेरिसं भणइ । पुवमुवालंभो वीरपालकुमरेण तुम्हाणं ।।६४५९॥ अक्खाविओ तओ पुण निमंतणं सव्व सेन्नसहियाण । कारावियं समीवाउ मज्झ तो मन्नउ कुमारो ।।६४६०।। पडिवन्नं सिरिवम्मेण तस्स सेणाहिवस्स तं वयणं । दावेऊणं घणसारसंजुयं पवरतंबोलं ॥६४६१।। जाव कुमारो एयं विसज्जए ताव ज्झत्ति संपत्तो । रणसीहदंडनाहो तो सिरिवम्मेण कुमरेण ॥६४६२।। दूसलदंडाहिवई पुणो वि भणिओ जहा पडिक्खेह । खणमिहसेणाहिवई रणसीहं अम्ह पेक्खेह ।।६४६३।। अह उट्ठिउ कामो वि ह एसो जो को तुम्ह आएसो। संजायइ सो कीरइ इय जंपतो तहेव ठिओ ॥६४६४॥ उवविट्ठो दूसलदंडणायगो नियमणे वि चितेइ । कह गंभीरं भणियं कुमरेण अहो इमं वयणं ।।६४६५।। जह रणसीहं पेक्खह सुदंसणं पासह त्ति नो भणियं । जम्हा सगव्वमेयं पडिहाइ भणिज्जमाणं पि ।।६४६६।। रणसीहदसणे पुण भणिज्जमाणम्मि होइ सूयणत्तं । चित्तम्मि इच्छिओ पुण सुदंसणो दंसिउमिमस्स .।।६४६७।। अन्नह परिवारे इह अन्ने वि इमस्स संति वरपुरिसा। रणसीहेण सरिच्छा ते सव्वे किं न दंसेइ ॥६४६८।। ता एसो च्चिय भावो एयस्स मणम्मि जो मए नाओ । एत्तो रणसीहेणं ओयारेउं रहवराओ ॥६४६९।। बद्धं सुदंसणं दंसिऊण सिरिवम्मनिवकुमारस्स। भणियं सुदंसणो एस तुम्ह सेवं समायरइ ॥६४७०।। अह सिरिवम्मेण इमो भणिओ जह बंधणाउ मोएउं । एयं सुदंसणं गुरुसुहेण जत्तेण य धरेह ।।६४७१।। अह सिरिवम्माएसाणंतरमेएण तह कयं ज्झत्ति । सयमागंतूण तओ पणओ सिरिवम्मचरणेसु ॥६४७२।। गाढं तेण वि अवाहिऊण मुक्को इमो समुठेउं । दिन्नासणम्मि जा किर उवविसिउं वंछए ताव ।।६४७३।। भणियं सिरिवम्मेणं जह एसो सूरपालरायस्स । चिट्ठइ सेणाहिवई नामेणं दूसलो पत्तो ॥६४७४।। तो रणसीहो दिट्ठि दूसलदंडाहिवम्मि पेसेउं । तस्साभिमुहो चलिओ समुट्ठिओ सम्मुहो सो वि ।।६४७५।। दो वि तओ अन्नोन्नं गाढं अवगृहणं करेऊण । जोडियहत्था पुच्छंति कुसलवत्तं सरीरस्स ॥६४७६।। नियनियठाणम्मि तओ उवविट्टा दूसलेण तो भणिओ। रणसीहो जह तुमए सच्चवियं निययमभिहाणं ।। किर जाणिऊण दिन्नं अम्म पियरेहि तुम्ह इय नामं । रणसीहो तं जंपइ एस पयावो कुमारस्स ॥६४७८॥ अन्नह पुण का सत्ती एवंविहकज्जसाहणे अम्ह । तो दूसलो पयंपइ एवंचिय तं जह तए भणियं ॥६४७९।। कितु पयावो वि परं पत्तविसेसं समीहए नणं । रविणो तेओ जह दप्पणम्मि पवियंभए अहियं ॥६४८०।। मसिमलिणम्मि वि तह खप्परम्मि कि एस लहइ माहप्पं । ता अम्हुवरि पसाओ अइगरुओ एस निम्मविओ।८१। सिरिवम्मकुमारेणं तए समं दंसणं कयं अज्ज । जं अम्हाणं इच्चाइ जंपिऊणं ठिओ मोणं ॥६४८२॥ अह सिरिवम्मकुमारो इमं विसज्जइ इमो वि गंतूण। नियया वासे साहइ तं सव्वं वीरपालस्स ॥६४८३॥ सो वि मुहुत्तं सिरिवम्मकुमारगुणकहं काउं । सह दूसलेण पच्छा सकज्जसाहणपरो होइ ॥६४८४।। सिरिवम्मकुमारो वि हु अवसरलोयं विसज्जए सव्वं । रणसीहं पुण आइसइ जह तुमं गंतुमावासं ।।६४८५।। एज्जह पुणो वि सिग्धं समागओ सो वि तह विहेऊण । तो सिरिवम्मकुमारो वियणे होऊण रणसीहं ।।६४८६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |