Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 215

१८२
सिरिवम्मकुमारचरियं
साय पुण वसंतसिरी गुलखेडपुरस्स गाउयदुगेण । वज्जाउहदेवीए पुरस्स पायारबाहिम्मि | |५८३४।। गहिया वासा चि जाव तओ तीए जणपवायाओ । जोयणदुगंतराले सुदंसणो संठिओ निओ ।। ५८३५।। तो भी वड्ढमणुस्सेहि सह कओ मंतो । पुरमज्झे पविसेउं आवास गिहिऊण ठिया ।।५८३६।। रिपुरिसाय सुदंसणस्स कडयम्मि पेसिया दोन्नि । नाऊण तेहि सुद्धी कहिया तीसे समागंतु ।।५८३७।। जह किर सुदंसणेणं कुमरेणं पेसिऊण नियपुरिसे । गुलखेडपुरनिओई भणाविओ दूसलो एवं ।।५८३८।। नामेण वसंतसिरी नियध्या मज्झ पढमओ दाउं । वासवदत्तनिवेणं पडिवन्नासा य पुण इन्हि ।।५८३९ ।। नियइच्छा चलिया सिरिवम्मकुमारबद्ध अणुराया | चंदउरीए पुरीए सयंवरत्तेण संवहिउं ।।५८४० ।। सा संपयं पविट्ठा चिट्ठ देसम्मि तुम्ह देवीए । वज्जाउहनामाए पुरस्स बाहि कया वासा ।। ५८४१ ।। एयं हढे वितओ अहं गहिस्सामि एत्थ तुम्हेहिं । अम्हुवरि न रूसियव्वं न य तीसे कि पिसा हेज्जं ।। ५८४२ ।। कायव्वं अन्नह पुण सिणेह नासो तए कओ होही । सह सूरपालरन्ना अम्हाणं निष्फलं चेव || ५८४३।। तो दूसले तेसि पुरिसाणं उत्तरं इमं दिनं । निय पंचउलेण समं आलोएऊण तो तुम्ह ।। ५८४४ ।। पच्चुत्तरं करिस्सं लग्गेयव्वं न ताव तुम्हेहिं । तीसे जाव न कहियं पडिवयणं तुम्ह अहह ।।५८४५ ।। एत्तियमेत्तं निसुयं अम्हेहि गएहिं तस्स कडयम्मि । जं दाही पडिवयणं सो तस्स तयं न याणामो ।। ५८४६ ।। एयं सोऊण तओ वड्डमणुस्सेहि सह पुणो एसा । मंतेइ तेहि भणियं वासवदत्तस्स नरवणो ।। ५८४७ ।। एयं सोऊण तओ वड्डमणुस्सेहि सह पुणो एसा । मंतेइ तेहिं भणियं वासवदत्तस्स नरवइणो || ५८४७ ।। जाणाविज्जइ एयं सिग्धं चिय पेसिऊण नियपुरिसे । जह सो संवाहं पेसिऊण तं नेइ नियपासे || ५८४८।। ती भणियं पुणरवि वलिऊण अहं न जामि पिउगेहे । जइया तइया वि मए गंतव्वमिओ पुरो चेव ।।५८४९।। वत्तामेत्तं पि नियं एरिसयं तस्स नो कहावेमि । उत्तिन्ना जेण अहं इन्हि जणयस्स सत्ताए । । ५८५० ।। मोयाविऊण जम्हा जणयाण समीवओ मए अप्पा | आयत्तो सिरिवम्मस्स कारिओ निवकुमारस्स ।। ५८५१ ।। तो मस्सेहिं भणियं जइ एस निच्छओ तुज्झ । देवी तओ गुलखेडे नयरे दूसलसमीवम्मि || ५८५२।। पेसेउं निय पुरिसं सकारण अप्पणी इहागमणं । साहिज्जउ तस्स पुरो सुदंसणस्स य तह सरूवं ।।५८५३।। लद्धम्मि तय तस्सुत्तरम्मि जं किपि संगयं होही । परिभावेऊण तयं समयगुरूवं करिस्सामो ।। ५८५४ ।।
।।
मंतिऊण पुरिसो पट्टविओ तत्थ सो वि गंतूण । संदिट्ठ कहिऊणं सुणिऊणं उत्तरं तस्स ।। ५८५५ ।। आगंतूणं साहइ वसंतसिरिनामियाए कुमरीए । पुरओ वड्डमणुस्साणं च जहा दूसलेण इमो ॥। ५८५६ ।। कुमरो सुदंसणो माणुसाउ निययाउ भाणिओ एवं । जह न वसंतसिरीए लग्गेयव्वं तए कहवि । । ५८५७।। जा सूरपालरन्नो आएसो ने य आणिओ अम्ह । एयं सोऊण तओ सुदंसणेणं इमं भणियं ॥ ५८४८ || तुम्हाण वयणमेयं अहं करिस्सामि जइ वसंतसिरी । एत्तो निम्तॄणं अन्नत्थ गमिस्सए ने य ५८५९ ।। तो दूसण वि इमं पडिवन्नं तस्स जंपियं तह य । तुम्हे विभाणियाई मम पासाओ इमं वयणं ।।५८६० ।। जह तुम्हेहि न कत्थइगंतव्वं केत्तियाई वि दिणाई | अन्नह सुदंसणो तुम्ह लग्गिही निग्गमंताण || ५८६ ।। आयन्निऊण एवं वड्डमणुस्सा तहा वसंतसिरी । जायाई सत्थहिययाई मंतियं तेहि तो एवं ।।५८६२ ।। कालविलंब लद्धो जा चिट्ठइ केत्तिगो वि तावइओ । पेसेउं नियपुरिसे नरपुंगव रायपासम्म ||५८६३।। जाणाविज्जइ एवं जह सो पेसेइ कंपि संवाहं । अम्ह इह संठियाणं तो गम्मइ तेण सह तत्थ ।।५८६४ ।। चंदउरीए निव्विग्धमेव इय मंतनिच्छयं काउं । अम्हेहिं समं सामलनामो सिक्खं च लेहं च ।। ५८६५ ।।