Page Text
________________
सिरिमुनिसुव्वयजिणिंदचरियं
१९७
तं किर तहेव वहिउं रयणीए वसिस्सए इहागंतुं । तो सिबिरमज्झमुक्को पहाणपुरिसो मए भणिओ ।।६३२४।। कन्नम्मि जोगराओ कुमरेण तुहेवमेवमाइलैं । तो तेण तक्खणे च्चिय वहमाणं वारिउं सिबिरं ।।६३२५।। तत्थेव य आवासो गहिओ अह रयणिपढमपहरंते । वीसमियसव्वकडए सेन्नं जं किपि जुज्झखमं ।।६३२६।। तं सव्वं पि हु संवाहिऊण सन्नाहआउहाईयं । आरोवेउं करहेसु तेण सह आरओ चलिओ ॥६३२७।। सयमेसो सेसं पुण सिबिरं सव्वं पि अक्खमं जुज्झे । तत्थेव य आवासे मुक्कं सह सोहराएण ।।६३२८।। अह एस जोगराओ मग्गे एंतो पुणो मए भणिओ। जह रायसुयाएसो एसो मे चिट्ठइ पुणो वि ।।६३२९।। जं जोगरायमेंतं मग्गे मोत्तूण पुण तुमं एज्जा । तो हं पुरो गमिस्सं कुमारपासे तुमं तु गओ ।।६३३०।। अद्धपहे ठाएज्जा जाव पुणो एमि तुज्झ पासम्मि । इय तं भणिउं तत्तो तुह पायंतिय महं पत्तो ।।६३३१।। इय सोऊणं सुंदरविन्नत्तं ज्झत्ति कुमरसिरिवम्मो । सिक्खविऊणं पेसइ पुणो वि तं तस्स पासम्मि ॥६३३२।। गंतण तेण कहियं सेन्ननिउत्तस्स जोगरायस्स । गाउयदुगपज्जंते ठियस्स सेन्नेण सहियस्स ।।६३३३।। तुह सिरिवम्मकुमारो एवं आइसइ जह समग्गं पि । सेन्नं सन्नाहेउं दोहिं विभागेहि काऊणं ॥६३३४।। एक्को सेन्नविभागो नियबंधवखेमरायसंजुत्तो । परसेन्नागमणमुहे अम्ह च्चय कडयबाहिम्मि ॥६३३५।। नियडो अभितरओ ठाणंतरमुक्कनिययसुहडाण । पेसेउं धरियव्वो बीयं पुण सेन्नपविभागं ॥६३३६।। गाहियं सयमेवतुमं धाडिपयाणुज्जयारिसेन्नस्स । परओ पक्खे दूरे ठाएज्ज परेहि अन्नाओ ॥६३३७।। मुहमुक्कपणिहिपुरिसो तओ जया परबलं सठाणाओ। अम्ह कडयस्स समुहं संचलइ तया तयणुमग्गे ।।६३३८।। लग्गो तुमं ससेन्नो एज्जसु सणियं तओ खणे जत्थ । परबलमम्हबलेणं सकडयनियडट्ठिएण समं ।।६३३९।। अभिट्टइ तम्मि खणे जह सत्तीए पहारसीलेण । तुमए आगंतणं परस्स सेन्नम्मि होयव्वं ॥६३४०।। वज्जाउहदेवीए भवणाओ तया अहं पि नीहरिउं । करिसेन्नेण करिस्सामि खेमरायस्स साहेज्जं ।।६३४१।। तो तुमए नेयव्वा सव्वे वि हु अत्तणा समं करिणो । एक्क पि खेमरायस्स कुंजरं मा हु अप्पेज्जा ॥६३४२।। इय सुंदरेण कहिए कुमारसिरिवम्मसंतियाएसे । निहुयं तक्खणमेवयतहाकयं जोगराएणं ॥६३४३।। अह तं अणन्नवेउं आगंतुं सुंदरो कहइ सव्वं । सिरिवम्मस्स इमो वि हु पेच्छणयं संपरावे ।।६३४४।। तक्खणमेवयवज्जाउहदेविपुराओ पिययमा सहिओ। सपरियरो निग्गंतुं गंतूण नियम्मि आवासे ।।६३४५।। सत्तट्ठजणे दक्खे वियणे दाऊण निहुयसिक्खवणं । पेसेऊणं सन्नद्धसत्तुसेनस्स संमुहए ॥६३४६।। कज्जगयसेसतुरया सवे करिणो य कडयमज्झाओ। सन्नाहाइसमेया ओसारेऊण जे दूरे ।।६३४७।। आसि ठविया समीवे गुलखेडपुरस्स ते समाणेउं । पखरिऊणं गुडिऊण सुहडसमहिट्ठिए काउं ।।६३४८।। आरुहिऊण गइंदे सयं पि कयसुदढदेहसन्नाहो । रणतूराई पवणीकाऊणं दिवीयधरे य ॥६३४९।। वारेऊणं सदं बंदियणाणं तहेव तूर।णं । सन्निय निहियवन्हीण दोवियाणं चउज्जोयं ।।६३५०।। कडयनिवेसाउ बहिं नीहरिउ खेमरायसेन्नस्स । मज्झम्मि ट्ठिओ गंतुं निहुओ सिरिवम्मवरकुमरो ॥६३५१।। पंचविसए गइंदाण दाणसंसित्तमेइणीवीढे । पंतीए ठवइ कमसो नियम्मि सेन्नम्मि सव्वत्थ ।।६३५२।। एत्तो सत्तट्ठजणाए सिक्खविउं पुरा कुमारेण । पट्टविया परसेन्ने ते ज्झत्ति निराउहा होउं ।।६३५३।। कय गामेल्लयवेसा नीहरिऊणं नियाउ कडयाओ । पुरओ नियट्ठाणंतरनराण कज्जं कहेऊण ॥६३५४॥ पुरओ चलिया परसेन्नसंमुहा गरुयगरुयसद्देण । अन्नोन्नं कुव्वंता कहाउ गामीणगोह व्व ॥६३५५।। परसेन्नसंतिएहिं अह ते मुहरक्खएहिं गहिऊण । पुट्ठा एवं जह एत्तियाए रयणीए के तुब्भे ॥६३५६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |