Page Text
________________
सिरिमुनिसुव्वयजिणिदचरियं
१८३ दाउमिहागमणकए आणत्तो निग्गओ य संवहिउं । देवी पुराउ तत्तो जाव बहि ताव पेक्खेइ ।।५८६६।। तक्खणमेव समागयमेक्कं परिवारपरिगयं पुरिसं । रुक्खच्छायाए ठियं आरूढं पवरतुरयम्मि ।।५८६७।। तो सामलेण भणियं अम्हाणं सम्मुहं जहा एसो। को वि नवल्लो दीसइ ठक्कुरओ आगओ एत्थ ।।५८६८।। तो पुच्छेउं नज्जइ को वि इमो तयणु भणियमम्हेहि । दूरतरुच्छायाए होउं तुब्भे पडिक्खेह ।।५८६९।। अम्हे गंतण जहा पुच्छेऊणं इमं वियाणेमो । तो तेण कयम्मि तहा पुट्ठो अम्हेहि सो गंतु ॥५८७०।। पाइक्कस्म समीवे एक्कस्स न जाव बेइ सो किपि । ठक्कुरसमीवपुरिसेण जंपियं ताव एक्केण ।।५८७१।। माहवराओ एसो कुमरस्स सुदंसणस्स कडयाओ। वज्जाउहदेवीए दंसणहेउं इहायाओ ।।५८७२।। अम्हे वि तेण षट्रा तुब्भे के इह पुरम्मि वत्थव्वा । केइ वि किं वा अन्ने अन्नत्तो आगया एत्थ ।।५८७३।। अम्हेहि तओ भणियं अम्हे अन्नयरनयरवत्थव्वा । कज्जेण इहायाया इन्हि पुरओ गमिस्सामो॥५८७४।। इय भणिउं संचलिया तत्तो ठाणाओ तक्खणे चेव । अम्हे सामलपासम्मि आगया तस्स कहिऊण ।।५८७५।। माहवरायसरूवं संचलिया आरओ पहे लग्गा। आसम्मि वि लग्गो एइ सामलो सेसयाउ पुणो ॥५८७६।। पायचरासत्तनरा अम्हेहि समं तयाउ दिणपहरो। एक्को च्चिय किं चूणो पच्छिमओ चिट्ठए तत्तो ।।५८७७।। जोयणतिगमागंतु गामे एगम्मि संझसमयम्मि। फुरियतिमिरम्मि पत्ता जावम्हे ताव तिन्नि जणा ॥५८७८।। आउहसहिया अन्ने वि आगया तत्थ देसियकुडीए । अम्हेहि समं वुत्था रयणीए एगठाणम्मि ।।५८७९।। संजायम्मि पभाए पुणो वि अट्ट वि समुट्टिउं अम्हे । लग्गा मग्गे एमो जाव तओ ते वि तिन्नि जणा ।।५८८०।। उठेउं पट्ठीए लग्गा अम्हाण एंति थेवेण । अमिलता तो एक्को अम्ह नरो मंदमंदगई ॥५८८१।। एत्तो पच्छा पडिओ एस तओ तेहि कारिऊण कहं । पुट्ठो गमणपओयणमक्खेइ जहट्टियं तेसि । ।।५८८२।। पच्छा आगंतूगं मिलिओ अम्हाण एस अम्हेहिं । छज्जोयणाइं आगंतुमेगगामम्मि तो भुत्तं ।।५८८३।। ते पुण तिन्नि वि पुरिसा कहि पि पगया तओ खणं अम्हे । वीसमिऊणं तत्तो किंचूणे तइयजामम्मि ।।५८८४।। चलिया आगच्छामो ताव पुणो तेसि तिन्ह पुरिसाणं । मज्झाओ दोन्नि जणा पुरो ठिया पेक्खिया जंता ।।५८८५। ते पच्छाइयवयणा पच्छाहुत्तं खणे खणे दिट्ठि । दिता वयंति पुरओ तो ते अम्हेच्चय नरेण ।।५८८६।। सन्नाया जह एए पभायपुरिसाण तिन्ह मज्झाओ। दो वि जणा जेहिं कया मए समं सुबहुवत्ताओ ।।५८८७।। केण वि कज्जेण परं ठयंति एए नियाई वयणाई । संकियमण व्व तम्हा न सोहणा निच्छियं एए ।।५८८८।। एवं जंपताणं अम्ह उताण संकियमणाण । पुणरवि अगोयरत्तं ते पत्ता अम्ह दिट्ठीए ॥५८८९।। एत्यंतरम्मि पत्तो सहस्सकिरणो वि अत्थगिरिसिहरं । लोओ वि संचरंतो न दीसए तारिसो को वि।।५८९०।। तो दोन्निजणा दिट्ठा पुरओ एंता समूसुयगईए । ते पुट्ठा अम्हेहि केत्तियदूरे पुरो गामो ।।५८९१।। तेहि तओ संलवियं दोन्हं गामाण मज्झभायम्मि । पत्ता चिट्ठह तुब्भे गव्वूयदुर्ग हवइ एत्तो ।।५८९२।। अग्गिमगामो तह पच्छिमो य दीसंति जे पुरो रुक्खा। अल्ला वि भराडीए देवउलं चिट्ठए तेसु ।।५८९३।। एत्तो परओ एगम्मि गाउए चिट्ठए पुरो गामो। इयतब्भणियं सोउं सिग्घयरं आरओ चलिया ।।५८९४।। अम्हे पत्ता य लहुं जाए तमसम्मि तम्मि वए संडे । जत्थच्छइ देवीए भवणं अल्ला वि नामाए ।।५८९४।। साहावियं च तिमिरं एक्कं अन्नं च अइघणा तरुणो । निय हत्थो वि न सुज्झइ तत्थ तओ तम्मि समयम्मि।५८९६। उभओ पक्खाउ नरा बहवे हण हण हणत्ति पभणंता। सर-वरिसं मुंचंता समुट्ठिया दुट्ठपरिणामा ।।५८९७।। तम्मि तमसंधयारे अहिणवघणमंडलस्स सारिच्छे । विज्जुलय व्व झलक्कंति उज्जला ताण करवाला ।।५८९५।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |