Page Text
________________
मिरिमुनिसुव्वयजिणिदचरियं
१५७ संजाओ सो नणं कयग्घनरसेहरो जए सयले । नो तुममिमस्स नामं पि देव मा गिन्ह मह पुरओ ।।५०६०।। इच्चाइबहप्पयारं पयंपमाणी मणं नरवइस्स । उत्तारइ कामरई अभिक्खणं कामदेवाओ ।।५०६१।। जं किंपि नारदो कामदेवविरहानलेण वि हु रमणो। पलवइ तप्पडिवयणं पुणो पुणो देइ सा देवी ।।५०६२।। गरुयं पि सहोयरमरण-दुक्खमवहीरियं समग्गं पि । तीए रन्नो सुन्नत्तविगचिताउरमणाए ।।५०६३।। सो कामदेवदेहस्स दाहकालम्मि धारिओ तीए । दूरिट्टिओ चेव निवो काऊण कहाहि विक्खेवं ।।५०६४।। तत्तो ठाणाउ तओ पभयपरिवारपरिगओ राया। देवी वयणेण नियत्तिऊण पत्तो नियगिहम्मि ।।५०६५।। जिणमित्तेणं भणिया कामरई-देविदिवसपज्जतो। जाओ एस भविस्सइ अइवेला भोयणे तुम्ह ।।५०६६।। ता किपि पाणधारणमेत्तं तुब्भे करेह कवलगहं । जइ वि न तुम्हाणं कावि अत्थि निय जीवियावेक्खा ।।५०६७।। तह वि हु गब्भट्ठियजीवरक्खणं तुम्ह होइ कायव्वं । तो देवीए भणियं निवम्मि भुत्तम्मि भुंजिस्सं ।।५०६८।। जं किं चि वि भवियव्वं गब्भस्स भविस्सए तमेयस्स । तो जिणमित्तो पभणइ रायाणं देव भुंजेह ।।५०६९।। राया जंपइ एतं अहं पडिक्खेमि कामदेवमिह । गंतूण तुमं तुम्हा हक्कारेऊण तं एहि ।।५०७०।। जिणमित्तो भणइ तओ न अम्ह हक्कारिएण सो एइ। तो रन्ना कामरई भणिया गंतण देवि तमं ।।५०७१।। आणेहि नियसहोयरमम्हाण जमेसचिट्ठए रुट्ठो । जाव न उट्टइ देवी गिन्हइ बाहुम्मितो राया ॥५०७२।। उठेहि त्ति भणंतो पुणो पुणो उट्टए तओ एसा। वच्चइ नियम्मि ठाणे राया विसिज्जिङ लोयं ।।५०७३।। सेसं सव्वं पि तओ एगो होऊण भणइ जिणमित्तं । मा बीहेसि तुमं मे इमाण असमंजसगिराणं ।।५०७४।। कारणवसेण एवं अणुट्टियं चिट्ठए मए सव्वं । विगलत्तं मह चित्तस्स वट्टए न उण थेवं पि ।।५०७५।। भोत्तूणं तं पि कारणमहं कहिस्सामि तुज्झ सव्वं पि । ता कि पि संपइ तुमं भोयणजायं समाणेहि ।।५०७६।। जा अत्थमइ न सूरो ता कामरई पि भणह गंतूण। संबोहेऊण मए राया भुंजाविओ इन्हि ।।५०७७।। देवि! तुम पि हु भुंजसु भत्ताए तुज्झतो कहिस्सामि । तुह संतियाइं वयणाई जाई कहिऊण नरनाहो ।।५०७८।। मन्नाविउं मए तो कारविओ भोयणं पहिट्ठमणो । इय वयहि पडिवनभोयणं तं करेऊण ।।५०७९।। इह आगंतुं भुंजसु मए समं एरिसं निवाएसं । साहेडं जिणमित्तो पत्तो तह झत्ति भुत्तो य ॥५०८०।। सेसंतेउरपमुहो सबो वि हु रायपरियणो भुत्तो । दूरो सारियनीसेससेसलोओ निवो तत्तो ।।५०८१।। सिक्ख विऊणं पेसइ जिणमित्तं कामरइसमीवम्मि। अह गंतुं सो तीसे पासे एवं पयंपेइ ।।५०८२।। देवि! मए जं भणियं आसि पुरो तुम्ह भोयणम्मि कए । आगंतुं साहिस्सं तं संपइ निसुण साहेमि ।।५०८३।। अह तीए अणुन्नाओ सो साहइ देवि रायपासाओ। उठेउमागयाणं तुम्हं इह निय निवासम्मि ।।५०८४।। दळूणं सुन्नमणं निवइं नेहेण कामदेवेस्स । भोयणमवि अकुणतं चितंतो जाव चिट्ठामि ।।५०८५।। ता मज्झ मणे फुरिओ एस उवाओ जहा कइवयं पि । एवं एवं बोत्तुं भोलवियं निवइणो चित्तं ।।५०८६।। कारेमि भोयणमिमं इय चितेउं अहं नरिदस्स । पासाओ उठेउं बाहि गंतुं खणं ठाउं ।।५०८७।। अंतो पुणो पविट्ठो उवविठ्ठो वज्जकुंडलसमीवे । तस्साभिमुहं भणियं मए इमं देव! इन्हि मे ।।५०८८।। बाहिंगयस्स मिलिया कामरई देवि पेसिया दासी। तीए मह कहियमिणं जह देवीए तुहाभिमुह ।।५०८९।। एवं भणावियं जह देवेणं कामदेवमाणेउं । पट्टवियाहं चिट्ठामि किंतु छुहिया न सक्केमि ।।५०९०।। गंतु महं जम्हासो दीहे मग्गम्मि वट्टए पगओ । छुहियम्मि पुणो देवे कहमवि य अहं न भुंजामि ।।५०९१।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |