Page Text
________________
सिरिमुनिसुव्वयजिणिदचरियं
आहवमाणेहिं दिसिवहूओ वेगेण लहसालाए । पविसंतस्स महूसवदंसणहेजं निवसुयस्स || ५३७८।। उद्दामसदवंदियणवंदधोसिज्जमाणगुणनिवहं 1 अच्छरसासारिच्छ्यकुलवहूकय मंगलुग्गारं ॥ ५३७९।। ठाणट्टाणपणच्चंतपवरपमयाउलेहि कयहरिसं । गायंत मुहरगायण- गायणिरवदिन्नकन्नसुहं ॥। ५३८० ।। जीवउ पुत्ते समं नरपुंगव पथिवो चिरंकालं । इच्चाइनयर-नारीजणाण वयणाई सुणतो ।।५३८१ ।। पत्तो कमेण जयसम्ममंदिरद्दारदेसपासम्म । वंदणमालाक लिए ऊसियसिध्यवडाडो ||५३८२।। थंभग्ग-पलंबिर-सेयचामरुप्पील- विलसिर - सिरीए । विमलायं सपडिप्फलियदिणयरालोयपजलते ।। ५३८३।। पवणविघट्टणरणझणिरकिंकिणीजालमुहलियदियंते । पत्थं तिव्वसकुमरं पत्थवमंतो पवेसत्थं ॥५३८४।। चंदण-रसकर्याटिक्कय-मंगल-कलसेहिं सलिल - पुन्नेहिं । सयवत्त-पिहाणेहिं अवलंबियकुसुममालेहिं ।। ५३८५।। उभओ भागे ठविएहिं सोहिए तत्थ चिट्ठइ नरिंदो । जाव खणंता जयसम्मगेहिणी संमुहा पत्ता ||५३८६।। कइवयकुलनारीहिं मंगलगेयं पकुव्वमाणीहि । करकयअक्खय-वत्ताहि पवरनेवच्छधारीहि ।। ५३८७।। तह नियपुत्तवहुए समन्निया सुप्पसन्नमुहकमला । जयविजयप्पमुहाओ आसीसाओ पयच्छंती ||५३८८ ।। रायकुमाराभिमुहे दोहि वि हत्थेहि तिन्निवाराओ । पक्खिविऊणं ससि संखउज्जले अक्खए तत्तो ।। ५३८९ ।। जोडियकरा पयंपइ देवो पकरेउ आरओ विजयं । मउलियहत्थो अह वयइ पत्थिवो कीरए एवं ॥ ५३९०।। उज्झायभारियाए अह पुरओ पट्टियाए नियगेहे । दारस्स मज्झ भाए पविसइ राया कुमरसहिओ ।। ५३९१।। चंदण - रराच्छडा सेयपसमियासेस सुसुम्मि । कयपंचवन्नकुसुमप्पयरेण विरायमाणम्मि ।।५३९२।। पट्टविऊणं पुरिसं पडिसिद्धो आसणाउ उठतो । जयसम्मो नरवइणा ठिओ आसणे चेव ।।५३९३ । सालगणीलग्गे गयवरम्मि सिरिवम्मसंजुओ राया । तत्तो ओयरिऊणं पविसई वाईसरी भवणे || ५३९४।। पुवं कारियपूयं तप्पडिमं पूइऊण पुण राया । परिहावइ पट्टणं सेएण महग्घमुल्लेणं ।।५३९५ ।। तप्पुरओ ढोयावइ फलपडिपुन्नाई विउलथालाई । तीसे उभओ पासे पुंजीकयपोत्थयाइं तओ ।।५३९६।। पूएउ परिहाइ अह नमिउं वंदिउं च तं देवि । नरनाहो स कुमारो निग्गंतुं एइ बाहिम्मि || ५३९७।। जयसम्मउवज्झाओ उवविट्ठो जत्थ चिट्ठए ठाणे । विरइयमणुन्नवेसो परियरिओ सीसवग्गेण ।।५३९८।। दट्ठूण पत्थिवं तत्थ आगयं मोत्तमेक्कमुज्झायं । नीसेसा विहु सीसा समुट्ठिया कयनिवपणामा ।।५३९९।। पुव्वठवियासणेसुं उवविट्ठा पत्थिवाइणो सव्वे । जह जोग्गं सिरिवम्मो कुमरो पणमइ गुरुपएसु ।। ५४०० ।। सिक्खविओ नरवणा वत्थाहरणाई ढोयए तस्स । वामनिविट्ठस्स तहा पुत्तस्स वि चंडसम्मस्स || ५४०१ ।। अवरोहबुड्ढनारी आभरणजुयाई पवरवत्थाई । जयसम्मभारियाए सबहुए ढोयए नेउं || ५४०२ ।। दोन्हं पि कणिद्वाणं माहवमइ - वद्धणाभिहाणाणं । पुत्ताणं जग्गाई समप्पए पवरवत्थाई ।। ५४०३ ।। एक्केक्कं कणयमयं दोरं तह कंकणाण जुयलं च । तंबोलं च पयच्छइ कप्पूरदलेहिं संजुत्तं ॥ ५४०४ || भूसन्नाए राया तंबोलं दावए संघणसारं । जयसम्म - चंडसम्माण सीसवग्गस्स तह चेव ॥ ५४०५ ।। जयसम्मवामपासे पुरओ उचियासणम्मि ठवियम्मि । सिरिवम्मकुमारो उवविसइ जयसम्मवयणेण ।। अह नरपुंगवराया जयसम्मं वयइ एरिसं वयणं । एस सिरिवम्मकुमरो अम्हेहिं समप्पिओ तुम्हं ||५४०७।। आरोयवो तह गुणेसु तुम्हहिं तो इमो इन्हि । जह अम्ह मणोरहपूरणक्खमो जायए झति ॥ ५४०८ ।। तो जयसम्म निवई पयइ जहा को मऊरअंडाई | चित्तेइ कोवसंखं धवलेइ सहावसियवनं ।।५४०९ ।। उत्तमकुलप्पसूयाण जायए जं सहावसंसिद्धो । सव्वो वि गुणकलावो निमित्तमेत्तं गुरु होइ ॥ ५४१०।।
Jain Education International
For Private & Personal Use Only
१६७
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |