Page Text
________________
१४०
सिरिचंदकित्तिचरियं
जे के वि खेयरिंदा दाहिणसेढीए तत्थ निवसति । ते सव्वे नियचित्ते वहंति गरुयं अवट्ठभं ॥। ४५०८ ।। जइ को वि अम्ह अन्नो करिस्सए परिभवं बलीखयरो । तो गंतुं कहिस्सामो वत्तं सिरिचंदकित्तिस्स ||४५०९ ।। इ आसा सव्वे करेंति ते चंदकित्ति नरवइणो । बहु अणुणयं सया विहु समीवमागंतु सयमेव ॥। ४५१० ।। तो जो जो अप्पलो खयरिंदो इयर खेयरिंदेण । पारम्भइ आगंतुं सो सो वत्तं कहइ तस्स ।। ४५११ ।। तो चंदकित्तिराया पक्खे होऊण तस्स तं इयरं । मूलाओ उच्छेयइ ठवेइ निय सेवयं तत्थ ।। ४५१२।। एवं कमेण सव्वे दाहिणसेढी गया नहर्यारिंदा । उवसाहिऊण सेवं पवेसिया अत्तणो तेण ।। ४५१३ ।। तो मणिचूडाईहि मिलिऊणं सव्वखेयरिदेहि । विज्जाहरचक्किपए अहिसित्तो चंदकित्तिनिवो ।।४५१४ ।। जायं वद्धावणयं खर्यारिंदा ढोयणे आणंति । रहकरितुरए कन्ना-वस्थाहरणाइयमसेसं ।।४५१५।। तो खयरचक्कवट्टीकन्ना वज्जं समग्गमवि अन्नं । गिण्हइ कन्नाओ पुण पभावई पुच्छि लेइ ।। ४५१६ ।। परिणेइ विभूइए भज्जाण सयं कमेण तो जायं । पडिसेहतस्स वि तस्स निवइणो चंदकित्तिस्स ।। ४५१७।। पट्टमहादेवित्ते पभावई तेण ठाविया तत्तो । विज्जाहरचक्किपयं एवं सो विलसइ जहिच्छं ।। ४५१८ । । अह मणिचूडं खयरिंदमन्नया चंदकित्तिनरनाहो । आइसइ जहा गंतुं रयणउरे क़णयचूडनिवं । । ४५१९ ।। मुयसु तुमं गोत्तीए कड्ढेउं कणयकेउणा सद्धि । आएसेणंम्हाणं तहा तमेवं भणिज्जासि ।। ४५२० पडिवज्जिऊण सेवं अम्हाणं गिन्ह इच्छिए नयरे । कम्मि वि रज्जं अहवा इंदउरं पि हु तुमं गिन्ह ।। ४५२१ ।। इय खयरचक्कasणो सिक्खं गहिऊण चंदकित्तिस्स । मणिचूडखेयरिदो सिग्धं गंतूण रयणउरे ।।४५२२ ।। मोयावइ गुत्तीए सकणकेडं पि कणयचूडनिवं । आणावइ पासाए नियम्मि अहं तं सपुत्तं पि ॥ ४५२३।। ते दोवि तओ उचियासणेसु पडिवत्तिपुव्वयं ठविया । आहूया कणगवई वितत्थ मणिचूडराएण || ४५२४ ।। अह जणयकणयचूडस्स निवडिया सा पसु विणएण । नयणाई बाहजलपूरियाई सहसा कुणेमाणी ।। ४५२५।। तो तीसे आसीसा दिन्ना जणएण हरिसियमणेण । पुत्ति तुमं जा जीवं पि अविहवा हवा हवसु ।।४५२६।। अह उट्ठविउं पिउणा उच्छंगे ठाविऊण सा भणिया । जह पुत्ति वंछियं तुह नियपुन्नेहि सयं जायं ।।४५२७।। सिवि होउं जणएण मए न ताव तं विहियं । ता कम्मपरिणइ च्चिय सुहासुहाणं जए जणणी ।।४५२८ ।। अम्हे सयं जइ तया तुज्झ कुणता समीहियं कह वि । अम्हाण वि एस विही न होज्जमन्निज्जए एवं ।।४५२९।। पिउउच्छंगाओ उट्ठिऊण तो कणणकेउणो पासे । उड्ढ ठिया पणमिया तेण वि सागख्यविणण ।।४५३० ।। भणियं च भइणि सव्वं अवरद्धं मज्झ संपयं खमसु । तुज्झ समीहियकज्जे मए वि विग्घो कओ आसि ।।४५३१। तो तीए आसीसावयणं उक्कित्तियं इमं तस्स । अक्खइओ तह अजरामरो य भाउय तुम होज्जा ।।४५३२।। अह सा मणिचूडनिवस्स वयणओ उट्ठिऊण नियठाणं । संपत्ता कणगवई मणिचूडेणं तओ तेसि ।।४५३३ ।। पिउपुत्ताणं पुरओ आएसो खयरचक्कवट्टिस्स । कहिओ सव्वो वि तओ मणिचूडो बेंति ते एवं ।। ४५३४ । ।
खरच कवट्टी एवं वियरेइ अम्ह आएसं । अपरिचिओ वि हु होउं तं सव्वं तुम्ह दक्खिनं ।। ४५३५ ।। तुम्हहिं वि अम्हाणं अकयं मुक्कं न किं पिजं समरे । तह अत्तवसगयाण वि न अम्ह जीयं तया हरियं ॥। ४५३६।। जम्हा जीविदाणं अब्भहियं सयलइयरदाणाणं । ससमुद्दा विहु पुहई न होइ तक्कोडिमं से वि ।।४५३७ ।। जइ दावसितं रज्जं अम्हं दावेहि इच्छियं तो तं । इच्छियमेयं जं संजमस्स रज्जं परिण्हामो ||४५३८ ।। मणिचूडेणं भणियं सुजुत्तमेयं विवेयवंताण । सवसेण वि ताएणं तणं व चत्तं नियं रज्जं ।। ४५३९ ।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |