Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 193

१६०
वज्जकुंडलचरियं इय वज्जकुंडलाओ सिक्खं गहिउं तओ पभायम्मि । गंतुणं जिणमित्तो देवीए कहइ अह सा वि ।।५१५२।। कामरई तव्वयणं जुत्तिजुयं जाणिऊण तं चेव । जिणमित्त जिणमंदिरपूयाकरणत्थमाइसइ ॥५१५३।। सो तीए सह वच्चइ जिणभवणे कारए य वरपूयं । जिणमित्तो तो गंतुं साहइ एवं नरिंदस्स ।।५१५४।। राया वि पहिट्ठमणो कामरई भाववुड्ढिजणणत्थं । जिणमित्तं सिक्खविउं पुण पेसइ तीए पासम्मि ।।५१५५।। सो गंतुं जिणभवणे देवीए कहइ कन्नमूलम्मि। वद्धाविज्जसि तं देवि संपयं जं निवो जाओ ।।५१५६।। सत्थमणो सुपसत्थं जंपइ सव्वं पि संपइ जओ हं । हक्कारिऊण भणिओ तेणेवं कामदेवस्स ।। ५१५७।। नेहेण मोहिओहं जिणमित्तदिणाई एत्तियाइं ठिओ। उग्गयमत्थमियं वा न कि पि नायं मए जमिह ।।५१५८।। इन्हि चिय चेयन्नं लद्धं ता कह भविस्सए देवी। सा कामरइ नेहेण भाउणो विहरिया संती ॥५१५९।। तत्तो मए पभणियं एवं चिय देव! होतयं आसि । तीसे परं तुह दुहं आगंतुं उवरिसंजायं ।। ५१६० ।। तेण नियभाइमरणुब्भवं दुहं तत्थ नेय सम्मायं । तो जं तुह सालयविरहसंभवं दुक्खमप्पन्नं ।।५१६१।। तस्सोवसमणहे पूयंती भमइ सा जिणहरेसु । जिणपडिमाओ ओयाइयाई देंती बहुविहाई ॥५१६२।। तो आह निवो चिट्ठइ कामरई कत्थ संपयं देवी । अह जिणहरे ठिया इह मए तुमं तस्स लहु कहिया ।।५१६३।। तो वज्जकुंडलेणं रन्ना भणियं पहिट्ठचित्तेण । जत्थ गया सा देवी चिट्ठइ तत्थेव गच्छामि ।।५१६४।। इय भणिऊणं लग्गो संवहिरं वज्जकुंडलो झत्ति । एत्थागमणत्थं तो अहं पुरो होउमिहपत्तो ।।५१६५।। निववत्ता कहणत्थं जह जायइ सुमिणपच्चओ तुम्ह । इन्हि जामि इओहं पुणागमिस्सं सह निवेण ।।५१६६।। इय पभणंतो एसो देवीए अणुमओ जिणगिहाओ । नीहरिउं तं रन्नो कहेइ सव्वं पि गंतण ।।५१६७।। तो सोऊणं राया हरिसियचित्तो गइंदखंधम्मि । आरूढो बहपरिवारसंजुओ जिण हरे पत्तो ।।५१६८।। न्हवण-विलेवण-पूयणमाईयं तत्थ वित्थरसमेयं । कारेऊणं पत्तो पुणो वि निययम्मि पासाए ।।५१६९।। भोयणसमयाणंतरमामंतेऊण कामरइ-देवि । नियसुह-दुक्खालावं खणं निवो कुणइ तीए समं ।।५१७०।। बीयम्मि चेइयहरे पुणो पभाए पयाइ पुहइवई । देवीए मह कारइ तहेव तत्थ वि न्हवणमाई ।।५१७१।। दो तिन्नि वि अन्नाइं वि दिणाई एकेक्कजिणहरे गंतुं । तो रत्ना जिणमित्तो सिक्ख विउं भाणिओ देवि ।।५१७२।। अह तेण नियगिहगयादेवी नियउत्तरेण विन्नत्ता। जह देविए मेक्कक्क जिणहरे पूयकरणेण ।।५१७३।। लग्गिस्सइ बहुकालो एवं सीयंति रज्जकज्जाइं । रन्नो निच्च पि जिणिदमंदिरे चिट्ठमाणस्स ।।५१७४।। तह अप्पदुइज्जाए तुज्झ वि देहम्मि जायए बाहा। उवविठ्ठाए सुइरं जिणभवणे चिट्ठमाणीए ॥५१७५।। तो कामरई जंपइ जिणमित्तकिमेत्थ कीरए इन्हि । सो आह सेसजिणहरनिवहे जुगवं कुणह पूयं ।।५१७६।। सा वयइ जुगवमेवय सव्वेसुं सेसचेइयहरेसु । पूयाकरणं दुक्करमहकीरइ तह वि कह गंतुं ।।५१७७।। सक्किज्जइ तेसु सयं जिणमित्तो भणइ अत्थिह उवाओ। पुच्छइ देवी सो केरिसो त्ति तो आह सो एवं ।।५१७८।। एक्कम्मि जिणाययणे सयं तुमं चिट्ठ समएसु पुणो । नियपडिबिंबाइं ठवेहि देवि सा बेइ मह सत्ती ॥५१७९।। नत्थि पडिबिंबकरणे जिणमित्तो भणइ संपइ नवाई। कारेमि न ताइं अह पुब्वं पि कयाई चिटति ॥५१८०।। पुन्नेहिं तुज्झ सा भणइ कह मए ताई नेय नायाइं । जिणमित्तो बेइ तुम मुणसि मए ताई कहियाइं ।।५१८१।। देवी जंपइ जिणमित्त एयमच्चब्भुयं तुमं भणसि । ता कहसु सिग्धमेवय फिट्टइ मह जेण संदेहो ॥५१८२।।। सो भणइ देवि ! पढमं परिणीया वज्ज कुंडलेण तुमं । तयणंतरमेगूणं भज्जा सय पंचगं तेण। ।५१८३।