Page Text
________________
सिरिमुनिसुव्वयजिणिदचरित्र
१३९
तो पुच्छिऊण दिवस महाविभूईए खयरराएण । कणगवई परिणीया मणिचूडेणं पहिट्टेण ॥४४७६।। गवई पुणहिए वहेइ हरिसं च तह विसायं च । हरिसस्स कारणमिणं मणिचूडी जं वरो लो ||४४७७ || एयं च कारणं पुण गरुयविसायस्स जं कणगचूडो । जणओ बद्धो खित्तो गुत्तीए कणयकेऊ य ।।४४७८ ।। पारद्धं पउरेणं वद्धावणयं पुरम्मि वित्थरओ । मूलिल्ले पासाए सयं ठिओ चंदकित्तिनिवो ।। ४४७९ ।। मणिचूड खरदो ठिओ पुणो कणयकेउ पासाए । ते दो वि निव्वुयमणा निति दिशे केत्तिए तत्थ ।।४४८० ।। मणिचूडं खर्यारिदं पुच्छेउं चंदकित्तिनरनाहो । चंदउरे विज्जुसिहं पेसइ तह विज्जुमालि च ।।४४८१ ।। सुहममइतिपासे कहणत्थं निययखेमवत्ताए । तह पुच्छिउं सख्वं रज्जम्मि वि दुत्थसुत्थस्स ||४४८२ ।। तो ते दोन वि खयरा गंतूणं तत्थ मंतिपवरस्स । पुरओ कहेंति सव्वं चरियं सिरिचंदकित्तिस्स ||४४८३ || मंती वि तक्खणं चिय आहवणं सव्वरायलोयस्स । पेसेऊण सयं पुण संपतो रायभवणम्मि ||४४८४ ।। तो पण मऊण रन्नो सीहासणमप्पणी समुचियम्मि । ठाणम्मि समुवविट्ठो तेहि समं दोहि खयरेहि ||४४८५ ।। पत्तो खतरम्मि वि नीसेसो रायसेवयजणो वि । सामंत मंति-मंडलिय- तंतवालाइ तत्थ ।। ४४८६ ।। सीहासणं पणमिउं रन्नो मंति च ते विसव्देवि । सट्टाणे निसन्ना कयपडिवती जहाजोगं ।।४४८७ | तो सुहममईमंती तेसि तं दंसिऊण खयरदुगं । कहइ जहा एए ते दोन वि खयरा समायाया ||४४८८ ।। अम्ह पहू विनवउं नीओ वेयड्ढपव्वए जेहिं । सकुसलकहणत्थमिमे पुणो वि इह पेसिया तेण ।।४४८९ ।। कहियं अम्ह सरूवं सव्वं एएहि संपयं तुम्ह । अक्खावे एए पडिवालेउं इहाणीया ||४४९० ।। तो मंतिभणिएहि दोहिं वि खयरेहि तेहि अक्खायं । सव्वं पि निवसरूवं अत्थाणजणस्स तस्स पुरो ।।४४९१ ।। पुण बेंति मंतिणं ते अम्हं एसो वि अस्थि आएसो । सिरिचंदकित्तिपणो जं पुच्छेज्जा सुहं रज्जे ||४४९२।। तो मंती ते पण देवपयावेण पहियप्पसरा । पभवंति न ताव रिङ तहेव विणएण वट्टेति ।। ४४९३ ।। अम्ह पमाया कह वि हु बाहिज्जइ जइ परोप्परं लोओ । पुच्छेयव्वो सो वि हु तुम्हेहि सयं इहायाओ ।।४४९४ । इय मंतिणा पण आहह्वणं पेसिउं पुरजणस्स । अत्थाणजणो भणिओ कहेह तुम्भे नियतस्वं ।।४४९५ ।। विज्जुसिहविज्जुमालीण खयराणं कहेंति तो सव्वे । अत्थाणजणा अम्हं लवो वि असुहस्स नो अस्थि ||४४९६।। देवस्स पसाएणं एयंचिय बहुयमसुहमम्हाणं । जमइगया बहुदियहा दिट्ठाणं देवपायाणं ||४४९७।। एत्थंतरम्मि पत्तो नायरलोओ वि तत्थ नीसेसो । कयउचियपणामाई सो वि निविट्ठो जहट्टा ||४४९८ ।। मंतवणेण सो विहु कहेइ तं चिय पुरो नह्यराण । नीसेसं जं कहियं अत्थाणजणेण ताण पुरो ।। ४४९९ ।। तो ते भांति खयरा भयवसओ एस चिट्ठइ निवस्स । रज्जभरं तुम्ह तओ खिविडं सो जाइ तत्थ सयं ।।४५०० ।। परमेस कमो पहुणो जं निय [सेवय] जणाण सुहदुक्खं । पुच्छाविज्जइ जइ वि हु सुहेण चिट्ठेति ते दूरे ।।४५०१ ।। जं किं पि तुम्ह कज्जं कहियव्त्रं चंदकित्तिरायस्स । तं अम्ह कहह संपइ वेयड्ढे जेण बच्चामी ।।४५०२ ।। अह सुहुममई जंपइ एवं देवस्स विन्नवेयव्वं । तुभेहि अम्ह वयणं जं अवसेरी न कायव्वा ।। ४५०३।। इह देसस्स पुरस्स व गामस्स व एगमाणुसस्स वि य । कज्जमसिद्धं साहह संपयमन्नं पि तत्थ तुमे ।। ४५०४ ।। देवेण किंतु सिग्धं निय पाया अम्ह दंसियव्व त्ति । भणिउं मंती खयरे ते सम्माणइ विसज्जिइ य ।।४५०५ ।। अह गंतणं ते चंदकित्तिरायस्स स-मणिचूडस्स | साहति तयं सव्वं तओ पहिला दुवे ते वि ।। ८५०६ ।। दट्ठण गुणकलावं माहणं नंदकित्तिनिवइस्स । सव्वे वि तम्मि जाया कयागुराया महाखयरा ।। ८५०७ ।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |