Page Text
________________
१५६
वज्जकुंडलचरियं
पडिहारेणं पुरिसो सिक्खविऊणं नरिंदसंदिळं। बाहि गिहे य अह सो गंतूणं झत्ति विणियत्तो ॥५०२७।। आगंतुणं साहइ रन्नो पुरओ जहा मए गंतुं । गेहे वि कामदेवो पुट्ठो तत्थ वि परं नत्थि ।।५०२८।। गिहमाणुसेहिं कहियं गोसग्गे निग्गओ नियगिहाओ। जं एसो तं अज्ज वि न एइ बाहि कहि पि ठिओ ॥५०२९।। तो तत्थं पंचवल्लहसाहणिएणं निवेइयं रन्नो । जम्मि तुरयम्मि चडिउं तुम्हेहि समं गओ एसो ।।५०३०। सो ताव मए दिट्ठो तुरओ बद्धो तुरंगसालाए। रन्ना भणिउं गंतुं पुच्छ तुम थाणवालं तं ॥५०३१॥ केणाणेउं तुरओ समप्पिओ एत्थ सो वि गंतूण । साहणिओ पुच्छेउं तमागओ कहइ नरवइणो ।।५०३२।। जह सो तस्स तुरंगो केण वि पुरिसेण ने य आणीओ। सुन्नासणो सयंचिय समागओ दिन्नमुहकविओ।।५००३३।। पल्लाणेण समेओ तो रन्ना जंपियं विचितेउं । तुरयाउ कामदेवो पडिओ बाहिम्मि कत्थ वि य ।।५०३४॥ इय वोत्तूणं संभंतमाणसो झत्ति उढिओ राया। परिवेसियं पि मुक्कं तहेव थालम्मि नो भुत्तं ।।५०३५।। पयचारेणं चलिओ गवेसणं तस्स कामदेवस्स । काउं कामरई वि हु नाउं चलिया सह निवेण ।।५०३६।। पच्छा साहणिएणं पल्लाणेऊण ढोइओ तुरओ । तत्थारूढो राया रहम्मि देवीओ कामरई ।।५०३७।। दिण्णुवओगेण तओ रन्ना विमंसियं इमं जह सो। दिट्ठिपहम्मि ठिओ मे गओ तहा आगओ तत्तो ।।५०३८।। ता जाव साहणाई मिलियाई चउद्दिसि पि आगंतुं । संजायं तत्थ तओ रयंधयारं महाघोरं ।।५०३९।। तो रेणुभएण मए अइसिग्घं निय तुरंगमो मुक्को। सेसा वि आसवारा वेएण पहाविया तत्तो ।।५०४०।। संजाओ संघट्टो परोप्परं तत्थ आसवाराणं । संभाविज्जइ पडिओ तो सो तत्थेव ननत्य ।।५०४१।। इय चितिऊण राया तम्मि पएसम्मि वच्चए जाव । पुरओ होउं दिट्ठो पडिओ सो ताव तेण तहिं ।।५०४२।। तुरय-खुर-खुन्न-देहो निहणं पत्तो रओहदुल्लक्खो । दट्ठण झत्ति तं वज्जकुंडलोनरवई जाओ ।।५०४३।। मउलंतलोयणजुओ निवडिओ कामो तुरंगपिट्ठाओ । पासट्ठिएहिं ओयारिऊण खित्तो रहे तत्तो ।।५०४४।। कामरईदेवीए दिट्ठो राया तहट्ठिओ तेहिं । मज्झम्मि खिप्पमाणो रहस्स कसणीकयमुहेहिं ।।५०४५।। देवीए संभमाउलहिययाए पुच्छ्यिं किमेयं ति । तेहिं तओ जह वत्ते कहिए देवी खणं दिट्ठि ।।५०४६।। खिविऊण कामदेवे पडियम्मि महीयले विगयजीए। वलिउं सखेयहियया रहम्मि वच्चइ महीवइणो ।।५०४७।। चंदणरसकयसेयं मऊरपिच्छाण तालियंटेण । वीएऊणं तं चंपिउं च हियए सहत्थेण ।।५०४८।। संभासइ महुरगिरा जा देवी ताव नरवई सणियं । उम्मिलिऊण नयणाई हुक्कारेऊण उट्टेइ ।।५०४९।। जंपइय जहा सव्वं चंदणकट्ठाइपगुणयं कुणह । जह कामदेवकाओ सक्कारिज्जइ सयं गतुं ॥५०५०।। तक्खणमेव तओ ते पवणीकाऊण चंदणाइयं । तस्सुक्खिवंति देहं गस्यविभईए तढाणा ।।५०५१।। तो वयइ वज्जकुंडलराया जह एस कामदेवोमं । भइणिवइं भइणिमिमं चइऊण सयं गओ एक्को ।।५०५२।। तह वि हु अम्हे एयस्स पिट्ठओ पिट्ठओ संपयं गमिस्सामो । इय भणिऊणं तस्सणुमग्गेण गओ रहारूढो ।।५०५३।। वच्चंतो वयइ इमं कह देवि इमो सहोयरो तुज्झ । निठुरचित्तो जाओ अम्हे हक्कारए नेय ।।५०५४।। वच्चंतो गामंतरमेसो तुह दिज्जए उवालंभो । एवमसंबद्धाइं वयणाई तस्स सुणिऊण ।।५०५५।। भीया मणम्मि देवी कामरई चितए कहमिमोवि । राया वियक्खणाणं सिरोमणी वयइ विगलमई ।।५०४६।। नेहेण कामदेवस्स नणमेयस्स मोहियं हिययं । हा दिव्व! कि अकंडे पहरसि अम्हाण उवरुवरि ।।५०५७।। अवहरिऊणं गुणरयणसायरं भायरं इमं एक्कं । अम्हाण पाणनाहस्स एरिसिं कुणसि किमवत्थं ।।५०५८।। इच्चाइ चितिऊणं रायाणं पभणए तओ देवी । जो देव कामदेवो तए वि सह निठ्ठरो एवं ।।५०५९।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |