Page Text
________________
सिरिमुनिसुव्वयजिणिदचरियं
१३५
जं
एत्थंतरम्मि होउं विज्जुसिहो झत्ति पयडरूवेण । मणिचूडस्स समप्पइ मउडं खंडीकयं समरे ।।४३४५ ।। तं नरनाहो पुच्छइ खरिदसमीवओ किमेयं ति । सो भणइ तुज्झ खग्गेण खंडिओ एस मे मउडो ||४३४६।। नरनाहेण भणियं खग्गो च्चिय आहओ तया तुज्झ । खित्तो खग्गपहारो खरिद ! मए न मउडस्स ।। ४३४७ ।। खरिणं भणियं तुह खग्गहएण मज्झ खग्गेण । धाराए निविट्टेणं एस दुखंडी कओ मउडो ||४३४८|| तो नरवइणा भणियं हाहा एयं न सुंदरं जायं । खर्यारिंदेणं भणियं सुंदरमेवम्ह जायमिणं ।। ४३४९ ।। भणियं नरेसरेण कह हाणि सुंदरं तुमं वयसि । खर्यारिंदो भणइ तओ गुणजणणी इमा हाणी ||४३५०|| जइ अंतरे न होंतो एसो मउडो तया पहारस्स । तो तेण मज्झ सीसं झत्ति दुखंडी कयं होते ।।४३५१।। तत्तो आसि समत्ताका समग्गा वि मज्झ संगामे । ता मउडमत्थए च्चिय पडियं सव्वं दुरियमेयं ॥४३५२ ।। तो भणियं नरवणा साहिज्जउ पत्थुयं पुणो पुरओ । तो खयरंदो जंपइ विज्जु सिहो तुह पसुत्तस्स । ।।४३५३।। वासभवणस्स दारे पच्छन्नो ताव संठिओ जाव । तं पडिबुद्ध तत्तो निग्गंतुं आरओ चलिओ ||४३५४।। पच्छा तुह पट्ठीए लग्गो एसो वि आगओ निहुओ । पायारे आरुहिउं उप्पइउं गयणमग्गम्मि ।।४३५५ ।। परिहाए अदूरं तुह निवयंतस्स पयनिहाएण । अइगरुओ पडिसो समुट्ठिओ कंपिया पुहइ ।।४३५६ ।।
खणे तव्वेलं चि पडिसहो सकन्नकुहरम्मि । अम्ह पविट्ठो घोरो तह थरहरियं जिणाययणं ॥ ४३५७।। तो जाओ संखोहो मह हियए संतिमवि करिताण । कि एसो वेयालो समुट्ठिओ दीसए को वि ॥४३५८।। पारद्धम्मि विवरपेच्छणम्मि भत्तीए एत्थ जिणभवणे । कि एसो भूकंपो जाओ सह भेरवरवेण ।। ४३५९।। जा एवं संबुद्धो चितामि खणं स ताव संपत्तो । विज्जुसिहो मह पासे तुरियं तुरियं अइपहिट्ठो ||४३६०।। तो पुच्छिओ मए सो कि पडिबुद्धो स चंदकित्ति निवो। विज्जुसिहेणं भणियं पडिबुद्धो सो इह वि पत्तो।।४३६१।। तो संलत्तो समए कत्थतओ तेण अक्खियं सव्वं । मज्झ जह पेच्छणारावसवणओ तंसि पडिबुद्धो ||४३६२।। जह सयणगएण तए पेच्छणयगया कया बहुवियप्पा । जह उट्ठिऊण तत्तो संवहिउं तं पवत्तोसि ।।४३६३।। संवहमाम्म तुमम्मि तेण जह चितियं कहि गमिही । एस निवोत्ति तओ जह तुह पडिबोहाओ आरम्भ ।। तुह मणचितिभावा पत्तीए पयासिया तस्स । एमाइ जाव जिणहरसमीवदेसागओ तंसि ।। ४३६५।। तं सोच्चा विन्नाओ मए तुमं पेच्छणाणुरत्तमणो । तो तुह चित्तुक्कंठा जणणत्थं पेच्छणं पुणवि ||४३६६।। पारद्धं अइसयवित्थरेण अह तं पुणो वि मे कहिओ । विज्जुसिहेणं जिणमंदिरस्स दारम्मि संपत्तो ॥ ४३६७।। तो तुह धीरतपरिक्खणत्थमेयं झत्ति संवरियं । पेच्छणयं नीसेसं सुन्नं च कयं जिणाययणं ॥ ४३६८।। तो पच्छन्त्रेण मए निरिक्खिओ तंसि कि करेसित्ति । जइ भीओसि न पविससि अह नो पविसिहिसि तो अंतो ।। ताव तुमं निक्खोहोखणंतरं विम्हयं मणे काउं । मज्झम्मि गओ जिणमंदिरस्स दिट्ठो तए देवो || ४३७० ।। तो वंदिऊण देवं नीहरिडं जिणगिहाउ बाहिम्मि । जा वच्चसि पासाए नियम्मिता तं पुणो वि मए ॥। ४३७१ ॥ साहसपरिक्खणत्थं तुह भणिया जालमालिणी विज्जा । जं पुव्वदिसाए मह समंतओ कुण पहाजालं ।।४३७२ ।। एवं कयम्मि तीए तं दठ्ठे कोउगेण तं चलिओ । लीलाए तस्स समुहं मपि न मणम्मि संखुहिओ ||४३७३।। सेसं तुज्झ समक्खं जायं सव्वं पि तत्थ किं कहिमो । पहजालदंसणेण वि तं निक्खोहं पुणो नाउं ।।४३७४।। चित्तम्मि मए निच्छियमेवं जं एस ताव अइ धीरो । नियमाणसम्मि किं पुण सारीरबलं परिक्खामि ।।४३७५ ।। तो विज्जुसिह भणिओ मए इमं जं तए अदिस्सेण । ठायव्वमुदासेणं मइ जुज्झते वि सह इमिणा ॥४३७६ ।। कज्जेणं तेण तसद्धि जुज्झं मए समारद्धं । जं जुज्झे पुण जायं तुमपि तं जाणसि असेसं ॥। ४३७७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |