Page Text
________________
सिरिमुनिसुव्वयजिणिदरियं
१५५
न पमाओ कायव्यो विहवाइसु वज्जिऊण पडिबंधं । अणवरयमेवजत्तो करणिज्जो चरण-धम्मम्मि ।।४९९४।। पवणाहयसुरमंदिरसिहरपडायग्गचंचलो विहवो । सरयन्भविब्भमं जोब्वणं च जीयं च विज्जचलं ।।४९९५।। सयणाणं संघाओ परियणवग्गो य कज्जकयनेहो । इह जम्मम्मि वि विहडइ विणा वि कज्जेण गयलज्जो।।४९९६ इच्चाइ अणिच्चत्ते भवस्स कहियम्मि सूरिणा तेण । विसयकसायविवागे अणेगभवकोडिकडुयम्मि ।।४९९७।। संसार-सुह-विरत्तो सहस च्चिय वज्जनाहिचक्कहरो। रज्जम्मि वज्जकुंडलकुमरं अहिसिंचिउं तत्तो।।४९८।। पव्वज्जं पडिवज्जइ समं सहस्सेण नरवराईणं । देवी सुहावई वि हु तेत्तियरायाइधयाहि ।।४९९।। राया वि सिंधुसेणो पुव्वं पि महिंदरायमरणेण । रज्जब्भंसाइपराभवेण दूमियमणो आसि ।।५०००।। आयन्नियधम्मकहो विसेसओ भवदुहाण निम्विन्नो । पडिवन्नो पव्वज्जं तेणेव य चक्किणा सद्धि ।।५००१।। सो वज्जनाहिसाह चिट्ठे क वि वासरे तत्थ ! सुजसायरिएहि समं अन्नत्थ गओ विहारेण ।।५००२।। अह वज्जकुंडलनिवो फेडेउं केवि केवि ठावेडं। नियमंडलम्मि तत्तो विजयड्ढनरिंददेसेसु ।।५००३।। चालितो ठावेंतो परियडइ अणेयमेइणीवइणो । रह-करि-तुरंगवत्थाहरणाइउवायणाई व ।।५००४।। तेहितो गिन्हंतो कारितो गामनगरमाईसु । अहिणवजिणभवणाई जिन्नाई समुद्धरंतो य ।।५००५।। पूया जत्ताउ तहा कारावितो बहुप्पयाराओ । रहभवणाई भवियाण भूरिसंतोसजणयाइं ।।५००६।। इय सो अणुक्कमेणं संपत्तो गंधमायणपुरम्मि । नायरजणेण विहिओ महसवो तम्मि पविसंते ।।५००७।। जिणसासणप्पहावणपरायणो वज्जकुंडलो राया । निससनिहयकंटयमणुपालितो नियं रज्जं ।।५००९।। संपज्जतजहिच्छियमणोरहो असरिसं विसयसोक्खं । अणुहवमाणोणेगाउ गमइ वासाण कोडीओ ।।५००९।। कामरइदेवीए भाया नामेण कामदेवो त्ति । रू वस्स संपयाए पच्चक्खो कामदेवो व्व ।।५०१०।। सयलकलापारगओ अहिगयनीसेससत्थपरमत्थो । दक्खो दक्खिन्नपरो कयण्णुओ उचियकारी य ।।५०११।। सूयणो सरलसहावो परोवयारी पियंवओ सुहओ । गंभीरो थिरपगई उयारचित्तो पसंतो य ।।५०१२॥ सो वज्जकुंडलनरेसरस्स आसन्नसेवओ सययं । मणवीसासट्टाणं परमं वीसंभभवणं च ।।५०१३॥ तेण सह सयाकालं कुणइ निवो वज्जकुंडलो केलि । नियपासाओ गंतुं कहिं पि से देइ न खणं पि ।।५०१४।। कझ्या वि वज्जकुंडलनरनाहो मंधमायणपुराओ। आसाण साहणेणं वाहिम्मि विणिग्गओ भमिउं ।।५०१५।। तेण सह कामदेवो वि निग्गओ वरतुरंगमारूढो । भमिऊण वज्जकुंडलपुहईनाहे नियत्तंते ।।५०१६।। तुरय-खुर-खणिय-घण-रेण-नियर-अंधारियम्मि दिसिचक्कं । दिट्ठीहि अदीसंते पुरओ वि ठिए सहत्थे वि।५०१७। तुरयाउ कामदेवो पडिओ भूमीए केण वि न दिट्ठो। इयरतुरंगाण' खुरेहि खंडिओ सो गओ निहणं ।।९०१८।। तो पासायम्मि निए संपत्तो वज्जकुंडलरिदो। सेसो वि सेवयजणो गेहम्मि गओ नियनियम्मि ।।५०१९।। अह विहियमज्जणविही जिणिद-बिबच्चणं करऊण। भोयणभवणम्मि गए भूवाले भोयण-निमित्तं ।।५०२०।। सह भोयगपूरिसेसु वि पडिहारनिउत्ताह पुरिसेहिं । सव्वत्तो कयसद्दे सव्वेसु समागएसु लहुँ ।।५०२१।। मोत्तूण कामदेवं तो राया जाव पेसए दिट्ठि । एक्क चिय ताव न तं पेक्वाइ सेसं जणं सव्वं ।।५०२२।। तो रन्ना पडिहारो पुट्टो जह केण कारणेणज्ज । दीसइ न कामदेवो तो पडिहारेण विनतं ॥५०२३।। नामुच्चारणपुव्वं सर्वेसि कारिओ मए सहो। जहन्नया तहज्ज वि न मुणेमि सनागओ कह वि ॥५०२४।। तो वज्जकुंडलेणं निवेण भणिओ पुणो वि पडिहारो। पसेउं कपि वि Jहं पुण निउणं तं गवेसेह ॥५०२५।। जइ होज्ज एन्थ न इमो गिहे वि तो गंतुमयमाणेह । रायाएसाणंतरमेव तओ पेसिओ तेण ।।५०२६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |