Page Text
________________
१२६
वज्जकुंडलचरियं
जह एयं नाणदिवायरेहिं तुम्हेहिं मज्झ पहु कहियं । अन्नं पि कहसु तह मे पुणो भविस्सइ कया वि वयं ।।४०४९।। अह पभणइ तं सूरी अज्ज वि तुह कम्ममत्थि भोगफलं । तमणुहविऊण पच्छा वयं पि वच्छे! तुम लहसि।।४०५० एत्थंतरम्मि पुच्छइ तं सूरि रयणचूडखयरिंदो । भयवं! को परिणेही पभावई अम्ह धूयमिमं ।।४०५१।। सूरी पभणइ रायं परिणेही चंदकित्तिनरनाहो । चंदउर नयरसामी पभावइं तुज्झ धूयमिमं ॥४०५२।। तो पणमिऊण सूरिं समुट्ठिओ रयणचूड खयरिंदो। सद्धि पभावईए नियमावासं समणुपत्तो ।।४०५३।। रयणउराओ सूरी कत्थइ अन्नत्थ विहरिओ तत्तो। पत्ता पभावई वि हु जोव्वणच्छि मणभिरामं ।।४०५४।। अह अन्नया कयाई सिद्धाययणम्मि सव्वखयरेहिं । पारद्धा जत्ता तत्थ सो गओ रयणचूडो वि ॥४०५५।। तस्संतेउरसहिया पभावई कन्नया वि तत्थ गया। सव्वंगं रयणाहरणभूसिया भासुरसरीरा ॥४०५६।। इंदउरनयरवासी खयरो नामेण कणयकेउ त्ति । खरिदकणयचूडस्स नंदणो आगओ तत्थ ॥४०५७।। दिट्ठा पभावई तेण तत्थ भत्तीए जिणवरं देवं । वीणारवपरिहवकारिणीए वाणीए वंदंती ॥४०५८।। जाओ निच्चलदिट्ठी तत्तो सो चित्तलिहियमुत्ति व्व । ईसाईएणोवहओ हिययम्मि सरेहि मयणेण ।।४०५९।। सा वंदिऊण देवं पभावई जणणिवग्गपासम्मि । आगंतुं उवदिट्ठा दिट्ठो दिट्ठीए वि न सोउ ।।४०६०।। वित्त जत्ता समये नियनियठाणं गओ समग्गो वि। विज्जाहराण लोओ मणं विणा कणयकेऊ वि ।।४०६१।। विरहावत्था पडिओ सो चिट्ठइ जाव वासभवणम्मि । न करेइ भोयणं पि हु ता नायं कणयचूडेण ।।४०६२।। मित्ताओ तस्स सव्वयनामाओ पुव्वभणियभावाओ। सिद्धाययणे दटुं पभावइं पेक्खमाणं तं ॥४०६३।। तो पेसिऊण माणुसमेवं राया भणावए कुमरं । तं कुणसु ताव भोयणमुवरि करिस्सामि तुह इटुं ॥४०६४।। इय नियजणयाएसं सुणिऊणं कणयकेउवरकुमरो । लज्जासंकुइयतणू चिंतइ ताएण विन्नाओ ।।४०६५।। नूणमणोगयभावो मज्झ तओ तेण एस आएसो । पट्टविओ संपइ ता कहं पि जइ अवलवेमि अहं ।।४०६६।। लज्जावसेण एयं तहा वि पच्छा वि पयडयं होही। तम्हा न कि पि अन्नं उत्तरमिह जुज्जए काउं ।।४०६७।। पडिवज्जिऊण तायाएसं संपइ गहेमि आहारं । होयव्वं न हु लज्जालुएण कज्जत्थि पुरिसेण ॥४०६८।। इय चितिऊण भणियं कुमरेणं कणयकेउणा एवं । आइसइ कि पि ताओ जं तं चिय मे पमाणंति ।।४०६९।। भणिऊण तक्खणे च्चिय पारद्धो एस भोयणं काउं । पेसियपुरिसेण इमं कहियं गंतुं नरिदस्स ।।४०७०।। दाऊण सो वि सिक्खं पेसेइ पहाण खेयरं तत्तो । बहुपरिवारसमेयं पासे सिरिरयणचूडस्स ।।४०७१।। गंतूण तेण भणिओ विणएणं रयणचूडखयरिंदो । जह इंदउरनरिदेण पेसिया कणयचूडेण ॥४०७२।। अम्हे तुम्ह समीवे तुम्हेहिं समं इमो अहिलसेइ । काउं विउलसिणेहं विहवाइगुणेहिं तुल्लत्ता ।।४०७३।। सो पुण होइ सिणेहो अवच्चसंबंधओ महानिबिडो। तेणम्ह पहू पत्थइ पभावई नाम तुह धूयं ॥४०७४।। नियपुत्तस्स निमित्तं गुणनिहिणो कणयकेउनामस्स। दोन्ह वि बहूवराणं एसिं उचिओ हवउ जोगो ।।४०७५।। तो रयणचूडराया चितइ जह सूरिणा समक्खाओ। भत्ता पभावईए मह पुरओ चंदकित्तिनिवो ॥४०७६।। तो अन्नस्स न दाउं वरस्स जुज्जइ पभावई धूया । न य कणयचूडदूयस्स अग्गओ कहिउमिइ जुत्तं ।।४०७७॥ तम्हा अन्नं परिकप्पिऊण दाऊण उत्तरं किं पि । एसो विसज्जियव्वो इय चिंतेउं रयणचूडो ॥४०७८॥ राया पभणइ दूयं किं पि अजुत्तं न भाणियं एयं । तुम्ह पहुणा परं किं कारणमिह एरिसं अत्थि ।।४०७९।। सिद्धालयजत्ताए परओ इह आसि आगओ सूरी। गुणभद्दो नामेणं तप्पासे देसणं सोउं ।।४०८०।। भवसुहविरत्तचित्ता अम्हं धूया पभावई जाया तीए गिहागयाए विन्नत्तो हं जहा ताय! ।।४०८१॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |