Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 229

१९६
सिरिवम्मकुमारचरियं तत्थ तओ पक्खरिया तुरया सुहडा य गहियसन्नाहा। संजाया सव्वे वि हु तओ पुरो तुम्ह कडयस्स ॥६२९१।। सुद्धीए जाणणट्ठा पट्ठविया तीसपणिहिणो पुरिसा। भमिउं कडयहि तेहिं तस्स गंतुं कहियमेयं ।।६२९२।। सिरिवम्मकडयचउपक्खओ वि ठाणंतराइं चिट्ठति । तेण पुरओ न गंतुं सक्किज्जइ कडयमज्झम्मि ॥६२९३।। परमेवं जाणिज्जइ दूरट्टिएहि वि जहा न मज्झम्मि । कडयस्स तस्स लोओ बहुओ अत्थि त्ति जं तत्थं ।।६२९४।। अइनीसदं सुव्वइ तहाविहो कोइ नेय आयंसो। अइनिब्भरो पसुत्तो कडयजणो तत्थ सव्वो वि ।।६२९५।। तह वि हु पाहरियाणं जागरणकए परोप्परं सद्दा । सुव्वंति जामिणीए एत्थ पुणो सुव्वइ न तं पि ।।६२९६।। तो नरसीहो चितइ केत्तियमेत्तो वि चिट्ठए लोओ। सिरिवम्मस्स समीवे वज्जाउहदेविभवणम्मि ।।६२९७।। के वि पुणो कडयाओ निग्गंतूणं गया सकज्जेसु । ते उण पभायसमए समागमिस्संति कयकज्जा ॥६२९८।। एएण कारणेणं थेवमणुसत्तणेण मज्झम्मि । पाहरिया नो मक्का बाहिं ठाणंतरे ठविया ।।६२९९।। एत्थंतरम्मि माहवरायस्स नरेहिं दोहि आगंतुं । नरसीहस्स निवेइयमेवं जह आगया अम्हे ॥६३००।। वज्जाउहदेवीए पुरस्स पायारबाहिरपएसा । सव्वासु वि बद्धाई तत्थ पओलीसु दाराई ॥६३०१॥ बाहिरठिएहि निसुओ निब्भरगंधव्व-नट्टनिग्घोसो। अम्हेहिं तेण नज्जइ अज्जवि तत्थत्थि सिरिवम्मो ।। ६३०२।। नरसीहदंडवइणा भणियं इन्हि निसाए दो जामा। जाया एक्को जामो अन्नो वि पडिक्खियव्यो मे ।।६३०३॥ उड्ढं जइ सिरिवम्मो देवीभवणाउ नीहरेऊण। एइ न एइ व कडए नियम्मि तह वि हु अहं धाडि ।।६३०४।। दाऊण तत्थं तं ल्हसिउं च सव्वं तओ नियत्तिस्सं । तम्मि भणंतम्मि इमं झड त्ति केणा वि तोच्छीयं ।।६३०५।। सोऊण छीयसदं नरसीहो नियमणे मणागंपि । जाओ खणं सखणुसो तओ भणावेइ मुहरक्खे ॥६३०६।। सेन्नस्स नियस्स पुरो निरूविए दोहिं कंडवाएहिं । जह परपुरिसपवेसो रक्खेयब्वो पयत्तेण ।।६३०७।। अह जेहिं इओ गंतुं तुम्ह सरूवं निवेइयं तस्स । ते तेण समाइट्ठा जह एगमुहुत्तपज्जतं ।।६३०८।। तुम्हेहिं पुणो वज्जाउहदेविपुरस्स बहिपएसम्मि। गंतुं पडिक्खियव्वं जा तइओ होइ निसिजामो ।।६३०९।। पच्छा आगंतूणं सिरिवम्मसरूवमग्गओ अम्ह । कहियव्वं झत्ति जहा विणिग्गओ सो तओ नो वा ।।६३१०।। एयं च मए मूलाउ तेण सद्धि समागएण सयं । आयन्नियं च दिळं तओ अहं तक्खणा चेव ।।६३११।। नियबुद्धिपवंचेणं ते सव्वे वंचिऊण कडयजणे । नीहरिऊणं तत्तो तुम्ह समीवम्मि इह पत्तो ।।६३१२।। अह एयं सोऊणं वाउकुमारस्स जंपियं सव्वं । सिरिवम्मकुमारेणं एसो एवं समाइट्ठो ।।६३१३।। एत्थेवयपुरमझे धणवणिहट्टम्मि कुण तुमं निदं । चिट्ठामि जाव पेच्छणयदंसणे वावडमणोहं ।।६३१४।। पच्छा कम्मि वि कज्जे जाए हक्कारिऊण आएसं । तुज्झ पयच्छिस्समहं इय भणिओ सो तह करेइ ।।६३१५।। सिरिवम्मकुमारो पुण पलोयमाणो तहेव पेच्छणयं । चितइ मणम्मि पच्छिमसिबिरस्स सरूवमागंतु ।।६३१६।। अज्ज वि को वि न साहइ मज्झ पुरो तं समागयं नो वा । जइ होइ आगयं तो कीरइ सुत्तं तयणुरूवं ।।६३१७।। अह नागयं तया पुण इहेव जागरमिसेण गमयामो । चरणं पि रयणिजामं नरसीहो जाव आगंतुं ।।६३१८।। अम्ह कडयम्मि सुन्ने धाडि दाउं नियत्तए पच्छा । पट्ठीए गंतूणं जहोचियं तस्सणुठेमो ।।६३१९।। इय कचिंताणंतरमेवयसिरिवम्मकुमरपासम्मि । झत्ति रणसीहसेणावइपुरिसो सुंदरो नाम ।।६३२०।। संपत्तो विन्नत्तं तेण इमं तस्स जह कुमार इओ । गहिऊण तुहाएसं गएण कडयस्स मज्झम्मि ।।६३२१।। रणसीहदंडवइणा सिक्खविऊणं अहं सिबिरसमुहो। पट्टविओ दसहिं जुओ पवरहयारोहपुरिसेहि ।।६३२२।। वच्चंतस्स तओ मे पहम्मि एगस्स जोयणस्सं ते । सिबिरं संमुहमेंतं मिलियं दिणपच्छिममुहुत्ते ।।६२२३।।