Page Text
________________
सिरिवम्मकुमारचरियं
तसि दक्खाईणं दक्खा गिन्हंति ताई केवि लहं । तो ते तह धावंते दट्टणं हसइ सो कुमरो ।।५३४६।। पासाओवरि भूमीए संठिओ तं तहा पयारेण । पहसंतं नियकुमरं निज्झाएऊण नरनाहो ॥५३४७।। पूगी-फल-फालीहि हियए हणिउं वरोहदासीओ। उड्ढं अवलोयंतीउ तज्जए ताउ दिट्ठीए ।।५४४८।। तो ताउ विसेसेणं आणावेउं फलाइं विविहाई । काउं निउंछणाई कुमरस्स खिवंति दूरम्मि ।।५३४९।। एवं पकीलमाणो पइदियहं बहुविहाहिं कीलाहिं । कइयावि कोउएणं असोगवणियाइसु पयाइ ।।५३५०।। सो नरपुंगवनरनाहनंदणो तत्थ रायहंसाणं । तणएहि समं कोलइ मुइयमणो अप्पसरिसेहि ।।५३५१।। सविसद्धो भयपक्खेहि महर-सहेहि संदरगईहिं । कमलाहारेहिं तहा निम्मलमाणस कयरईहि ॥५३५२।। दियहतरेहि वढइ देहो कुमरस्स तस्स चरिएहिं । हरिसो निवस्स हियए गेहे विहवो य पुन्नेहि ।।५३५३।। अह तं नाऊण निवो कलगहणो य वयम्मि वतं । पेसेऊणं पुरिसं हक्कारावइ कलायरियं ।।५३५४।। जयसम्म नामण संपत्तो एस तक्खण चव । उज्झाओ संजत्तो पत्तण चंडसम्मण अह तं पुहई नाहो आसण-फल-फुल्लदाणमाईहि । सम्माणेऊण पसन्नवयणकमलो वयह एवं ।।५३५६।। तुम्हे देहेण दढा ठिया तओ भणइ जोडियकरग्गो। जयसम्मो उज्झाओ अज्जेवदत्तमुवजायं ।।५३५७।। दहे मणे य अम्हं संजाए तुम्ह दंसणे देव । अह राया जयसम्म बेइ जहा अवहिया सुणह ।।५३५८।। तुम्हाण पुबपुरिसा कमेण आरम्भसुबहुकालाओ । अम्हं पुव्वनिवाणं कलाण उवएसया जाया ।।५३५९।। इन्हि पुण अम्हाणं तुम्हाण य कह वि विउलपुन्नेहि। अम्ह सिरिवम्मकुमरो कुलप्पईवो समुप्पनो ॥५३६०।। जोग्गो य कलागहणस्स संपयं चिट्ठए इमो जाओ। तो कम्मि वि सुहदियहे एयं नेऊण सयमव ।।५३६१।। अम्हे तुम्हं सगिहट्ठियाण सिग्धं समप्पइस्सामो । जह कह वि गुणारूढो होइ इमो तह करिज्जाहि ।।५३६२।। तो जयसम्मो एवं तह त्ति पडिवज्जए निवइवयणं । अह राया तंबोलं दावेऊणं सकारं ॥५३६३।। जयसम्ममुवज्झायं विसज्जए सायरं स पुत्तं पि। उठेउं हिट्ठमणा गिहं गया ते वि पिइ-युत्ता ।।५३६४।। हक्कारावइ गणयं राया तं पुच्छिऊण तक्कहियं । ओज्झायरस कहावइ दिय तेणणुमए तम्मि ।।५३६५।। तिहि-वार-करण-नक्खत्त-जोगलग्गेसु सोहणेसु तओ। कीरंतमंगलेहि कंचण-ग्यणाइकलसहि ।।५३६६।। कयमज्जणं विलित्तं अहिणवगोसीसचंदणरसेणं । कयसेयकुसुम-सेहरमुज्जलसुनियत्थवरवश्यं ।।१३६७।। अइविमलथूलमुत्ताहलाण हारेहि भसियसरीरं । तुहिणायलं व विलसिरपुन्निमसरइंदुकर-नियरं ॥५३६८।। तं आरोवइ राया नियमच्छंग करिदमारूढो। सिरधरियधवलछत्तो ढलंतसियचामरप्पीलो ।।५३६९।। करि-तुरय-रहारूढेहि मंति-सामंत-मंडलवईहिं । परिवारिओ समंता अणेयपाइक्कलहि ।।५३७० ।। सिरिवम्मलेहसाला पवेसमायन्निऊण तं सव्वो। धावइ नयरस्स जणो निरिक्खणत्यं दुयगईए ।।५३७१।। मग्गम्मि अमायंतो उभओ भागेसु भवणपंतीसु । आरूढो अवलोयइ दुइज्जतइयाइभुमीसु ।।५३७२॥ नरनाहसीहदाराउ पभिइजयसम्ममंदिरं जाव । आवण-गिहाई मग्गे नरनारिमयाई जायाइं ।।५३७३।। भक्खाई जाइं काइं वि फलाइं नारंग-दक्खमाईणि । ओल्लाणि य सुवकाणि य तेसि भरियाइं थालाई ।।५३७४।। पुरिसाण य महिलाण य सिरेसु ठवियाई पिट्ठओ जंति । अवरोहवड्ढनारी जनो य वच्चइ रहारूढो ।।५३७५।। सामग्गीए इमाए नरपुंगवपत्थिवो नियगिहाओ। सिरिवम्मकुमरसहिओ संचलिओ रायमग्गम्मि ।।५३७६।। अंबरकुहरं पूरंतएहिं तरेहिं तारसद्देहि । वज्जतेहिं दूरयरपसरिएहि पडिरवेहि ॥५३७७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |