Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 153

चंदकित्तिविका
अह रन्ना पडिभणिओ सो पुरिसो भद्द ! कहसु वीसत्थो । सव्वं पि को तुमं किं निमित्तमेत्थागओसि त्ति ॥ ३८५५ ।। केण व कज्जेण त एत्तियमित्तो कओ समारंभो । इय सोच्चा निववयणं सो पुरिसो कहिउमाढत्तो ॥ ३८५६ ।। इह एरवएवासे वेयड्ढे दाहिणाए सेढीए । रयणउरनयर सामी आसि नरिंदो रयणचूडो ।। ३८५७ ।। तस्संतेउरपवरा रयणवई नाम पिययमा आसि । तेसि जाओ पुत्तो मणिचूडो नाम गुणकलिओ ।। ३८५८ ।। पुण संजाया धूया तस्सुवरिगए हिं बहुयवासेहिं । तीसे य जम्मकाले नियदेहपहाहिं सूइहरं ॥ ३८५९ ।। नीसेसं पि पहासियमओ कयं से पभावई नाम । सा ससिकल व्व निच्चं वड्ढइ धाईपरिग्गहिया ।। ३८६० ।। सा पुब्वज्जिय सुकया नयणमणाणंदयारिणी जाया । अंतेउरपमुहाणं सव्वेसि रायलोयाणं ॥ ३८६१।। हत्थाओ हत्यंत रमणुसमयं संचरेइ सा तेसिं । निद्दायंती कहमवि जइ मुच्चइ तेहि सयणिज्जे || ३८६२।। अन्न समयम्मि नयरे जिणिदस्स मंदिरे जाओ । जत्ता महूसवो तत्थ सव्वविज्जाहरा मिलिया ।। ३८६३ ।। या विरयणचूडो सव्वेण वि परियणेण संजुत्तो । तत्थ गओ वंदित्ता देवे एगत्य आसीणो ॥ ३८६४।। तयणंतरं खणणं दो चारणसमणया समायाया । गुणचंदो मुणिचंदो नामेणं गयणमग्गेण || ३८६५।। अभिवंदिय देवे तस्सेव य रयणचूडरायस्स । आसन्नम्मि विइन्नासणे निसन्ना समागंतुं ||३८६६ ।। ते पण मऊण राया तेहिं समं जाव चिट्ठइ कुणंतो । धम्मवियारकहाओ ता तत्थ समागया धूया ।। ३८६७।। धाकडी चडया पभावई रयणभूसियसरीरा । तिवरिसजम्मा अव्वत्त तं जंपिरीकन्न सुहजणणी ।। ३८६८।। तं रयणचूड विज्जाहरेसरो पासिऊण सहस त्ति । गिन्हइ तीसे पासाउ अप्पणो पाणिजुयलेण ॥ ३८६९।। तो तेसि समणाणं पणामए पायपउमजुयलेसु । कोमलवयणेण तओ ते विहु तं धम्मलाभेति ॥ ३८७०।। पिउणो पाणिठियच्चिय तोसाविय संतवयणसयवत्ता । पप्फुल्लनयणनलिणामुहकमलाई पलोयंती ।। ३८७१।। तेसिं चेव मुणीणं जा चिट्ठइ ताव तं तहा दठ्ठे । गुणचंदमुणीपभणइ सुम्मि दाऊणमुवओगं || ३८७२।। भद्दे ! तुज्झ भविस्सइ भत्ता खर्यारिंदपणयपयकमलो । खयराण चक्कवट्टी अओ करिज्जासि बहुधम्मं । । ३८७३। चारणमुणिस्स तं तस्स जंपियं पासवत्तिणा पिउणो । मणिचूडेण वि निसुर्य अत्रेण वि खयरवग्गेण ।। ३८७४।। तत्तो खणंतरेणं चारणमुणिणो गया नियट्ठाणं । राया वि रयणचूडो नियया वासम्मि संपत्तो ॥ ३८७४।। अह केत्तियम्मि काले अइकंते गयणवल्लहपुरम्मि । जो आसि चक्कवट्टी खयराणं सो गओ निहणं ।। ३८७६।। एयं च रयणचूडेण राइणा मेहमालिनामाओ । निय सेवयाउ निसुयं समागयाओ तओ नयरा ।। ३८७७।। तो रयणचूडखयरेसरो तओ तं गिरं निसामेउं । वज्जाहओ व्व जाओ गंडयलनिहित्तकरकमलो ।। ३८७८ ।। चितइ मणम्मि एवं अचितियं कह अहो इमं जायं । तस्स गुणचंदमुणिणो वयणं किं अन्नहा होही ||३८७९।। धूया पभावई में संपइ जोव्वणसिरिं समारुहइ । तीए परिणयणकालो होही ता किं करेयव्वं ॥ ३८८० ।। इय निच्चमुव्वहंतो चिंताभरपूरियं नियं चित्तं । कालं गमेइ दुहिओ खयरनरिंदो रयणचूडो || ३८८१ ।। अह अन्नया मुणिदो गुणभद्दो नाम चारणमुणीहिं । बहुएहिं परियरियो समागओ तम्मि नयरम्मि ।। ३८८२ ।। नाऊणं तं समागयमुज्जाणे रयणचूडखयरिंदो । सहस त्ति वंदणत्थं तस्स गओ परमभत्तीए || ३८८३॥ तं वंदिऊण पहरिसवसेण पुलइज्जमाणसव्वंगो । कत्थ वि उचियपएसे उवविसिउ सविनयं सुणइ || ३८८४ ।। गुणभद्दमणिदेणं कीरति धम्मदेसणं पवरं । लद्धावसरो पच्छा पुच्छइ नियसंसयमसेसं ||३८८५ ।। भवं ! समए एक्कम्मि एत्थ आसी समागओ साहू । गुणचंदो नामेण तुम्हाणं चेव सो सीसो ।। ३८८६ ।। जत्ता समयम्मि जिणिदमंदिरे तेण सन्निसन्त्रेण । मम हत्थसंठियाए धूयाए ति वरिसवयाए || ३८८७ ।।
१२०