Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 186

सिरिमुनिसुव्वयजिणिदरिय ता रयणीए पच्छिमचउघडियं झत्ति वज्जियं तत्थ । तं जाव वज्जकुंडलकुमरो विम्हियमणो सुणइ ।।४९३०।। जपइय जाव एवं पासनिसन्नाण सम्मुहं ताण । दीहा वि इमा रयणी कह पेक्खखणं व वोलीणा ।।४९३१।। पडिहारेणागंतुं विन्नत्तो ताव सो इमं कुमरो। जह वीरसेणपुरिसा चिट्ठति समागया दारे ।।४९३२।। आयन्निऊण एवं कुमरो संभंतमाणसो सहसा । उठेउं सयणाओ ठिओ निविट्ठो पयंपतो ।।४९३३।। झत्ति पवेसेह इमे पवेसिया तेण ते वि आगंतुं । नमिउं कुमरं दिन्नासणेसु सणियं निसीयंति ।।४९३४।। अह भणिया कुमरेणं विनवह पओयणं नियं तुब्भे। ते बेंति केवलाणं तुम्ह पुरो विन्नविस्सामो ।।४९३५।। अह वज्जकुंडलो सो दूराओ सारिण सेसजणं । सयमेक्को तत्थ ठिओ दोय जणा वीरसेणस्स ।।४९३६।। विन्नत्तं तेहि तओ पयंपियं जं सयं सह निवेहिं । पच्चुत्तरं च तेसि कहियं सव्वं पुरो तस्स ।।४९३७।। तह दंसियं समग्गं अणंगदेवाउ मयणदेवाउ । लद्धं वत्थाइयं तेसि चिय तेण तं दिन्नं ।।४९३८।। विन्नत्तं तेहिं पुणो तेसिं निवईण विन्नवंताण । देज्जह सदं तुब्भे जमिमे अम्हेहि पट्टविया ।।४९३९।। कुमरेण तओ भणियं सव्वं चिय एयमन्नहा नेय । जे वीरसेणपुरिसा ते वि हु अम्हेच्चया चेव ।।४९४०।। इय भणिऊणं ते वज्जकुंडलेणं विसज्जिउं तत्तो। काउं सरीरकिच्चं जिणपडिमाए कया पूया ।।४९४१।। काऊण तत्थ वियणं तओ पसुत्तो मणुन्नसयणम्मि । पडिबुद्धो दिणपहरे तत्तो काऊण सिंगारं ।।४९४२।। अत्थाणे उबविट्ठो समागया नायगा समग्गा वि । सेवाकज्जेण तओ संपत्ता ते वि दो वि निवा ।।४९४३।। नमिऊण वज्जकुंडलकुमरं दिन्नासणेसु उवविट्ठा । तेणंगदेवनिव-मयणदेवपुहईसरा दो वि ।।४९४४।। मउलिय-कर-कमलजुया विणयपरा विन्नवंति तो कुमरं। निय देसाओ अम्हे आगच्छंता पउमखेडे ।।४९४५।। नो सिंधुसेणपक्खे होऊणं किंतु वीरसेणस्स । तं निहणं तस्स निवारणाय मज्झत्थबुद्धीए ।।४९४६।। जह जीवंतो सो होइ तुम्ह पायाण सेवओ पुणवि । अह तुम्ह संतिएहिं पुरिसेहिं अम्ह परिकहियं ।।४९४७।। गंतण तत्थ एवं जह चिट्ठइ वज्जकुंडलकुमारो। संपत्तो सिरिखेडे तो अम्हे आगया एत्थ ।।४९४८।। तो वज्जकुंडलेणं भणियं जह निसुयमासि अम्हेहिं । अन्नारिसं तओ ते पट्टविया तुम्ह पासम्मि ।।४९४९।। सो सिंधुसेण राय। संपइ मह एउ सन्निहाणम्मि । जह चक्कवट्टि णो तं काऊणं सेवयं तत्तो ।।४९५०।। यावेमि पुणो देसे कम्मि वि तं नायगं जहा तत्थ । सो चिट्ठइ रज्जसिरि अणुहवमाणे नियसुहेण ।।४९५१।। अह तेहिं मउलियकरं पणमियसीसेहि दोहिं वि निवेहिं । विन्नत्तो चक्किसुओजह अम्हे सिंधुसेणस्स ।।४९४२।। तस्स पहू तो एसो तुब्ह कओ भविस्सइ पुणो वि । परमिन्हि पेसेउं नियपुरिसे वीरसेणाओ ।।४९५३।। दावेह धम्मदार तस्स जहा पउमखेडमज्झाओ । सो निग्गंतुं पावइ एइ तओ तुम्ह पासम्मि ।।४९५४।। अह कुमरेणं अन्नो निय पुरिसो पेसिओ पउमखेडे। दोन्ह वि निवाण तेसि पच्चक्खं सिक्खवेऊण ।४९५५।। पासम्मि वीरसणस्स तस्स पुरिसा य पेसिया पुरओ । छन्नं सिक्ख विउं तेहिं तस्स तं साहियं गंतु ।। ४९५६।। तेहिं वि दोहि पि निवेहि पेसिया सिंधुसेणपासम्मि । कुमरपुरिसेण सद्धिनियपुरिसा सिक्खवेऊण ।।४९५७।। तो सिंधुसेण-ससुरय-माउलया दो वि मेइणीवइणो। भणिया कुमरेण जहा मए समं एह कुसुमपुरे ।।४९५८।। तत्थेव आगमिस्सइ मह पासे सिंधुसेणनरनाहो । पडिवन्नं तेहिं तओ तह त्ति तं कुमरआइ ।।४९५९।। नियवाणिउत्तसागरवयणेणं पूवमेवसव्वं पि । पियमित्तेणं पवणं जत्तनिमित्तं कयं आसि ।।४९६०।। तो तत्थ बज्जकुंडलकुमरे पत्तम्मि झत्ति पारद्धा। पियमित्तेणं जत्ता कुसुमपुरे निययजिणभवणे ।।४९६१।।