Page Text
________________
सिरिवम्मकुमारचरियं
तत्थेस खंडणविहीं पयाण सव्वाण संतिओ तुम्ह । साहिज्जइ अणुकमसो एगग्गमणा निसामेह ।।५६४५।। पढमं चि य मा सद्दो आया सद्दो तओ य सविसग्गो । मयसद्दो सविसग्गो माया सद्दो स अणुसारो ।।५६४६।। अय सद्दो सविसग्गो मा सद्दो या म सद्द सविसग्गो। ई सद्दो य अ सद्दो तह केवलओ विसग्गो य ।।५६४७।। मा सद्दो ए सद्दो आमय सहो विसग्गसंजुत्तो । एएसि सव्वेसि एसा ठवणा मुणेयव्वा ।।५६४८।। मा १ आया२ मयः३ मायां४ अयः५ मा६ याम:७ ई८ अ९: । १० मा ११ ए १२ आमयः।१३ सुणिउं वक्खाणमिणं विउराईया वि पंडिया सव्वे । चित्तंगओ व्व जाया पसंसगा कुमरपन्नाए ॥५६४९।। अह रन्नो दासीए माहवियाए पयंपियं कुमर । जत्थ य निवडंति घणा कुणंति कि चुन्निया तत्थ ।। ५६५० ।। एए य महाविउसा चित्तंगयमाइणो पढंति जहिं । को पढिउं अहिगारो इत्थीमेत्तस्स मम तत्थ ।।५६५१।। किंतु परं नियपियसहि गोट्टोसु गया अहं पि जंपेमि । एवं जह किर पढियं मए वि विउसाण मज्झम्मि।।५६५२।। रायकुमारस्स पुरो एगं पन्होत्तरं तओ मज्झ । कुमरनिसामेहि खणं महापसायं करेऊण ।।५६५३।। कुमरेण अणुन्नाया पढइ तओ पागयाए भासाए । माहविया नियहियए मुव्वहंती गरुयहरिसं ।।५६५४।। संबोहिज्जइ कुंजरो किह तहा चामीयरे किं कया । सुन्नारेहि सिरी लहंति मणिणो जच्चा वि तेयस्सिणो।। वाहि बोहसु को निसेहणझुणी सूरीहि अक्खिज्जए । धाऊ को य गई निवित्तिकहणे संडा तहा केरिसा ।।५६५५।। नीईए सव्वकालं वट्टता केरिसा नरा हुँति । वियरंति सूरचंदा उज्जोयंता जयं कह वा ।।५६५६।। सिरिवम्मकुमारेणं एवं पि विचितिऊण खणमेगं । कहियं माहवियाए उत्तरमेयस्स गयणत्था ।।५६५७।। अह सा उठेऊणं वत्थंचलमुवरिमयस्स लहुँ । कुमरस्स भामिऊणं पुणो निविट्ठा नियट्ठाणे ।।५६५८।। तो नरपुंगवराया जयसम्मेणं समं करेऊण । कुमरपडिबद्धमेव य कहं खणं उठ्ठिउं तत्तो ।।५६५९।। पुव्वपओगेणेव य निवमणुगंतूण दारदेसाओ । विणियत्तिउं कुमारो पत्तो जयसम्मपासम्मि ।।५६६०।। अह वच्छराण दोन्हं पज्जते करणओ विसेसाओ। अब्भसइ कलाओ आयरेण जा पंचवरिसाई ।।५६६१।। दसहिं वरिसेहिं एवं नीसेसासु वि कलासु निम्माओ। कायकयभासेण वि जाओ नरपुंगवं गरुहो ।।५६६२।। तो चंडसम्मनामं जयसम्मो पेसिऊण नियपुत्तं । नरपुंगवस्स रन्नो जाणावइ एरिसं अठं ।।५६६३।। तह पुच्छावइ दियहं पुणो वि कुमरस्स निय गिहे गंतुं । गणयाओ नाऊणं साहइ राया वि तइयदिणं ।।५६६४।। साहियदिणम्मि तत्तो पवेससमओववन्नियविहीए । निग्गच्छइ निवकुमरो जयसम्मोज्झायगेहाओ ।।५६६५।। नवरं एस विसेसो जं कुमरो मत्तकरिवरक्खंधे । सयमेव समारूढो गहिऊणं अंकुसं हत्थे ।।५६६६।। जयसम्मो उज्झाओ निवपेसियवरकरेणुमारूढो । दाहिणपासम्मि ठिओ समागओ निवकुमारस्स ।५६६७।। निवपेसियहय-गय-साहणेहिं परिवेढिया तओ दो वि । कयमंगलोवयारे पविसंति नरिंददारम्मि ।।५६६८।। ओयरियकरेणूओ जयसम्मो विहिय उचियपडिवत्ती। निवपासम्मि निसन्नो सिरिवम्मो उण गइंदाओ।।५६६९।। ओयरिउं नमइ निवस्स तेण आलिगिऊण सो गाढं । सीसम्मि चुबिऊण य निवेसिओ पायवीढम्मि ।।५६७०।। पुट्ठो य कायकुसलं इमो वि जोडियकरो नमियसीसो । विन्नवइ निवं जह देव ! तुम्ह पायपसाएण ।।५६७१।। तो जयसम्मेण समं कुमारकलगहणसंगयकहाओ। काऊण पीइदाणं तस्स नरिंदेण बहुदिन्नं ।।५६७२।। जीए करेणुयाए आरूढो आगओ नियगिहाओ । उज्झाओ तस्सेवयसा वि विइन्ना पसाएण ।।५६७३।। अह तं विसज्जिऊणं उज्झायं उट्ठिओ नरवरिदो। सिरिवम्मकुमारं पट्टवेइ जणणीए पासम्मि ।।५६७४।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |