Page Text
________________
१२४
वज्जकुंडलचरिय
मग्गम्मि भमंती जइ दिट्ठि पहे पडइ कस्स वि जणस्स । सो बेइ अलक्खणि के कीस तुमं आगया एत्थ! ।।३९८६।। आगंतूणं अम्हं मुहंडयं दंसियं नियं एयं । दिठे मुहम्मि तुह अज्जभोयणं कत्थणे होही ॥३९८७।। जइ पुण कज्जवसेणं संभासइ कं पि कोमलगिरा वि। तो सो झडत्ति ताडइ मुहम्मि तं लेठ्ठमाईहि ।।३९८८।। इय दुव्बयणाईहिं दूमिज्जती मणम्मि अणवरयं । निहायंती कहम वि जइ दुहस्स अंतरं लहइ ॥३९८९॥ झूरेइ तओ निच्चं अप्पाणं किं मए महापावं । जम्मंतरम्मि विहियं जेण अहं एरिसी जाया ॥३९९०।। गामम्मि तम्मि चिट्ठउ गामंतरसंतिएण वि नरेण । केणा वि न परिणीया जोव्वणसमयं पि सा पत्ता ।।३९९१।। दुक्खेण गमइ दियहे निम्विन्ना जीवियस्स वि नियस्स । अह काउं उड्ढमुहं सा नीहरिया स गामाओ॥३९९२। एगम्मि गया गामे कइवय गामंतराइं लंघेउं । तत्थ भमंती भिक्खं न लहइ गासं पि कत्थ वि य ।।३९९३।। एगम्मि घरे दिट्ठो अज्जा संघाडओ तओ तीए। पडिलाभिज्जतो गोरवेण तो सा विचितेइ ॥३९९४।। धन्नाओ एयाओ लहंति जाओ सगोरवं भिक्खं । पडिसेहंतीओ वि हु गेहे गेहे पुणो अहयं ।।३९९५।। सित्थं पि न पावेमि दुव्वयणाई लहेमि सुद्धाइं । ता एयासिं पासम्मि जामि वंदामि एयाओ ॥३९९६।। मोत्तूण तओ भिक्खाभमणं अज्जाण पिट्ठओ लग्गा। दूरे दूरम्मि ठिया ताव गया जाव अज्जाओ ।।३९९७।। नियवसहि पत्ताओ तओ ठिया दारएगदेसम्मि । सा ताव जाव अज्जाउ भुजिउं पट्ठियाउ बहि ॥३९९८।। तो तीए वंदियाओ ताओ जंपंति धम्मलाभो त्ति । सद्देण सुमहुरेणं पसन्ननयणाणणाउ तओ ॥३९९९।। तो चितइ सा एवं पमोयपूरिज्जमाणसव्वंगा । अज्ज मह कन्नकुहरे पविट्ठमयं सुभं वयणं ।।४०००। एयाणं वयणाओ विणिग्गयं पणमणिज्जपायाणं । एयासि चिय जायं मं दटुं वयणमकसायं ॥४००१॥ सवणाणं नयणाण य जह मज्झ सुहं इमाहिं संजणियं । अन्नं पि तह भविस्सइ एयाहि तो सिवं सव्वं ।।४००२।। इय चितिऊण लग्गा पुणो वि पट्ठीए ताण अज्जाणं । भुक्खियतिसिया वि पमोयपासओ अमयसित्त व्व।।४००३।। दठूण पट्ठिलग्गं अज्जाउ तं भणंति किं भद्दे! । अम्हेहि समं चलिया एसि तुमं कारणं कहसु ॥४००४।। निन्नामियाए भणियं एमेव उवेमि तुम्ह दसणओ। जं जाओ को वि अउव्व पहरिसो मज्झ हिययस्स ।।४००५।। अज्जाहिं तओ चितियमेयं निय माणसम्मि जं एसा । का वि वराई दुहिया धम्मस्स भविस्सए जोग्गा।।४००६।। इय चितिऊण भणिया अज्जाहिं इमा वयाहि तं भद्दे! । अम्ह वसहीए तत्थय वंदेहि पवतिणि गंतुं ।।४००७।। निन्नामिया वि तासि वयणेण उवस्सयम्मि गंतूण । वंदइ पवत्तिणि सा वि पुच्छए का तुमं भद्दे ! ।।४००८।। तो तीए नीसेसं नियं सरूवं निवेइयं तीसे । ता जाव स गामाओ समागया तत्थ वसहीए ॥४००९।। एयं पुणो वि कहियं भिक्खगयाए मए इहग्गामे । जाव न कत्थइ सित्थं पि पावियं चितियं ताव ।।४०१०।। जं भुक्खाए मरंती करेमि कि संपयं अओ गंतुं । कत्थ वि चयामि जीयं पव्वयसिहराउ पडिऊण ।।४०११।। अहसा पवत्तिणीए भणिया भद्दे! न एव म विहीए । पाणच्चायम्मि कए दुक्खाणं छुट्टए कोइ ।।४०१२।। अहिययराइं ताई जायंति विससओ वि जीवस्स । तेण विहीए मरणं कुण जो भणिओ जिणिदेहिं ।।४०१३।। निन्नामियाए भणिया पवत्तिणी तं कहेह मज्झ विहिं। जेण मयाणं न पुणो एरिस दुक्खाइं जायंति ।।४०४४।। कहइ पयत्तेण तओ पवत्तिणी तीए बालमरणाणं । नीसेसं पि सरूवं पंडियमरणाण य तहेव ।।४०१४।। सा ताई सुणेऊणं पवत्तिणि भणइ गरुयविणएण। सामिणि करेह तह जह पुणो वि दुक्खं न पावेमि ॥४०१६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |