Page Text
________________
सिरिमुनिसुव्वयजिणिदचरियं
१२७
पव्वज्जा गहणत्थं गुणभद्दमुणिंदसन्निहाणम्मि । मं अणुजाणह काउं महापसायं उवरि मज्झ ।।४०८२।। इय तव्वयणं सोउं जाओ हं वज्जताडिय सिरो व्व । सजलनयणेण पच्छा मए इमा धारिऊण करे ।।४०८३।। महया निबंधेणं निवारिया जाव कइ वि दियहाई। मझुवरोहेण तओ गिहट्ठिया गमइ सा कालं ।।४०८४।। संपइ जओ कुणंतो अत्थित्तं चिट्ठए कणयचूडो । मह धूयाए तोऽहं कईवयदियहाण मज्झम्मि ।।४०८५।। केणा वि उवाएणं एवं संबोहिऊण तुह पहुणो। जाणाविस्सामि लहुं तओ तुमं कणयचूडस्स ॥४०८६।। गंतूण कहसु एवं जह सो खेयं न कि पि नियचित्ते । कुणइ तह तं भणिज्जसु इय सिक्खविऊण तं दूयं ॥४०८७।। सम्माणेऊण तहा विसज्जए रयणचूडखरिदो। गंतूण सो वि साहइ तं सव्वं कणयचूडस्स ।।४०८८।। तेण वि तं चिय दूयं पेसेउ कणयकेउकुमरस्स । सव्वं कहावियमिमं तं सोउं सो वि सहसत्ति ।।४०८९।। वज्जाहओ व्व सीसे संजाओ कणयकेउवरकुमरो। अब्भहियदेहदाहो गहिओ गुरुचित्तखेएण ।।४०९०।। मयणसरविहुरियंगो चिट्ठइ सो सुन्नमाणसो सययं । संभासिओ न जंपइ अह जंपइ तो असंबद्धं ।।४०९१॥ तं तह ठूण तओ संजाओ तस्स परियणो सव्वो। अइगरुयखेयभरिओ परोप्परं मंतए निहुयं ॥४०९२।। अह तस्सुवरि जाया कणगवई नाम अत्थि तब्भइणी । तीए हक्कारेउं पियंकरी नाम निय धाई ॥४९९३।। भणिया जहा मए जेट्ठबंधुणो कणयकेउनामस्स । निसुयं सरीरकारणमओ तुमं तस्स पासम्मि ॥४०९४।। गंतुं सरीरवत्तं पुच्छसु वयणेण मज्झ सिग्धं पि। गंतूण तत्थ अह सा पभणइ तं कणयकेउमिणं ।।४०९५।। तुह लहु भइणीए अहं कणगवई नामियाए तुह पासे । पट्टविया सोऊणं तुज्झ सरीरस्स अपडुत्तं ॥४०९६।। चिट्ठइ सयं तु एसा केण वि कज्जंतरेण गरुएण। अक्खणिया संपइ तेण नागया तुम्ह पासम्मि ।।४०९७।। तो स सरीरसरूवं कहेहि मम अग्गओ समग्गं पि । तो भणइ कणयकेऊ चिट्ठइ मह सुंदरं देहं ।।४०९८।। तीए भणियं सच्चं जइ न कहसि तुज्झ अत्थि तो सवहो। अइ गरुओ खेयरपत्थिवस्स सिरिकणयचूडस्स।।४०९९।। तो तेण सव्वलोयं सेसं ओसारिऊण सा भणिया। कस्स वि अहं रहस्सं न कहेमि परं इमं किंतु ॥४१००।। तायस्स तए सवहो दिन्नो गरुओ ममत्थितो तेण । सक्केमि न निन्हविउं कहेमि सव्वं पि तुह सच्चं ।।४१०१।। कहियव्वं न ह कस्स वि पुरओ तुमए इमं पियस्सा वि । तीए भणियं कि महं एत्तियमविनेय जाणामि ।।४१०२॥ कह वीसत्थो सव्वं कुमारनीसंकिओ तुम मज्झ । जइ न गणो वि भविस्सइ ता नण न दूसणं होही ।। ४१०३॥ तो तेण पुरो तीसे सव्वं पि रहस्स मत्तणो कहियं । तीए भणिओ कुमरो जइ एवं तो अहं जामि ।।४१०४।। पासे पभावईए तं मन्नावेमि तूज्झ भज्जतं । हिटठेण तेण भणियं ममावि एवं मणे आसि ।।४१०५।। जह तत्थ के पि पेसेमि खेरि एस निच्छओ न कओ। आसि पियंकरि जं किर पेसेयव्वा तुमं चेव ।।४१०६।। तो लढमिमं जायं तए सयं चिय जमेवमुल्लवियं । ता जाहि तत्थ एवं कैणगवईए न कहियव्वं ॥४१०७।। इय पडिवज्जेऊण वि एसा गंतण कहइ सव्वं पि । वियणे कणगवई एतब्भाववियाणणट्ठाए ।।४१०८।। कणगवईए भणिया पिरंकरी भाउणा जहा मज्झ । कहियं नियं रहस्सं तुज्झ तहाहं पि साहेमि ।।४१०९।। एत्तिय दिवसाइं मए तुज्झ वि पुरओ न साहियं एयं । लज्जाए गोवेउं धरियं नियमणगयं चेव ।।४११०।। संपइ जाओ समओ तत्थ तुमं कणयकेउकुमरेण । जं पेसियासि पियसहि मज्झ वि तत्थथि जं कज्ज ।।४१११।। जत्थ समए गयाहं सिद्धाययणम्मि देवजत्ताए । तत्थ तया दिट्रिपहं पत्तो मणिचडकुमरो मे ।।४११२।। तो हं हिययम्मि झडत्ति ताडिया मयणबाणसेणीए । निच्चलदिट्ठी तं चिय पासंती संठिया सुइरं ।।४११३।। दिट्ठा जणणीए अहं पासनिसन्नाए कणयरेहाए । नाऊण मज्झ भावं मिसेण संभासिया तीए ॥४११४।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |