Page Text
________________
१४६
सिरिचंदकित्तिचरियं
पायारोवरि केइ वि के वि वरंडेसु तुंगतुंगेसु । के वि विवणीण पंतिसु पवेसभवलोइउं रन्नो ।।४७०१।। खयरविमाणेसु गया दिट्ठी भूगोयराण अवियन्हा । नयर-भवणेसु विहिया न नियत्तइ खयर-जण-दिट्ठी ।। नयर-नर-नारि-वग्गो वयइ समग्गो पभावइं दटुं । चित्तम्मि विम्यगओ पभावई सा इमा देवी ॥४७०३।। जीए पहावो कहिओ विज्जुसिहेणं पुरा नरिंद-गिहे । सो निव्वडिओ संपइ फलेण स विसेसओ चेव ।।४७०४॥ धन्नो अम्हाण पहू जस्सेसा वहइ गेहिणी-सदं । जा नियसोहग्गेणं सुरंगणाणं दलइ माणं ॥४७०५।। एसा वि हु धन्नयरा जा सक्क-परक्कमं पहुं अम्ह । संपत्ता भत्तारं सुदुल्लहं सुर-वहूणं पि ।।४७०६।। जीवंतु चिरं कालं अम्हाण वि जीविएण एयाइं । राया तस्स कलत्तं च जेहिं एयं कयं नयरं ।।४७०७।। रूवालोयणतिसियअणिमिस-नयणत्तणेण वट्टतं । मणुयनिवासं पि विरायमाणममराण भवणं व ।।४७०८।। आयन्नं तो नायरजणाणमुल्लावमेरिसं कमसो। पत्तो निय पासायं तत्थुत्तिन्नो विमाणओ ।।४७०९।। देवी पभावई चिय समं समग्गाहिं अन्नदेवीहिं । उत्तरिऊण विमाणा अवरोह-गिहेसु संपत्ता ॥४७१०।। सिरिचंदकित्तिरन्ना मणिचूडनरेसरस्स आवासो निय पासायासन्ने दिन्नो जुवरायपासाए ॥४७११।। सेसा वि खेयरिंदा नरिंदआणाए संठिया सव्वे । वसुकेउ-वासवेहिं दंसियपासाय-पंतीसु ॥४७१२।। सेसो वि मंतिपमुहो विसज्जिओ चंदकित्तिणा रन्ना । सव्वो वि जणो नियनिय आवासं झत्ति संपत्तो॥४७१३।। अह चंदकित्तिराया अभितरए भणेइ नियपुरिसे । सव्वेसि खेयणाणं पाहुन्नय-पेसण-निमित्तं ॥४७१४।। मणिचूडखेयरस्स वि आवासे सेसपरियण-निमित्तं । भोयणमाई पेसइ तंबोल-विलेवणाईय ।।४७१५।। जह अप्पणो तह च्चिय मणिचूडनिवस्स न्हाणमाईयं । कारविउमप्पणासह तं भुंजावइ महाराया ।।४७१६।। सिलियावसरे तत्तो सुहममई मंति-सेहरो पत्तो। पुट्ठो य तेण विणओ णएण सिरिचंदकित्तिनिवो ।।४७१७।।
यड्ढनगे दाहिणसेढीविजयस्स वइयरं सव्वं । तेण मणिचूडराया तं तस्स कहेउमाणत्तो ॥४७१८।। तेण वि तस्स सरूवं जहवत्तं सव्वमेवअक्खायं । पुव्वनिसुयं पि सचिवेण तं सुयं विम्हियमणेण ।।४७१९।। तेणेव समं मणिचूडराइणा चंदकित्तिरायस्स । विक्कमकहं कुणंतो ठिओ खणं तत्थ सो मंती ॥४७२०।। मंति-मणिचूडपमुहं विसज्जिऊणं जणं समग्गंपि । सिरिचंदकित्तिराया सेज्जाए ठाइ खणमेगं ।।४७२१।। अह उट्ठिउं खणं ते काउं तक्कालकिच्चमवरं पि । तइए जामम्मि करेइ अवसरं चंदकित्तिनिवो ।।४७२२।। भूगोयरा नरिंदा सामंता मंतिणो य मंडलिया। नयर-निवासीय-जणो निओगिणो सेवयजणा य ।।४७२३।। गामाय देस-विसया जह सत्तीए कुणंति मंगलियं । विजयं काऊण समागयस्स सिरिचंदकित्तिस्स ।।४७२४।। रह-करि-तुरंगमेहिं वत्थाहरणेहि कणय-रुप्पेहि। वेगसर-कर-रह-गो-महिस-रूव-पमुहेहिं वहिं ।।४७२५।। पविसंति पाउलाइं कुणंति कलहट्टयं पहिट्ठाई। चारण-मग्गण-बंदियण-वंद-कोलाहलसयाई ।।४७२६।। सिरिचंदकित्तिविक्किमगुणवन्नणं विसय संपयट्टाई। ठाणे ठाणम्मि समुच्छलंति निवभवणपंगणए ।।४७२७।। राया वि चंदकित्ती मंगलियसमागयाणि वणि । गिन्हंतो वियरंतो य उचियलोयस्स चाएण ।।४७२८।। सोहइ वरिसासु महोयहि व्व सरिया सहस्स सलिलाई । संगिन्हंतो देंतो मेहाण जलं जहिच्छाए ।।४७२९।। लेंतस्सय देंतस्स एवं सिरिचंदकित्तिनिवइस्स । अट्टअहोरत्ताई समक्कताइं निमिसं व ।।४७३०।। सम्माणिऊण सब्बे अह विज्जाहरनिवे विसज्जेइ । मणिचूडं पुण तत्थेव धाराए सपरिवारं पि ।।४७३१।। साहेइ तस्स पुरओ नियभावं जह मणोरमुज्जाणे । जिणभवणे कारेउं वरजत्तं अस्थि मह वंछा ।।४७३२।। तं सावओसि तम्हा जाणसि सव्वंपि तत्थ करणिज्ज । सो भणइ तत्थ एवं तहावि इहनयरवत्थव्वे ।।४७३३।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |