Page Text
________________
सिरिमुनिसुव्वयजिणिंदचरियं
१२१
समुहं पभावईए भणियं जं तुज्झ होहिई भत्ता । खयराण चक्कवट्टीतं वयणं अन्नहा जायं ॥३८८८।। तो कि तेण वि गुणवंतएण मुणिणा अजाणियं भणियं । तो सूरिणा सभणिओ सा परिणीया किमन्नेण ।।३८८९।। तो भणियं खयरनरेसरेण सा अस्थि अज्ज वि कुमारी। किंतु सखेयरचक्की अरिसीहो निहणमणुपत्तो॥३८९०।। बेइ मुणिंदो खरिदमेवमुल्लवसि तो तुमं कम्हा । जं संजायं गुणचंदसाहुणो अन्नहा वयणं ।।३८९१।। राया जंपइ भयवं कह पुण तं अन्नहा न संपन्नं । गुणचंदसाहुवयणं तुम्हे मह संसयं हरह ।।३८९२।। तो सूरी उवओगं सुयम्मि दाऊण भणइ खरिदं । गुणचंदेण जमुत्तं भावत्थं तस्स नो मुणसि ॥३८९३।। गुणचंदवयणतत्तं एवं जो को वि तुज्झ धूयाए । भत्ता भविस्सए सो होही खयराण चक्कि त्ति ॥३८९४।। तीसे पुव्वभवज्जियपुन्नाए पाविऊण भट्टित्तं । पढममचक्की वि नरो पच्छा होही खयरचक्की ॥३८९५॥ पुव्वं पि खयरचक्की जो उण सो नेय तुज्झ ध्याए। होही भत्ता खरिद एस मणिवयणभावत्थो ।।३८९६।। राया विन्नवइ पुणो सूरि भयवं ! किमन्नजम्मम्मि । पुन्नं कयमेयाए जेणेसा एरिसपभावा ॥३८९७।। तो आह मुणिवरिंदो खरिद सुणेह जह कयं तीए । पुन्नं अन्नम्मि भवे तं तह साहेमि तुह सव्वं ।।३८९८।। राईमई कहाइह चेव य एरवएवासे विस्सउरमत्थि वरनयरं । तत्यासि रामदेवो नामेण वणी धणसमिद्धो ।।३८९९।। तस्स य भज्जा राईमइ त्ति स्वाइगुणगणसमिद्धा । अन्नसमयम्मि केणइ कज्जेण गओ सउज्जाणं ॥३९००।। दट्ठ ण तत्थ साहुं कं पि तओ वंदए पहिट्ठमणो । सोऊण तओ धम्म पडिबुद्धो सावओ जाओ ॥३९०१॥ गंतूण तओ गेहं नियमहिलाए पुरो पसंसेइ । तं साहु सा चिट्ठइ मोणेण न कि पि जंपेइ ।।३९०२।। सो चिंतइ मह गिहिणी जइ एसा विहु करेइ जिणधम्मं । तो मज्झ सुहेणं चिय धम्मो निव्वहइ निविग्यो ।। इय चितिऊण भणिया सा तेण तुम पि एहि दंसेमि । जेण तुह पवरसाहुं तं धम्मो जेण मह कहिओ ॥३९०४।। तस्सुवरोहेण गया सा तेण समं मुणिस्स पासम्मि । मुणिओ धम्मो वि परं न परिणओ को वि चित्तम्मि।।३९०५।। तो पणमिऊण साहुं समागया नियगिहं सह पिएण । सो रामदेवसड्ढो देवालयसंठियाओ तओ ॥३९०६॥ आइच्चप्पभिईणं पडिमाओ सव्वदेवरूवाणं । गेहाओ नीहारइ ठावइ जिणसंतियं पडिमं ॥३९०७॥ पूएइ पइदिणं चिय तं सो वंदेइ च परमभत्तीए । राइमई पुण न कुणइ जिणपडिमाए पणामाई ॥३९०८।। नियभत्तीए किंचि वि तस्सुवरोहेण जइ कुणइ किंपि । सो पन्नवेइ बहुहो वि सा तारिसी चेव ।।३९०९।। चित्तम्मि वहइ खेयं नीहारियपुव्वदेवरूवाणं । आणेउं पच्छन्नं गिहेगदेसे ठवइ ताई ॥३९१०॥ पूएइय पइदियहं तं नाउं रामदेवसड्ढो वि। चिंतइ जह पेच्छ अहो कम्माणं परिणइ चित्ता ॥३९११॥ रूवाई गुणनिवहो जह एईए विणिम्मिओ विहिणा । जिणधम्मम्मि परिणई तह न कया तेण थेवं पि ।।३९१२।। अहवा सव्वगुणाणं सव्वत्थ वि दीसए न समुदाओ। कम्मि वि विरलम्मि जणे जइ होज्जा सुकयपुन्नम्मि।।३९१३ एईए ताव दीसइ होतो न जिणिदधम्मपरिणामो । सावयधूयं परिणेमि कं पि ता मग्गिउं इन्हि ।।३९१४।। मइ अन्नत्थ गयम्मि वि जह सा भत्ति करेइ सयमेव । जिणपडिमाए साहुण देइ तह भत्तपाणाई ॥३९१५।। अह सो कस्स वि वत्थव्वयस्स सड्ढस्स कारणं कहिउं । पत्थेऊणं धूयं मोहिणिनामेण परिणेउं ॥३९१६।। आणेइ नियम्मि गिहे तं दट्टणं समागयं तत्थ । चिंतइ राइमई विहु परिणीया साविया एसा ॥३९१७।। उरि मज्झ इमेणं दइएण जिणिदधम्मतिसिएण । तरुणेण विहविणा विहु न उणो विसयाणुराएण ।।३८१९।। ता जइ एएण समं संपइ रूसणयमाढवेमि अहं । तोहं होमि न किंचि वि एसा घरसामिणी होइ ।।३९१९॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |