Page Text
________________
सिरिवम्मकुमारचरियं
मवद्धणोवि कारियवरसिंगारो कुमारपासम्मि । आगंतूण निसीयइ तम्मि खणे सजणयाणाए ॥ ५४११।। काऊण नमोक्कारं पढमं सव्वण्णुणो ति जयगुरुणो । पच्छा सरस्सईए देवीए परमविणण || ५४२२।। तेसिं दोन्हंपि, तओ, पयच्छए माइयाए परिवाडि । जयसम्मउवज्झाओ परिप्फुडुच्चरियवन्नेहि ||५४१३ ।। एवं दुइयं तइयं वारं दाऊण ताण परिवाडि । जाव चउत्थं वारं उज्झाओ दाउमारो || ५४१४ ।। ता पडिसेऊणं पुहईनाहेण जंपियं एयं । उज्झाय पुच्छ कुमरं तुहागया माइया नो वा ॥ ५४१५।। उज्झाएण तह च्चि पुट्ठो कुमरो पयंपए एवं । पढमाए चेव इमा परिवाडीए ममायाया ||५४१६।। तो विम्यं पवन उज्झाओ भणइ पढ कुमार सयं । पढिया कुमरेण तओ फुडक्रा अखलिया झति ॥ ५४१७। सीसं धुणिऊण तओ जयसम्मो पुच्छए नियं पुत्तं । अवहारिया तए कि मइवद्धणमाइया एसा ।। ५४१८ ।। सो भइ संपयं चिय चउत्थ वारं पढंतए कुमरे । चिट्ठइ मज्झ वि एसा समागया माझ्या ताय ।। ५४१९।। पिउणी आणाए तओ पढिया तेण वि फुडक्खरा तह य । तो जयसम्मो दंसइ लिहिऊणं पट्टए बने ।। ५४२० ।। गुरुवयत तव कुमरो वि वन्न - समवायं । सव्वं पि लिहइ पट्टे सुद्धावयवं विगयसंको ।। ५४२१ ।। अच्चब्भुयमवहारणसत्ति दट्ठूण तस्स जयसम्मो । एक्केक्कस्स वि वन्नस्स दंसए णे य संजोए ॥५४२२ ।। वन्नंतरसरसहिए वयणुच्चारेण संजुए लिहिउं । तस्सणुलग्गो कुमरो तह चेबुच्चारए लिहए || ५४२३।। सत्रे विविम्हिया पहाणपुरिसा नरेसरस्स तओ । उत्तारयंति कमसो कुमरस्सुवरि निउँछणयं । । ५४२४।। अवरोहवुड्ढनारीजणावि ओयारिऊण लूणाई । कट्ठेति भालवट्टे तस्स समीटिक्कयाई तओ || ५४२५ ।। तो जयसम्मो जंपइ वण्णुच्चारम्मि ताव कुसलत्तं । संपन्नं सव्वक्खरसंजोयजुए वि अइपवरं ॥ ५४२६।। नायर-लिवीय जाया इमस्स अइरेग परिचिया सव्वा । सेसाओ विलिवीओ दंसियमेत्ताउ गिन्हेइ ।।५४२७ ।। परिमिन्हि अइवेला जाया कुमरो वि भुक्खिओ होही । तो मुच्चउ अवसेसं पुणो पभायम्मि भणियवं ॥ अन्नं च अज्ज पढमं दियहं तो एत्थ थेवओ चेव । पारंभो कीरंतो संजाय खेमजणओ त्ति ।। ५४२९।। एक्केण त भणियं तत्थ नरिदस्स नम्मसचिवेण । उज्झाय तओ तुमए अप्पारंभो कओ एसो ।। ४३३० ।। अन्ने पोढा वि नरा जं न अहिज्जेति चउहिं मासेहिं । तं तेत्तिय घडियाहि वि तए इमो पाढिओ कुमरो ।। ५४३१ ।। तेण वयणेण सव्वे निवपुरिसा नियमणम्मि हसिऊण । तत्तो मोणेण ठिया वारइ दिट्टीए तं च निवो ।।५४३२ ।। तो जंपइ उज्झाओ इय तं परिहासजंपिरं पुरिसं । सव्वं चिय भो एवं अन्नावेक्खाए तुह वयणं ।। ५४३३ ।। कुमरं तु पडुच्च असच्चमेव जम्हा इमस्स पन्नाए । एग पए च्चिय सव्वं भणियव्वं होइ सत्थं पि ॥ ५४३४।। धन्नेगमाणगस्स उ आहारो होइ जस्स पुरिसस्स । तस्सेग पाइलीए अप्पाहारत्तणं हवइ ।। ५४३५ ।। धन्नस सेइया भुत्ताए होइ जस्स पुण तित्ती । तस्सेगमाणगेण वि भन्न आहारवत्तं ।।५४३६।। जह एवं किर एवं सत्थारंभे वि तह मुणेयव्वं । पन्ना माणेणं सत्थारंभस्स वत्तं ।। ५४३७।। जयसभ्मेण कुमारो पुट्ठो जह वच्छ ! तंसि अइ छुहिओ । कुमरेण तओ भणियं अज्जं छुहं नेय जाणामि । ५४३९। एवं चिय जाणेहं जइ अज्ज वि कि पि सुव्वए तुम्ह । पभणंताणं वयणं एत्तो उट्ठिज्जए नेय ||५४३९ ।। कुमरस्स इमं वयणं जयसम्मो नरवरो य सोऊण । अइपरमपमोएणं पूरियहियया दुयं जाया ||५४४० ।। अह जयसम्मो निवइं वयइ जहा देव ! अन्नजम्मम्मि | पढियाउ समग्गाओ कलाओ चिट्ठति कुमरेण ।।५४४१ ।। एम्मि पुणे जम्मे चितेयव्वाउ केवलमिमाओ । जह अज्जदिणंअहीयं को वि हु चितइ दिने बीए ।। ५४४२ ।। आरोग्गं मग्गामो केवलमेयस्स देव ! कुमरस्स | चिट्ठति सयं सिद्धा अन्ने सव्वे वि पढणगुणा || ५४४३।।
1
१६८
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |