Page Text
________________
सिरिमुनिसुव्वयजिणिदचरियं तो हक्किओ सरोसं वच्चसि रे दुटु ! कत्थ गिन्हेउं । भइणि पभावई मह ता मुंचसु सिग्घमेवेयं ।।४२८०।। अन्न (ह) न अत्थि तुह जीवियव्वमिन्हि पि होसि पाहुणओ। कीणासस्स विणस्सहि मा आलेणेव तं तम्हा ।। अह भणइ कणगकेऊ नियजीवियरक्खणत्थमवहरिया । एसा पभावई संपयं (म)ए झंखसि किमालं ।।४२८२।। इय गव्वजंपिरा ते परोप्परं खेयरेसरकुमारा । गुरुरोसदट्ठओट्ठा अभिट्ठा दो वि जुज्झेउं ।।४२८३।। इयरा इयरेहिं समं खयरा जुझंति उभयसेन्नेसु । हम्मंता विज्झंता परोप्परं खग्गबाणेहि ।।४२८४।। मणिचूडकुमरसेन्नेण ताडियं कणगकेउणो सेन्नं । अह तं झत्ति पणठें दिसोदिसि कत्थइ कहिं पि ॥४२८५।। मणिचूडेण वि सो कणगकेउकुमरो पणासिओ झत्ति । गहिउं पभावई जिय विमाणमारोविउं नीया ॥४२८६।। निय नयरे रयणउरे रन्ना बद्धावणं च कारवियं । कुमरो वि कणयकेऊ पत्तो इंदउरनयरम्मि ॥४२८७।। अह कणयचूडराया सोऊणं विलसियं नियसुयस्स। संजायगरुयखेओ हक्कारेऊण तं भणइ ।।४२८८।। कीस तए कयमेयं कज्जमणालोइयं सयं चेव । अम्हाण वि न हु कहियं फलं पि तो तारिसं जायं ।।४२८९।। जं रयणच्डराया संपइ खयरेसराण मज्झम्मि । बहुयाणं बलवंतो तो तेण समं जह तहेव ।।४२९०।। होइ विरोहो काउंन संगओ तुज्झ दिक्करूयस्स। इह तुह कज्जे चिंता अम्हाण वि निवसइ मणम्मि ।।४२९१।। सक्कम्मि परं कज्जे आरंभो कीरए विवेईहिं । अन्नह पुण कीरंते जह तुह जायं तहा होइ ॥४२९२।। विज्जाए सहाएण व अप्पाणं बहुबलं विहेऊण । अइ गरुयकज्जकरणे पयट्टियव्वं तओ होइ ४२९३।। जइ निच्छएण एयं करणिज्ज माणसम्मि तुह वसइ। अप्पाणं सप्पाणं कीए वि जुत्तीए तो कुणह ।।४२९४।। अह कणयकेउकुमरो निय पियरं कणयचूडखयरिदं । अणुजाणावेऊणं उत्तरसेढीए वच्चेइ ।।४२९५।। निय भयणि कणगवई अवहरणभएण नेइ तत्थेव । मणिचूडम्मि कुमारे बद्धणुरायं वियाणेउं ।।४२९६।। तत्थथि लच्छिरमणं नयरं सुरनाहनयररमणिज्जं । तं पालइ रणसीहो बहुविज्जालद्धमाहप्पो ॥४२९७।। पासम्मि कणगकेऊ तस्स गओ कुणइ पइदिणं सेवं । अन्नदिणे रणसीहो तं जंपइ कहसु निय कज्जं ॥४२९८।। सो एगंते सव्वं तस्स पुरो निय सरूवमक्खेइ । तो तेण तस्स दिन्ना परविज्जा छेयणीविज्जा ।।४२९९।। तह परबलखोहणिया पुणो वि विज्जा दुइज्जिया दिन्ना । दुन्हं पि हु विज्जाणं कहिओ तह साहणोवाओ ।। गहिऊण दोवि विज्जाओ ताओ रणसीहखयरनाहाओ। तो कणगकेउकुमरो आगंतुणं नियावासे ।।४३०१।। एगंते होऊणं कहेइ सव्वस्स ताओ विज्जाओ। सुणइ कहिज्जं तीओ ससाहणाओ वि कणगवई ।।४३०२।। जवणीए अंतरिया मंतिज्जं तंपि तेहि तह एयं । आयन्नइ जह सिद्धे विज्जाजुयलम्मि एयम्मि ।।४३०३।। कज्जजुयं सिज्झिस्सइ जेण कओ परिभवो रणे अम्ह । सो निहणं निज्जिस्सइ मणिचुडो कज्जमेक्कमिणं ।। कज्जं दुइज्जयं पुण पभावई नियबलेण हरिऊण। परिणिस्सामि हढेणं तो विज्जासाहणं करिमो॥४३०५।। ते मंतिऊण एवं दोन्नि वि रणसीहखयररायस्स । गंतूण सन्निहाणे पत्थंति तहाविहसहायं ॥४३०६।। विज्जासाहणहेउं अह कणगवई मणम्मि अइभीया। लिहिउं विज्जाजुयलं भुज्जम्मि ससाहणोवायं ।।४३०७॥ विज्जाणं च पभावं परोप्परं कणयकेउ सव्वाणं । एगंतमंतियं तह तो तं भुज्जं समप्पेउं ।।४३०८।। हत्थे पियंकरीए पच्छन्नं तं च पेसए झत्ति । मणिचूडकुमरपासे सा गंतुं तस्स तं देइ ॥४३०९।। सो छोडिऊण वायइ मंतिय अहियं च तत्थ लिहियमिणं । ते कणगकेउ सव्वा जा विज्जाओ न साहति ।।४३१०।। ताव तए सिग्धं चिय साहेयव्वा उ दो वि विज्जाओ। जेण तुह परिभवं ते रणम्मि काउं न सक्कंति।।४३११॥ अह अवगयलेहत्थो सम्माणेउं पियंकरि झत्ति । तत्थेव पुणो पेसइ सो मणिचूडो वरकुमारो ।।४३१२।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |