Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 195

१६२
वज्जकुंडलचरियं
अन्नेसु वि देसेसुं ते मुणिणो विहरिया दयानिहिणो । जत्थ म्हे वच्चंता तत्थ परं तेन संपत्ता ।।५२१६।। सो अम्हं चिय दोसो कम्मस्स सुहंतरायजणगस्स । नहु चितामणिसंगो कया वि जायइ अउन्नस्स ।।५२१७।। तेहि सयं नियठाणे ते तुम्हे ठाविया गुणसमुद्दा । अम्हाण ते वि तेसि तुल्ला अहवा दि अन्भहिया ।।५२१८।। मेहस्स उन्नयस्स व तुह मग्गं मह पलोयमाणस्स । इन्हि मणिनाह गया बहुदियहा दुहियहिययरस ।।५२१९।। तह पायपंक
संकयाणं इन्हि आगमणसवणसमकालं । तं मह दह पलाणं पलोयण ताण कि मणिमो ||५२००। नाह मणोरहबीयं जं मह हिययम्मि वावियं आसि । एत्तियकालं संपइ तं तुह आगमणसवर्णण ।।५२२१।। अंकुरियं पल्लवियं दंसणओ संपयं कुसुमियं व । पहु दिक्खादाणेणं तं सहलं कुणह इन्हि तु ।।५२२२।। अह विमलजसो सूरी आह इमं वज्जकुंडलनरिदं । संसारम्मि असारे इमम्मि दुक्खाण खाणिम्मि ।।५२२३।। सोक्खस्स लवो वि खणं पि नत्थि चउसु वि गईसु जीवाणं । मोत्तूण मोक्खमेक्कं सोउण सिज्झइ नरभवम्मि ।। लद्ध ण वि मणुयभवं मोत्तूणं मोक्खसाहणोवायं । जे तुच्छं विसयसुहं सेवंता तं गमेंति मुहा ।।५२२५।। ते तस्स महामढस्स सालिसा होति वियलियविवेया । दहिऊण चंदणं जो करेइ इंगालवाणिज्जं । ॥५२२६।। ता उचियमिणं काउं तुम्हाण विवेयवंतपुरिसाणा । जुत्तो न कालखेवो बहुविग्छ होइ जं सेयं ।।५२२७।। तो वज्जकुंडलनिवाणुमग्गलग्गं समागयं तत्थ । अंतेउरं पि सव्वं पासनिसन्नं सुणइ एयं ।।५२२८।। तेण वि विन्नत्तो वज्जकुंडलो मेइणीसरो एवं । अम्ह वि दिक्खं दाउं चरणे विन्नवह सूरिस्स ।।५२२९।। तुम्हेहि विमक्काणं अम्हाण वि नत्थि का वि अन्नगई। जो चेव तुम्ह मग्गो अम्हेहि वि सोगंतव्यो ।।५२३० ।। सूरीहि सयंचिय जंपियं तओ एवमेव तुम्हं पि । अत्तं विसेसओ पुण निवम्मि एवं कुणंतम्मि ।।५२३१।। ओरोहेण समं चिय राया हरिसियमणो समठेउं । नमिऊण सूरिचरणे सिग्धं पत्तो नियावासं ।।५२३२।। आमंतिऊण पुत्तं पयावदेवं पयासए तस्स । नियाभिप्पायं गयाण तह पालणोवायं ।।५२३३।। तो वज्जकुंडलनिवो सुहे मुहत्तम्मि तस्स अहिसेनं । रज्जपए निवत्तः पवित्थरेणं गरुतरेण ॥५३३४ ।। अह सो पयावदेवो महानरिदत्तणं समणुपत्तो । रायाइसयललोए, पणमिओ परमविणएण ।।५२३५।। अह सो वि तक्खणे च्चिय निक्खमणत्थं नियस्स जणयस्स। कारेइ रयणकंचण-रुप्पमयाणेगकलोहि ॥५२३६।। अहिसेयमंगलूहण-विलेवणं दिव्व-वत्थपरिहाणं । नाणाविहरयणाहरणभूसणं कुसुमसंजमणं ।।५२३७।। इय कारियसिंगारं आरोहेऊण कंचणरहम्मि । सिरिवज्जकुंडलनिवं एमेवंतेउरं तस्स ।।५२३८।। पविभत्तेसु रहेसुं आरोवेऊण रइयसिंगारं । मलगइंदारूढो अणुगच्छंतो स परिवारो ॥५२३९।। राया पयावदेवो कारियपूयो जिणिदभवणेसु । दीणाणाहाईणं दावितो विविहदाणाई ।।५२४० ।। बंदीहिं पढिज्जते गिज्जते मंगले कुलवहूहिं । ठाणट्ठाणे पमया उलेहि कीरतपेच्छणए ।।५२४१ ।। नेउ सयं समप्पइ सूरिस्स विहीए देइ सो दिक्खं । जिणमित्ताइजणाणं सएहिं पंचहि सह निवस्म ।।५२४२।। कामरइ पमुहाणं पंचण्हसयाण रायभज्जाणं । सिक्वविउं मणिकिरियं पवत्तिणीए समप्पेड ।।५२४३।। अज्जाणं पंचसए मुणीण ते धरइ अप्पणो पासे । राया पयावदेवो सावयधम्म पवज्जे ॥५२४४।। अह वंदिऊण सूरि समग्गपरिवारसंजुयं तत्तो । राया पयावदेवो पयाइनियम्मि पासाए ॥५२४५।। अह वज्जकुंडलमुणी सिद्धतमहिज्जए गुरुसमीवे । कामरई पमुहो वि हु आगममज्ज गणो पढइ ।।५२४६।। राया पयावदेवो पइदियहं वंदए समागंतुं । सूरि सपरियणं सह नवदिक्खियजणय-जणणीहि ।।५२४७।। अह विमलजसो सूरी ठाऊणं कइ वि वासरे तत्थ । विहरड अन्नत्थ तओ नियपरिवारेण मंजुत्तो ।।४२४८।।