Page Text
________________
१५४
वज्जकुडलचरियं
अह कुमरवज्जकुंडलपेसियपुरिसेण वीरसेणाओ । लद्धे नयरपवेसे माउल-ससुराण य नरेहिं ।।४९६२।। पविसे वि सिंधुसेणो राया संबोहिऊण नयराओ । नीहारिओ समीयिजणेण सहिओ य जणणीए ॥४९६३।। नयरम्मि वीरसेणो पुरजणकयमंगलो पविट्ठो य । अहिसित्तो सुहलग्गे निवाइलोगेण रज्जम्मि ।।४९६४।। जत्ता पारंभदिणाउ पंचमे वासरम्मि संपत्तो । कुमराइपुरिससहिओ कुसुमपुरे सिंधुसेणो वि ।।४९६५ ।। जिणभवणे गमणत्थं संवहमाणो नियम्मि आवासे । गंतूण तेण कुमरो पणओ महिनिहियसीसेण ।।४९६६।। नियहत्थो पट्ठीए चरणविलग्गस्स तस्स कुमरेण । दिन्नो उचियालावो सह तेण कओ खणं एक्कं ॥४९६७।। तत्तो विसज्जिओ सो माउलयअणंगदेवआवासे ! गंतण तस्स कंटे लग्गेऊणं खणं रुन्नो ।।४९६८।। भायं महिंदरायं सुमरंतो तस्स नाम गिन्हंतो । जंपेइ तओ एवं जह मज्झ न रज्जपरिभंसो ॥४९६९।। तह दुक्खं उप्पायइ महिंदराओ मओ जह मुहाए। सुमरिज्जतो दूमेइ मह मणं अविरयं चेव ।।४९७०।। अहणंगदेवराया पयंपए सिंधुसेणनरनाहं । न य होइ सोयणिज्जं महिदरायस्स मरणमिणं ॥४९७१।। जेण नियजणयभइणीसुयस्स तुह पाणरक्खणनिमित्तं । निय पाणा परिचत्ता सो चेव पसंसणिज्जो णे।।४९७२।। जाएण जए जोवेण ताव नियमेण कम्मि वि खणम्मि । जत्तेण रक्खिएण वि मरियव्वं केणइ मिसेण ॥४९७३।। ता जइ कस्स वि पाणे रक्खंतेणं मरिज्जए तेण । ता किं न होइ लद्धं जसमक्खयमज्जिणं तेण ।।४९७४।। ता सव्वहा वि न तए महिंदरायस्स वइयरे खेओ। कायन्वो को वि मणे मणं पि जइ मन्नसि तुमं मं ।।४९७५।। माउलयभाइणेज्जा ते एवं कयपरोप्परालावा । कज्जंतरवक्खित्ता संवत्ता तो मुहत्तं ते ।।४९७६।। निवसिंधुसेण भज्जा अह पउमसिरि अणुन्नवेऊण। निय पिउणो आवासे मयणसिरी पट्टिया तत्तो ।।४९७७।। सेट्ठी पियमित्तो वि हु नाऊणं सिधुसेणमायायं । तस्स समीवे गंतुं तं पणमेउं निमंतेइ ॥४९७८।। नियभवणे भोयणकारणाय तेणा वि माउलो पुट्ठो । सो बेइ सिधुसेणो अज्ज दिणे अम्ह पाहुणओ ॥४९७९।। तो पियमित्तो तत्थ टिओ वि आणाविउं नियगिहाओ। घय-सालि-दालि-पक्कन्न-माइ-वत्थाइआहरणं।।४९९० ।। पउमसिरीए सहियस्स सिधुसेणस्स ढोयए पुरओ। गाहेइ विणयपुव्वं विसज्जिओ तेण जाइ गिहं ।।४९८१।। तत्तो पयाइजिणमंदिरम्मि कारेइ न्हवणमाईयं । पुव्वागओवविठे चक्काहिवनंदणे तत्थ ।।४९८२।। पियमित्तसेट्रिपेसियपुरिसेणामंतिओ समायाओ। जत्ता पज्जंतदिणे तत्थ निवो वीरसेणो वि ।।४९८३।। महया विच्छड्डेणं जिणिदपडिमा रहो परिब्भमिओ। कुसुमपुरनयरमज्झे चउविहसंघेण परियरिओ ।।४९८४।। सट्राणपविट्ठरहे पियमित्तो वज्जकुंडलेणेवं । भणिओ भण जिण-भवणे जं किज्जउ एत्थ आयाणं ।।४९८५।। तो पियमित्तो विन्नवइ चक्कितणयं जहा समाइसह । नरनाहवीरसेणं ज (त)ह तत्ति कुणइ जिण-भवणे।४९८६। सेसं न किंपि खूणं तुम्ह पसाएण मज्झ वि इहत्थि । पोढो भए वि विहिओ समुग्गओ चिट्ठइ इमस्स ।।४९८७।। तो जिणहरतत्तिकए आइसिउं वीरसेणनरनाहं । तं तह अणंगदेवं विसज्जिउं मयणदेवं च ।।४९८८।। निवसिंधुसेणसहिओ सयं गओ वज्जकुंडलकुमारो। पियमित्तमणुनविउं कओ चिओ तेण नियठाणे ।।४९८९।। तत्थ निवसिंधुसेणो कुमरेणं चक्कवट्टिणा सद्धि । कारेऊणं दंसण मोलग्गं तो कओ निच्चं ।।४९९०।। अह अन्नदिणे सूरी समागओ सुजसनामओ तत्थ । तब्बंदणाय चलिओ चक्की परिवारसंजुत्तो ॥४९९१।। तेण सह वज्जकुंडलकुमरो वि गओ ससिंधुसेणनिवो। सब्बे वि वंदिऊणं सूरि पासेसु उवविट्टा ॥४९९२।। सूरी वि देइ तेसिं धम्मुवएसं जहा वि वेईहिं । लद्धण माणुस-भवं दुलहं जिण-धम्मसंजुत्तं ।। ४९९३।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |