Page Text
________________
सिरिमुनिसुव्वयजिणिदचरियं
परिणीयं देवि तओ एगूणाई पि पंचविसयाई । निवभज्जाणं ताणं तुह पडिबिंबाई भन्नंति ।। ५१८४ ।। देवी भणइ एवं कयम्मि आराहिओ हवइ सुमिणो । आमं ति सो वि जंपइ अह तं पडिवज्जिउं दवी ।।५१८५ ।। जिणमित्तं भणइ पुणो कारेहि इमं नरिंदपासाओ । सेसाणं देवीणं दावेऊणं समाएसं ॥ ५१८६ ।। अह जिमित्त देवि अणुन्नवेऊण उट्टिउं एइ । रन्नो पासे साहेइ तस्स देवीए पडिवयणं । । ५१८७ ।। अह राया जिणमित्तं कंचुइणा सह समग्गदेवीणं । पासम्मि पेसिऊणं आएसं दावए एयं । । ५१८८ ।। जह कामरइ देवी पूs जिणमंदिरेसु पडिमाओ । तुब्भे वि कुणह पूयं एक्केक्के चेइयहरम्मि ||५१८९ ।। हत्तिओ विधम्मो तुम्हं पि हृ जायए पभायम्मि । ता संवहिउं वच्चह उद्दिट्ठेसुं जिणहरेसुं । । ५१९०।। पडिवन्ने देवीहिं पूओवगरणजुयाउ सव्वाओ । पेसइ ताउ पभाए पुढो पुढो जिणहरेसु निवो ।।५१९१ ।।
वित्तिय स वि जिणहरेसु जुगवं पि । राया गमेइ कालं आराहंतो विग्गं पि ।। ५१९२।। उप्पन्नकहियपूरियडोहलया सा वि कामरइदेवी । अइगस्यपमोयजुया सुहंसुहेणं वह गब्भं । । ५९१९३।। समयम्मि तओ पसवइ पुत्तं पउमदलदीहनयणजुयं । अझ पवरख्यवंतं नियदेहपहाहयतमोहं ।।५१९४।। वृद्धावयअंते उरजणस्स दाउं जहिच्छियं दाणं । कारइ वद्धावणयं समग्गनयरम्मि नरनाहो ।।५१९५ ।। सम्माणिय सयलजणं बारसमे वासरम्मि पुत्तस्स । सुमिणाणुसारि नाम पयावदेवो ति ठवइ निवो ॥। ५१९६ ।। अह वढ सो कमसो निवभवणे पंचधाइ परिगहिओ । समयम्मि कलायरियस्स अप्पिओ गहियसव्वकलो पत्तो जोव्वणलच्छि निवेण परिणाविओ सुरूवाण । कन्नाणं अट्ठसयं महानरिदेहि जायाणं । । ५१९८।। faओ जुवरायपए रन्ना दिन्नो य तस्स बहुदेसो | वित्थारियजसपसरो निय जणयं सेवए एसो । । ५१९९ ।। अह वज्जकुंडलनिवो नाऊणं रज्जभारवहणखमं । पुत्तं पयावदेवं रज्जे ठविउं समीहेइ ।। ५२००। गहि वयं सयं पुण चिततो भवसरूवमइविरसं । सुमरंतो मरणं तारिसं च तं कामदेवस्स ।। ५२०१ ।। पालइ रज्जमकामो निव्विनो भीमभवनिवासस्स । पडिवालितो एंतं तहाविहं कं पि मुणिपवरं ।। ५२०२ ।। सो वज्जनाहिसाहू दुक्करतव चरणवारिपूरेण । पक्खालियकम्ममलो संपत्तो सासयं सोक्खं ॥ ५२०३।। तयण सुजसो वि सूरी पडिबोहिय भविय-कमल-वणसंडो। ठविऊण नियट्ठाणे विमलजसं नामगणनाहं ।। ५२०४ ।। तव दवयासणेण डहिऊण असेसकम्मवणगहणं । अवगाढो गयबाहं सासयसुहसागरमगाहं ॥। ५२०५ ।। इय जणपरंपराएं सुणिऊणं वज्जकुंडलनिवो वि । संसारासारतं पक्खणं भावइ मणम्मि ।।५२०६ || अह विमलजसो सूरी विहरतो गंधमायणपुरम्मि । पत्तो कमेण चउनाणसंजुओ तम्मि समयम्मि ।। ५२०७ ।। सोऊण तं समागयममयरसेणेवसित्तसव्वंगो । निज्जाइ वज्जकुंडलनरनाहो झत्ति नयराओ ।। ५२०८।। गंतॄण तत्थ सूरि वंद आणंदगलियनयणजलो । उवविसिउमुचियदे से पढमं चिय पुच्छइ सरुवं ।। ५२०९ ।। सुजसाणं सूरीणं निय पिउणो वज्जनाहि मुणिणो यौं । विमलजससूरिणो वि हु सवित्थरं तस्स साहेति ।। ५२१० ।। नियमत्थयम्मि दोन्नि वि हत्थे आरोविऊण तो राया । कुणइ पणामं पहरिसगलंतबहुबहलबाहजलो ।।५२११।। जंपइय जहा दुहमयभवप्पवंचाउ मोइओ अप्पा । दोहिं वि भयवंतेहि तेहि महासत्तवतेहि ।। ५२१२।। जं ते सासयसोक्खं संपत्ता एत्तिएण मह तोसो । तेसिं पायापणया पुणो मए जं न तं दुक्खं ।।५२१३।।
१६१
आगया य बहुसो सुजसमहासूरिणो इह पुरम्मि । सह वज्जनाहिमुणिणा करुणापीऊसजलनिहिणो ।।५२१४ ।। किंतु तयादेसेसुं इयरनरिंदाण चालणनिमित्तं । अम्हे परिब्भमंता तेण न तदंसणं जायं ।। ५२१५ ।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |