Page Text
________________
१८४
सिरिवम्मकुमारचरियं मोत्तूण तो तुरंगं हक्कंतो सामलो वि खग्गकरो। तेहि सह अप्पछट्ठो अब्भिट्टो जुज्झिउं बाढं ।।५८९९।। तिन्नि जणा तेसि पि हु विणासिया तेण घाइया बढे । पच्छा सयं पि पत्तो सपरियणो सामलो निहणं ।।५९००॥ अम्हे पुण तम्मि खणे जलपाणनिमित्तमासिदूरगया। कूवस्स सन्निहाणे ठिया तओ कलयलं सोउं ।।५९०१॥ जा वच्चामो पुरओ पेच्छामो ताव सामलं तेहिं । परिवेढियं समंता जुझंतं तह य हम्मतं ।।५९०२।। अम्हेहिं चितियंतो पुरओ जुझंति सामलाईया । पडिरुद्धा निग्गंतु अलहंता मरणकयमइणो ॥५९०३।। अम्हेहिं ताव एए तीरंति न रक्खिउं इमेहितो। जुज्झतेहि वि तो किं जमस्स वसहि महा जामो ।।५९०४।। तम्हा रक्खेऊणं अप्पाणं आवईए एयाए। नियसामिणीए कज्जं साहेमो अग्गओ गंतु ॥५९०५।। इय चितिऊण अम्हे पच्छाहत्तं च ओसरमाणा। दिदा तेहि तओ ते पहाविया केत्तिया वि जणा ॥५९०६।। मुक्काओ भल्लीओ पलायमाणाण तेहिं अम्हाण । जंघासु य बाहासु य लग्गाहिं ताहि विहुरंगा ।।५९०७।। गड्डाए पविसेउं ठिया निलुक्का तओ तमंधम्मि । अम्हे अपासमाणा विणियत्तेउं गया ते वि ।।५९०८।। पच्छा अम्हेहि इमे एवं आयन्निया पयंपंता । अन्नोन्नं जह भो भो लेहं गिन्हह गवेसेउं ॥५९०९।। एसि चिय मज्झाओ कहियं एक्केण विज्जए अम्ह । जह आसवारपासे चिट्ठइ विन्नत्तिया लेहो ।।५९१०।। एएणं लेहेणं नेऊणं दंसिएण तो सामी। मनिस्सइ अम्हाणं लठं काऊण नियचित्ते ॥५९११॥ एत्तियमेत्तं निसुयं अम्हेहिं फुडं पयंपियं तेसिं । तयणंतरं तु वेयणविहुरेहिं न याणियं किं पि ।।५९१२।। एगमहत्तंते पुण संपावियचेयणेहि अम्हेहिं । जाव विइन्नो कन्नो निसुणेमो ताव नो कि पि ।।५९१३।। तेसिं परपुरिसाणं समरसमारंभमायरंताण । हक्काईयं नेव य सत्थावत्थाण आलावं ।।५९१४।। नाऊण निझुणंतो सणियं सणियं तओ वि णीहरिउं । जावागया पएसे जुज्झस्स न ताव पेक्खामो ।।५९१५।। एक्कपि तत्थ पुरिसं जो जंपइ को वि संचलइ अहवा । ते च्चिय चिट्ठति परं जे निहया महियले पडिया ।। तो गंतूणं अम्हे देवीए मंदिरस्स मज्झम्मि । अल्लावि नामियाए जाव निएमो सयणठाणं ।।५९१७।। पाएसु ताव लग्गो पाणियभरिओ घडो य करगो य। तस्सलिलेणं घाए धोऊणं फालिऊण तहा ।।५९१८।। नियमुत्तरीयखंडं वणेसु तो पट्टया दढं बद्धा । तिसिएहिं तहा पीयं पाणीयं सिंचियं देहं ॥५९१९॥ एगपएसे सुत्ता रयणीए तत्थ तो पभायम्मि । उठेउं अम्हेहि पलोईया सामलाईया ॥५९२०।। निहणगया छप्पुरिसा तह अन्ने तिनिघायगजणा य । एक्कक्केणं परिहियवत्थेण समं पुणो सेसं ॥५९२१ ।। सव्वं पि तेहिं नीयं तुरंगमप्पमुहमप्पणा सद्धिं । एत्थंतरे स भज्जो पत्तो देवच्चओ तत्थ ॥५९२२।। तं तह दळूण तओ तेणम्हे पुच्छिया तओ कहियं । तस्सम्हेहि जहट्ठियं पुट्ठो य तहा इमो एवं ॥५९२३।। गयजीवियाण एसि देहाणं कहभविस्सए दाहो । तेण कहियं जहा इह रोराई एंति बहुयाइं ॥५९२४।। पडियाई दारुगाई इओ पएसाओ ताइं दूरम्मि । गहिऊण भारएसु बंधेऊणं तओ नेउं ॥५९२५।। गामे वा नगरे वा विक्केउं ताइं निव्वहंति सया। तो तेसि पासाओ आणावेऊण तह चेव ।।५९२६।। मुल्लेण दारुगाई तेहिं तओ कीरए सरीराण। एयाण अग्गिदाहो अम्हेहि इमो तओ भणिओ ॥५९२७।। तं चिय कारेह इमं अम्हे मोल्लं तु तेसि दाहामो । जह भणियं तेण कयं मयतणुवत्थाण मुल्लेण ।।५९२८।। तत्तो ठाणाओ तओ सणियं सणियं समागया अम्हे । वेसणवल्लीगामे तत्थ य लोहारगेहम्मि ॥५९२९।। उत्तिन्ना तह भुत्ता भोयणमुल्लं च किंचि से दिन्नं । बीयम्मि दिणे पत्तो तत्थ वणिज्जारओ एक्को ।।५९३०।। सो चंदउरिपुरीए आगामी भाउएण तो तस्स । वसहेसु समारूढा दसमदिणे एत्थ संपत्ता ॥५९३१॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |