Page Text
________________
मिरिमुनिमुव्वयजिणिदचरियं
१४७
हक्कारिऊण सव्वे महिड्दिए सावए इमं भणह । कारिस्सामो अम्हे मणोरमुज्जाणजिणभवणे || ४७३४।। जत्तम वित्थरेणं तो तुब्भे तत्थ निच्चमागंतुं । मज्झम्मि सयं होउं तक्करणिज्जं करावेह ||४७३५ ।। सावधम्मि कमो एसो जं किर महिड्डिएहिं पि । सावयजणेहि रोरो वि सावओ पत्थणिज्जोत्ति ||४७३६ ॥ जिणजत्ता पारंभ कायव्वो को वि एत्थ न हु गव्वो । धम्मम्मि जं सहाओ करणिज्जो होड अन्नो वि ।।४७३७ ।। अह चंदकित्तिराया जिणभद्दप्पभिइए महिड्डीए । हक्कारिऊण सव्वे तव्विसए भण्इ तह चेव ||४७३८।। ते विहु कयप्पणामा पमोयपूरिज्जमाणसव्वंगा । जंपंति जहा एयं अम्हं चिय देव गुरुकज्जं ।।४७३९।। जं जिणजत्ता कज्जे देवो अम्हाण देइ आएसं । सद्धावईए जायइ निमंतणं जह तहा तंपि ॥ ४७४० || परलोयविरुद्धमि विकज्जे जइ कह वि आइसइ देवो । अम्हे तं पि गणेमो महापसाओ त्ति नियचित्ते ।।४७४१ ।। जं पुण परलोयहियं सयपि करणिज्जमम्ह देवो वि । तं चिय आइसइ तयं उम्माहिय- मोरलवियं व ॥ ४७४२ ॥ इय ते पर्यापमाणे सड्ढे सोऊण हरिसिओ राया । चितइ इमे कयत्था जिणभत्ती एरिसी जेसि ||४७४३ || अहमवि कयबहुपुन्नो जस्स पुरे वसइ एरिसो लोओ । जिणधम्मणरत्तमणो इय चितेऊण ते भगइ ||४७४४।। अत्थसहाए तुम्भे एत्तियकालं अहं वियाणंतो । इन्हि तु मज्झ जाया धम्मसहाया वि अइपवरा ।। ४७४५ ।। अह ते विसज्जिऊणं तंबोलाईहिं विहियसम्माणा । मणिचूडं खयरिदं भणइ इमं चंदकित्तिनियो || ४७४६।। जह पुव्वं रत्तीए इहागएणं नए कयं तइया । एत्थेवय जिणभवणे पेच्छणयं अइमणभिरामं ||४७४७ || तह एक्केक्कं निच्चं पेच्छणयं संपयं पि कारेज्जा । मणिचुडेणं भणियं तुम्हासो पमाणं ति ||४७४८।।
अम्हाणं ढलियं यमेयं सत्त्याण मज्झम्मि । एक्कं तुम्हाएसो दोच्चं कज्जाजिणे जत्ता ||४७४९।। एत्थंतरम्मि चितइ मणिचुडो खेयरेसरो एवं | जड़ इह समए कह विहु गुणभद्दो एइ वरसूरी || ४७५० ।। तो संजायइ लठ्ठे जत्ता करणे सयं पयट्टस्स । उववहणं कुणंता ते भावमिस्स वति ॥ ४७५१ ।। तो निच्छण एसो अम्हाणं समहिओ अइविवेई । सड्ढो होइ वियड्ढो पभावईए सरिसधम्मो ||४७५२ ।। जिणभद्दसावएणं आगंतुं चंदकित्तिनरनाहो । विन्नत्तो जत्ति जुयं देव ! जहा दोन्ह दिवसाणं ||४७५३ ।। पज्जंतम्मि भविस्सइ कल्लाणदुगं जुगाइदेवस्स | जम्मस्स य दिखाए ता तम्मि दिणे इमो जुत्तो || ४७५४।। जत्ताए पारंभो कीरंतो अम्ह संमयं एवं | उड्ढं देवासो जह होइ त पट्टामो | | ४७५५।। तो भगड चंदकित्ती तुम्हे च्चिय जाणया इहत्थम्मि । ता जम्मि कम्मि वि दिणे तुम्ह मयं तम्मि कारेह ||४७५६ ।। कुंकुम- कप्पूरागरूपमुहाणं सव्वसारदव्वाणं । न्हवणोवयारियाणं कुणंति ते पेच्छणं रनो ॥४७४७।। गया नियभंडारियपासाओ ताई ताण दावेइ । ते गहिऊणं सव्वं पउणं काऊण मुंचति ॥ ४७४८।। सत्तमि दिणे पभाए जिणभद्दप्पभिइणे समग्गा वि । आगंतूणं सदृढा रायाणं विन्नवंति इमं || ४७५९।। जहदेव ! चेत्तबहुलस्स अट्ठमी सा भविस्सइ पभाए । देवस्स जीए कहियं कल्लाणदुगं पुरा आसि ||४७६०।। ता देव ! पभायम्मि वि देवेणं उग्गयम्मि सूरम्मि । आगंतव्वं सिग्धं जह कीरइ न्हवण - पारंभो ॥४७६१ ।। रन्ना विसज्जिया ते तह त्ति पडिवज्जिऊण तव्वयणं । निवभवणाओ बाहिं विणिग्गया आगयं सूरि ।।४७६२ ।। सोउं मणोरमम्मी उज्जाणे जंति तं नमेउं ते । तस्प कहेंति निवो इह जिणभवणे कारिही जतं ||४७६३।। अह आगंतुं भणिओ मणिचूडो तेहि जह इहायाओ । इन्हि गुणभद्दपहू भणह निवं वंदइ जहा तं ॥ ४७६४।। भगभावम्मि ठिओ पुव्वं पि हु एस वट्टए ताव । जइ सुणइ सूरि-देसणमासु तओ सावओ होइ ।।४७६५।। मणिचूडो आह तओ इय वसइ मणे ममावि तो एयं । लट्ठ तुब्भेहि कयं जं कहियं सूरि आगमणं ।।४७६६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |