Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 156

सिरिमुनिसुव्वयजिणिदचरियं
१२३ तुट्टेण तओ भणिया राइमई रामदेवसड्ढेण । साहु पिए संलवियं तए इमं मज्झ मणहरणं ।।३९५३।। तम्हा देव य रूवाइं ताई नेऊण कत्थ वि चएह । जिणपडिमाए पूयं करेहि निच्चं पि भत्तीए ।।३९५४।। पडिवज्जिऊण तं तह वयणं नियभत्तुणो तओ गंतु । सा राइमई मुचइ सही गिहे देवरूवाइं ॥३९५५।। तं तज्जइ एयाइं पूएयव्वाइं पइदिणं तुमए । पूयामोल्लं पुण मज्झ पासओ तं गहिज्जासि ॥३९५६।। तद्दियहप्पभिई सा जिणपडिमं वित्थरेण पूयंती । वंदंती वि य निच्चं हिययं दइयस्स अवहरइ ॥३९५७।। जइ एंति के वि कइया वि साहुणो तत्थ ताण पासम्मि। वच्चइ सा भत्तीए वंदइ धम्मं च निसुणेइ ।।३९५८।। अह रामदेवसड्ढो चितइ नियमाणसम्मि परितुट्ठो। एईए दूसणमेयमेक्कमेवासिअइगरुयं ॥३९५९।। जं न कुणंती धम्मं जिणभणियं संपयं पुण इमं पि । जं काउं पारद्धा तो एईए न मुल्लं पि ।।३९६०।। इय चिंतिऊण अहिणवपरिणीयं सावयस्स सो धूयं । मोत्तूण गरुयमायरमुदा स चित्तेण पासेइ ।।३९६१।। राइमई वि सवक्कि तं मोहिणिनामियं सिणेहेण । पढमं पासइ कइवयदिणाणि वीसासजणणत्थं ।।३९६२।। तीसे दइयस्स तहा जिणपडिमा पूयणं मितं पच्छा । वावारइ इय भणियं तुम पि कारेज्ज से धम्मं ।।३९६३।। चित्तम्मि पुणो चितइ छुट्टाहं तंतलीए एयाए । एसच्चिय कुणउ इमं जा जाया सावयकुलम्मि ।।३९६४।। अइपवलमहामिच्छत्तकम्मपडलस्स उदयओ तीसे । थेवं पि न संजाओ मणम्मि जिणधम्मपरिणामो।।३९६५।। तीसे उवरिम्मि जहा चित्तं उत्तरइ भत्तुणो दूरं । तह सिक्खवइ सवक्कि पइणो निहुयं सुणंतस्स ।।३९६६।। तं सावयस्स धूया आलस्सं तुह न जुज्जए तेण । काउं कया वि भद्दे जिणवंदणपूयणाईसु ॥३९६७।। अह मोहिणी वि चितइए सा मह देइ सोहणं सिक्खं । होऊण सवक्की विहु कह पेच्छइ मोहिया मज्झ ।।३९६८।। सड्ढो वि रामदेवो नियचित्ते एरिसं विचितेइ । राइमई अइ सच्छा सवक्किवेहं न धारेइ ॥३९६९।। जेट्ठा भइणी लहुयं भइणि जह कह वि पालए का वि । तह एसा सव्वं पिहु करेइ तत्तिं सवक्कीए ॥३९७०।। एईए वि निमित्तं कुंकुमवत्थाइयं समग्गं पि । पत्थेइ मज्झ पासे एसा सयमेव सयकालं ॥३९७१।। इय सा पइपभिईणं मायाए माणसाइं रंजंती । सव्वत्थ वि लद्धजसा राइमई हरिसिया जाया ।।३९७२।। बुद्धिपओगेण पुणो तहा तहा सा करेइ जह तीसे । उरि पई परियणो सव्वो वि पओसमुहव्वहइ ।।३९७३।। जह जह य मोहिणी सा दूसिज्जइ परियणेण पइणा य। तह तह सा राइमई तुट्ठा चितइ नियमणम्मि ॥३९७४।। जह तइया कयमेयं मए मणुन्नं जया पलोएउं । परिणीयं पि सवक्कि अहं न जाया पयडकोवा ॥३९७५।। तेण उवाएण तओ निय सामित्तं मए न हारवियं । एसा वि नियसवक्की मोहिणिया किंकरि व्व कया ॥३९७६।। जइ पुण हिययकसाओ बाहिम्मि मए पयासिओ होंतो । तो तइयच्चिय छारो जाओ मह मत्थए होतो॥३९७७।। सा मोहिणीवराई सवक्किमायं अयाणमाणीउ । उज्जुयमइत्तणेणं तीसे दासि व्व व? इ ।।३९७८।। एक्कं चिय दुक्खं माणसम्मि निच्चं पि सा इमं वहइ । जंपइ पासाउ कया वि चारयं नेय पावेइ ।।३९७९।। इय मायाए कम्म उवज्जिऊणं मया समाणी सा। राइमई थलगामे कम्मि वि दुग्गयकुडुंबम्मि ।।३९८०।। सत्तन्हं धूयाणं उवरि सा अट्ठमी पुणो जाया । तो तीसे पियरेहिं बहु धूया जम्मदुहिएहिं ॥३९८१।। नाम पि न से दिन्नं तओ जणेणं सयं पि उल्लविया । निन्नामिय त्ति एसा तं चिय नामं तओ जायं ।।३९८२।। माया पिऊण सयणाण इयरलोयाण तह य सव्वेसि । जाया अणि?रूवा दिट्ठा वि जणेइ उव्वेयं ।।३९८३।। अकए कए वि सव्वो तीसे उरि विरूववयणाइं । जंपंतो को वि जणो कया वि हु नेय वि रमेइ ।।३९८८।। जइ पुण परिणयण कहं कुणंति केणा वि सद्धिमेईए। माया पिऊणि तो सो परम्मुहो ठाइ सह सत्ति । ।।३९८५।।