Page Text
________________
चंदकित्तिनिवकहा
पुच्छइ पन्नत्तिमहाविज्ज को मज्झ उत्तरसहाओ। विज्जा साहणकम्मे होही तो तीए तं कहिओ ।।४३१३।। चंदउरनयरसामी लद्धजसो चंदकित्तिनरनाहो । तो जाव तुज्झ पासे एही किर कुमरमणिचूडो ।।४३ १४।। ताव सिरिरयणचूडेण राइणा अप्पणो समीवम्मि । आहूओ मणिचूडो तस्स पुरो तेणिमं कहियं ।।४३१५।। जह अज्ज दिवसचरिमे समागओ सो पुणो वि गुणभट्टो । सूरी इह उज्जाणे तं सुणिउमहं गओ तत्थ ।।४३१६।। तव्वेलं पुण सीसम्मि वेयणा आसि तुज्झ संजाया । तेण तुमं नाहूओ वच्चंतेणं मए तत्थ ।।४३१७।। तो बंदित्ता सूरि तस्स सुयादेसणा मए तत्थ । थेवा वि तओ कहियं मज्झ इमं सूरिणा तेण ।।४३१८।। अज्ज मह अवहिणाणं विमलज्झवसाणाओ समुप्पन्नं । तेण तुह थेवमाउं नाउं अहमागओ एत्थ ।।४३१९।। कहणत्थं तुह वीसं दिणाणि जीयं जमत्थि एत्ताहे । जं होइ किंपि जुत्तं इन्हि नरनाह तं कुज्जा ।।४३२०।। तो पणमिऊण सरी विन्नत्तो मउलियग्गहत्थेण। झत्ति मए जद भयवं! मज्झ पसाओ कओ गाओ।
४३२१ तुम्हेहिं जं पसुत्तो पमायनिदाए बोहिओ इयहं । मणिचूडकुमारे रज्जभारमारोविउं इन्हि ।।४३२२।। गिन्हिस्सं दिक्खमहं भयवं! तुह पायपउमपासम्मि । इय विन्नविउं सूरि वंदित्ता एत्थ पत्तोम्हि ।।४३२३।। ता गिन्ह तुमं रज्जं दिक्खं गिन्हामि पुण अहं इन्हि । इय सोऊणं रन्नो आएसं झत्ति सो जाओ ॥४३२४॥ वज्जाहउ व्व सीसे नयणेसु गलतबाहजलपवहो । गुरुसोयरुद्धकंठो न कि पि जपेइ पडिवयणं ।।४३२५।। तो रयणचूडरना मणिचूडो तक्खणे उवालद्धो। एत्तिय दिणाणि अम्हे एवं जाणतया होता ।।४३२६।। अम्हेहिं अत्थि जाओ पुत्तो अइपयडविक्कमो एसो। रंड व्व रोयसि तुमं ता इन्हि एरिसे कज्ज ॥३२२७।। इय भणिऊणं रन्ना सयमेवयलहियाई नयणाई। मणिचूडकुमारस्सासन्ननिसन्नस्स तो भणिओ ।।४३२८।। सो एवं जं उट्ठसु सप्पुरिसकयं करेहि धीरत्तं । रज्जधुरं धारेउं संपइ मं निब्बुयं कुणसु ।।४३२९।। एरिसिया तुह भत्ती मम उवरि ममेवहारसे कज्जं । अवसरपत्तं इन्हि काऊण सिणेहमबुहाण ॥४३३०।। इय भणिओ सो रन्ना मणिचूडो धीरिमं करेऊण । संठवियप्पा जंपइ तुम्हाएसो पमाणं मे ।।४३३१॥ तो राया मेलेउं समग्गसामंतमंतिमंडलिए। तं रज्जे अहिसिंचइ सिक्खवई तयं परियणं च ।।४३३२।। तो रयणचूडराया रयणवईए समं पिययमाए । मणिचूडरायपमुहेण सव्वलोएण परियरिओ ।।४३३३।। अइगरुयविभूईए गंतुं गुणभद्दसूरिणो पासे । गिन्हइ दिक्खं लोओ नियत्तए सेसओ सव्वो ॥४३३४।। मणिचूडरायपमुहो अह राया तं जणं विसज्जेउं । मणिचूडो चंदउरे इहागओ विज्जुसिहसहिओ ॥४३३५।। रयणीए तइय जामे उत्तरसाहगपओयणनिमित्तं । पासम्मि चंदकित्तिस्स निवइणो सुहपसुत्तस्स ।।४३३६।। सो हं मणिचूडनिवो पओयणेणागओ इमेणेह । जं पुण एवं माया कया मए तत्थिमो हेऊ ।।४३३७।। निद्दा खोह भएणं अम्हेहिं कओ न तुम्ह पडिबोहो। तो कालजावणत्थं आगंतु नयरबाहिम्मि ॥४३३८।। जा पेच्छणयारंभं कारिस्सं कीर मणोरमुज्जाणे । तावगयं दिट्ठिपहे जुयाइजिणमंदिरं मज्झ ॥४३३९।। गंतूण तत्थ पडिमं नमिडं थुणिउं च तो समारद्धं । विज्जासत्तीए मए पेच्छणयमिमेण भावेण ॥४३४०।। जमिहकए पेच्छणए तिन्नि वि कज्जाइं होति विहियाइं । जिणवरभत्तीनियमणविणोयणं तुम्ह पडिबोहो ।। तो चंदकित्तिरन्ना भणियं सच्चं पयंपियं तुमए । पेच्छणयसहसवणेण जग्गियं जेण अम्हेहि ।।४३४२।। अह खरिदो जंपइ विज्जाए मणिपईवधारीओ । गायण-वायण-नच्चणि समुदाओ तत्थ निम्मविओ ।। विज्जुसिहो पुण एवं सिक्खविउं पेसिओ तुह समीवे । जग्गइ जया नरिंदो तया तए मज्म कहियव्वं ।।४३४४।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |