Page Text
________________
१३८
चंदकित्तिनिवकहा
मणिचूडेणं एसा सव्वस्स वि परियणस्स मज्झाओ। एगागिणी तओ तीए सेसलोएण वाहरियं ।। ४४४४।। गंतूण कणयचूडस्स कणयकेउस्स साहियं एयं । कणगवई मणिचूडेण खेरिदेण जं हरिया ॥४४४५।। तव्वयणसवणसमणंतरं पि ते दोवि धाविया तुरियं । पिइपुत्ता नियखेयरबलेण सव्वेण संजुत्ता ।।४४४६।। लग्गा पट्ठीए तस्स झत्ति मणिचूडखेयरिंदस्स । सो वि हु पत्तो सिग्धं निय खेयरसेन्नमज्झम्मि ।।४४४७।। तपट्ठीए पत्तं हक्कतं कणगचूडसेन्नपि । तं दट्ठण रुट्ठो मणिचूडो निय विमाणम्मि ।।४४४८।। कणगवई मोत्तूणं रक्खगखेयरबलेण संजुत्तं । चलिओ तेसि समुहं सीहो व्व कुरंगहाणं ।।४४४९।। अब्भिट्टाइं दोन्नि वि खयरबलाई समच्छरं झत्ति । तेसि अग्गाणीयं मणिचूडस्सग्गसेन्नेण ।। ४४५०।। भग्गं झत्ति पणटुं पत्तं सरणम्मि कणयचूडस्स । तो कणगकेउकुमरो समुट्टिओ रोसदट्ठोट्टो ।।४४५१।। तो तेण भज्जमाणं अग्गाणीयं नियं निएऊण । मणिचूडखेयरिंदेण ताडियं तस्स तं सेन्नं ।।४४५२।। अइवेगमुक्कअइतिक्खबाणपसरेण मुच्छियं सव्वं । पहरंतस्स य चावं दुखंडियं कणगके उस्स ।।४४५३।। अन्नं पि जाव चावं गहिउँ पगुणी करिस्सइ किरेसो। ता उप्पइउं गंतूण तविमाणम्मि सो बद्धो ।।४४५४।। मणिचडखेयरिदेण जीवियं तस्स नेय निग्गहियं । करुणाए कणगवईए तह य लज्जं कुणंतेण ।।४४५५।। तो कणगचूडराया मणिचूडं पहरिउं समारद्धो। सो वि सरधोरणीए मणिचूडेणं कओ विहुरो ।।४४५६।। पच्छा खंडियधय-दंडचंडकोयंडबाणपसरो सो। झत्ति खुरुप्पेण उरंम्मि ताडिओ पाविओ मुच्छं ॥४४५७।। बद्धो सो वि गहेउं जाव नियत्तिस्सए जिय विवक्खो। नाऊण रणारंभं ता पत्तो चंदकित्ती वि ॥४४५८।। तं दद्रु मणिचूडो गंतुं इंदउरनयरमिच्छंतो । सिरिचंदकित्तिरायं आपुच्छइ तत्थ गमणत्थं ।।४४५९।। तयणुन्नाओ वलिओ मणिचूडो तेण चेव संजुत्तो। मुच्छियमयसेसा खेयरा य नट्ठा परबलस्स ।। ४४६०।। ते दोवि पट्ठिलग्गे एते दळूण मणुयखरिदे । बहुविज्जाहरबलसंजुए य तो ते मणे खुहिया ।।४४६१।। परबलखयरा सव्वे तेसि दोन्हं पि सेवमावन्ना । तेहिं च कणयचूडो राया तह कणगकेऊ य ।।४४६२।। केहि वि खयरेहि समं रयणउरे पेसिया इमे दो वि । निक्खित्ता गुत्तीए कणगवई पुण समं नीया ।।४४६३।। तो पत्ता इंदपुरे मणिचूडो चंदकित्तिराया य । भीओ य नयरलोओ धीरविओ तेहिं सब्बो वि ।।४४६४।। अह संपत्ता ते कणगचूडखयराहिवस्स पासाए । मणिचूडचंदकित्ती खेयरमणुएसरा दो वि ।। ४४६५।। तेसि माहप्पं पासिऊण सो नयरसंतिओ लोओ । विम्हइयमणो जंपइ सुरिंदसमविक्कमा एए ।।४४६६।। एक्को विहु मणिचूडो सु दुज्जओ इयर खयरलोयाण । कि पुणे इमिणा सिरिचंदकित्तिणा संजुओ रन्ना।।४४६७।। ता अम्ह सामि एहिं विणासियं जं इमेहि सह समरो । पारद्धो पयडपरक्कमेहिं दोहि पि गव्ववसा ।।४४६९।। संपइ अम्हं पहुविरहियाण सरणं न को वि अन्नोत्थि । एएसि चिय सेवं पडिवज्जामो तओ गंतुं ॥४४६९।। इय मंतिऊण सब्वे नयरजणा पवरढोयणयहत्था । पत्ता नरिंददारे पडिहारनिवेइया तत्तो ।।४४७०।। पुरओ नरिंदपासे पत्ता अप्पिति ढोयणाई कमा । कप्पूरागुरुवर-वत्थ-कंत्रणाहरणमाईणि ।।४४७१।। तो पणमिऊण सविणयमारोवियकरउडा सिरग्गम्मि । इय विन्नविति इन्हि तुम्हे अम्हाण होह पहू ।।४४७२।। मणिचुडेणं भणियं जइ एवं चंदकित्ति नरनाहो। तो अहिसिच्चउ रज्जे अह बैंति इमे कुणह एवं ।।४४७३।। तो गरुयविभूईए अहिसित्तो खेयराहिवपयम्मि । सिरिचंदकित्तिराया मणिचुडाईहिं सोहि ।।४४७४।। पट्टविया रयण उरे पभावईए समाणयण हेउं । विज्जाहरा पहाणा तं गहिउं ते समायाया ।। ४४७५ ।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |