Page Text
________________
सिरिमुनिसुव्वयजिणिदचरियं
१४५
पिइ-म इ-नामपुव्वं पभावई पमहसव्वदेवीणं । नामाई कहिंति तहा एक्केक्केणं पसंसेउं ।।४६६८।। अन्ने वि खेयरिंदा उत्तित्रा नियविमाणओ सव्वे । नियपरिवारसमेया दीसंता सुरकुमार व्व ।। ४६६९।। पणमइ मंती सिरिचंदकित्तिपुहईसरस्स पाएसु । सो वि समुटुविऊणं आलिगइ तं पयत्तेण ॥४६७०।। पणया अन्नेवि कमेण मंतिणो मंडलीयसामंता । साहणियतंतवालाइया य तह नायरजणा य ।।४६७१।। सब्वेवि पत्थिवेणं ते जह जोग्गं जहक्कम चेव । अवगूहियाय संभासियाय तुब्भे ठिया लट्ठा ।।४६७२।। जंपति ते वि नियमत्थयम्मि आरोविऊण करजुयलं । तुह पायपसाएणं लट्ठ च्चिय सव्वया अम्हे ।।४६७३।। मिरिचंदकित्तिराया मणिचूडं मंतिणो पयंसेइ । नामुक्कित्तणपुव्वं तब्बाहुविलग्गनियहत्थो ।।४६७४।। एसो एग महप्पा खयरी सरोजस्स कज्जमुद्दिसिउं । वेयड्ढगिरिम्मि गया अम्हे पत्ता य रिद्धिमिमं ।।४६७५ ।। मणिचूडस्स वि कहियं एवं जह एस सो महामंती । जस्सुवरिरज्जभरमुज्झिऊण अम्हे गया तइया ।। ४६७६।। अह मुक्को निययाओ हत्थाओ चंदकित्तिणा रन्ना। मणिचूडो खयरिंदो आलिंगइ मंतिणं झत्ति ।। ४६७७।। अन्नोन्नं किंपि तओ थेवपि कुणंति उचियमालावं । कुसलकहा पुच्छई ते दोन्नि वि मंति-खरिदा ॥४६७८।। मणिचुडो देइ पुणो बाहुँ सिरिचंदकित्तिरायस्स । मंति वि जोडियकरो निय पहुणो संमुहो होइ ।।४६७९।। मंजुलया वाहुलयं अवलंबउं पभावई देवी । ओइन्ना अन्नाओ वि देवीउ विमाणमज्झाओ ।।४६८०।। तासि पिहु देवीणं मंतिप्पमुहो जणो समग्गो वि । भूनिहियजाणुकरयलसीसो सहसत्ति तं नमिओ।।४६८१।। अह चंदकित्तिराया तहेव मणिचूडबाहुसंलग्गो। पयचारेणं चलिओ जुयाइ जिणमंदिराभिमुहो।।४६८२।। गंतूण तत्थ मज्झम्मि पविसिउं तित्थनाहपडिमाए। पंचगं पणिवायं करेइ सो परमभत्तीए ।।४६८३।। जोडियको सिरग्गे विन्नवइ य देव! जह पणामो । इहलोय-फलेणं मह पुब्बिं फलिओ तहा इन्हि ।।४६८४।। एस पणामो जायउ परलोय-फलस्स दायगो मज्झ । इय भणिऊण निसीयइ तहाविहे कम्मि वि पएसे।४६८५। देवी पभावई इयरदेवीसहिया जिणेसरं नमिउं । पदिम्मि निसीयइ खयर-चक्किणो चंदकित्तिस्स ।।४६८६।। खरिद-रिदाईजणो वि नमिउं जिणं उचियदेसे। उवविसइ दिद्विसन्नाए सामिणो चंदकित्तिस्स ।।४६८७।। आइसइ पाउलाई चंदउरपुराउ आगयाइं तओ । पेक्खणयकरणहेउं करेंति तह चेव ताई पि ।।४६८८।। दणं पेवखणयं खणंपि तो उदिऊण पणोउं । जिणपडिमं नीहरिउं बाहिम्मि विमाणमारूढो ।।४६८९।। देवीओ वि विम.णे एगम्मि समारहति सव्वाओ। आरूढा खरिंदा सेसा नियनियविमाणेसु ।।४६९०।। भूगोयरानारदा सामंता मंतिणो य मंडलिया । करि-करिणी-तुरय-रहाइ-वाहणेसुं समारूढा ।।४६९१।। पुव्वोवत्रियाए. टिईए त थढिओ विमाणम्मि। चंदउरनयरसम्मुहमह वच्चइ चंदकित्तिनिवो ॥४६९२।। पच्छिमभायम्मि ठियं विज्जाहरचक्किणो विमाणस्स । वयइ विमाणं देवी णियरविमाणाई पासेसु ।।४६९३।। हेट्ठा य भूमिगोयर-रायाणो उवरि वरविमाणगया । वच्चंति खेयरिदा तेसि छायं पकुव्वंता ।।४६९४।। सिरिचंदकित्तिराया खयररिंदा य चंदउरसोहं । पेच्छंता जंति कमेण सव्वओ दिन्नदिट्ठीया ।।४६९५।। ठाणे ठाणे मंचेसु पेच्छणाई थिराइं पेच्छंता । सिबियासु रहवरेसु य बलाइं ताई पलोयंता ।।४६९६।। नयरपओलीदारे परोप्परं करितुरंगमाईणं । संघट्टेण सदुक्खो होइ पवेसो चिरेण तहा ।।४६९७।। पुव्वपओलीदारं परिच्चएऊण जंति अन्नन्नं । जे दारते तत्थ वि भीडिज्जंता नियत्तंति ।।४६९८।। तेण विलंबेइ चिरं पविसंते भूमिगोयरे पुरओ। सिरिचंदकित्तिखेयर-चक्कीगयणे थिरविमाणो ।।४६९९।। सुरभवणोवरि केइ वि आरूढा नयर-नारि-नर-वग्गा। गुरुतस्वरेसु केइ वि के वि गया हम्मिय-तलेसु ।।४७००।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |