Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 161

१२८
वज्जकुंडलचरियं
वच्छे ! जं जं किंचि वि एयम्मि जिणिंदमंदिरे अत्थि । तं तं रमणिज्जयरं पासंताणं मणं हरइ ।।४११५।। जत्थ निविट्ठा दिट्ठी तत्थ ठिया चेव चिट्ठइ चिरं पि । न तओ ठाणाउ मणं पि वंछए गंतुमन्नत्थ ।।४११६॥ ता एत्तो वि निवेससु दिट्ठि मंडवगएसु रूवेसु । वरसालहं जियासु य अच्छरसाणं सरिच्छासु ।।४११७।। एवं भणिऊण तओ जणणी मह मणविणोयकरणत्थं । दसइ जिणिदबिबं तस्स य पूयाइयं पच्छा ।।४११८।। नाओ मए वि भावो जणणीए जं इमा मुणेऊण । मह मणभावं गृहइ जाणइ किरणज्जिही एसा ।।४११९।। जत्ता समयाणंतरमिहागयाहं समं सजणएण । मोत्तण नियं चित्तं मणिचूडकुमारपासम्मि ।।४१२०।। दाहज्जरेण विहरियदेहा चिट्ठामि जाव सयणिज्जे । पडिया तल्लुर्वेल्लि कुणमाणी निहमलहंती ॥४१२१।। सव्वं रयणि पि तओ सहीहिं गंतूण साहियं एयं । मह माआए पुरओ नीसेसं कणयरेहाए ॥४१२२।। सा वि समागंतणं मं पुच्छइ पुत्ति वाहए तुज्झ । किं किं अंगे केणा वि कारणे णेरिसं कहसु ॥४१२३।। न य जाणंतीए विह तीसे कहिय मए सजणणीए। लज्जासंकुइयाए उत्तरमेयं कयं तत्तो ॥४१२४॥ अम्मो अहं न जाणे सरूवमेयस्स नियसरीरस्स । जइ जाणिस्सह तुब्भे किं चि सहावं सध्याए ॥४१२५।। हसिऊण कणयरेहा निहुयं नियहिययमज्झगयमेव । जंपइ पुत्ति! अनायं सरूवमेयं न मे अत्थि ।।४१२६॥ सिद्धाययणे जत्ताए जग्गिया जं चिरं तुमं तत्थ । तेण अजिन्नं जायं बाहइ सीसं तण उन्हा ।।४१२७॥ सिंगारिया गया तं तत्थ तओ वहुजणस्स दिट्ठी वि । लग्गा संभाविज्जइ तत्थ वि जत्तं करिस्सामि ।।४१२८॥ कत्तो वि हु आणिस्सं तहाविहं मंतवाइयं कं पि। तक्करफासेण तओ झत्ति तुमं सज्जिया होसि ।।४१२९।। एत्थंतरे मए चितियं जहा मज्झ मणगयं भावं । जंपइ जणणी सव्वं पि गोवयंती वियड्ढत्ता ।।४१३०।। मं बेइ पुणो जणणी रसजरणत्थं सुएहि तं ताव । गंतूण तुह सरूवं कहेमि एयं अहं रन्नो ।।४१३१।। जह सो कं पि उवायं करेइ तुह देहसज्जया हेउं । इय भणिऊणं जणणी मज्झ गया रायपासम्मि ।।४१३२।। कहियम्मि तस्स तीए मज्झ सरूवम्मि जंपियं तेण । ठाणे कयाणुराया कणयवई कन्नया अम्ह ॥४१३३।। तो तस्स दाउमेसा उचिय च्चिय रयणचूडतणयस्स । किं तु अहिमाणवसओ न देमि तस्सप्पणो धूयं ॥४१३४।। तो पुट्ठो जणणीए मह जणओ केरिसं तुहाभिमाणं । सिटुं च तेण तीसे सच्चयपासाउ जं निसुयं ।।४१३५।। सिद्धाययणट्रियरयणच्डधूयं पभावइं दटुं । जह कणय
जाओ वम्म
।४१३६॥ जह निय खेयरपुरिसं पेसेउं मग्गिओ रयणचडो। धूयं पभावई जह तेण निसेहो कओ तीसे ॥४१३७।। कहिऊण एवमाई भणिया ताएण तो कणयरेहा । दइए मह अहिमाणो संजाओ कारणेणिमिणा ।।४१३८।। तो जणणीए भणियं इह अहिमाणस्स कारणं नत्थि । जं रयणचूडखयरेण जंपियं कि पि न अजुत्तं ।।४१३९।। ताएणा तओ भणियं नियंगरुहदुक्खमिएण मए । गुरुनेहं दंसेउं एसो मग्गाविओ धूयं ।।४१४०।। जइ वि हु न तस्स दुट्टो भावो हिययम्मि वट्टए को वि। तह वि मम पत्थणाभंगसंभवो अत्थि अहिमाणो।।४१४१।। जइ रयणचूडराया पभावइं देइ कणयकेउस्स । तो मणिचूडस्स फुडं कणगवई देमि नेयरहा ।।४१४२।। एसा मज्झ पइन्ना तुमं तु गंतूण कहसु धूयाए। एवं जह किर तुह वंछियत्थसिद्धि लहुं चेव ।।४१४३।। तुज्झ जणओ करिस्सइ एवं सोऊण जह विमुक्कासा। होऊणं सा निय जीविय व्व मुज्झेइ न झडत्ति।।४१४४।। तयणंतरं दिणेसुं समइक्कतेसु केत्तिएसुं पि । तव्विसए मंतेउं जहोचियं आयरिस्सामो ॥४१४५।। नाऊण तायमणनिच्छयं तओ कि पि जंपियं नेय । तस्साभिमुहं जणणीए मज्झ आगंतुमियकाि ।।४१४६।। विगयाणंदमुहीए जह पुत्ति ! पिया तुहिच्छियपयत्थे । दुयमुज्जमं करिस्सइ पमाणमुड्ढं तुह दिव्वं ॥४१४७।।