Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 149

११६
चंदकित्तिनि कहा
अवा जं वा तं वा किंपि इमं होउ किं वियप्पेहिं । पेक्खामि ताव पुरओ किमत्थि एयस्स मज्झम्मि || ३७२६ ।।
चितिऊण जिणमंदिरस्स मज्झम्मि पविसइ नरिंदो । जा ताव पुरो पेच्छइ तवणिज्जमयं जिणपडिमं ।। ३७२७ तसा सहसत्ति तस्स जाओ मणम्म आणंदो । गलियं नयणेसु जलं अंगम्मि समुग्गओ पुलओ ।। ३७२८।। तो धरणीयलसम्मिलियजाणुकरयल सिरेण पणिवाओ । पुहईसरेण विहिओ पडिमाए तयणुउवविसिउं । ३७२९। मउलियकरकमलजुओ सो चितिउमेरिसं समाढत्तो । पेच्छ अहो ! सुकयाणं परिणामो केरिसो मज्झ ।। ३७३० ।। अमयरसवरिससरिसं उप्पायंतो सुहं सरीरम्मि । परमप्पा को वि इमोजमज्ज देवो मए दिट्ठो ।। ३७३१ ।। ता भवियव्वमवस्सं केणइ कल्लाणसमुदणं मे । आसनेणं चि य एत्थ संसओ नत्थि थेवो वि ।। ३७३२।। एत्तो चैव विचित्ता कित्तिज्जर दिव्वपरिणई लोए | अन्नह काउं चिंतियमन्नह जं परिणमइ कज्जं ।। ३७३३ ।। तुच्छिदियसुहजणयं पेच्छणयं एत्थ पेच्छिउं पत्तो । ताव अहं जायं पुण दंसणमेयस्स देवस्स || ३७३४ || जं अकयसुकयकम्मस्स पाणिणो सव्वहा वि अइ दुलहं । रोरस्स व रयणमहानिहाणमासत्तमकुलाओ ।। ३७३५ ।। जं जेण पावियवं जया कयाई तया स तं लहइ । बहुयं पि उज्जमंतो न अन्नसमयम्मि पावेइ || ३७३६।। अन्नह इहेव नयरे मज्झ वसंतस्स एत्तिओ कालो । अइकंतो मग्गेण य गओहमेएण बहुवारं ।। ३७३७।। गमियमवन्ना सव्वया वि परमेयमेयबुद्धीए । अरहंतसंतियमिमं देवहरं किं पि अथिति || ३७३८।। मज्झम्मि पविसिऊणं कयावि पुण कोउएण विन एसो । देवो मए महप्पा पलोइओ अकयपुत्रेण || ३७३९।। इय चिंतिऊण एगग्गमाणसो अइकयत्थमप्पाणं । मन्नतो नरनाहो तं देवं थुणिउमाढत्तो ।। ३७४० ।। ते च्चिय धन्ना मणुया तेसिं जीयं पि मन्निमो सहलं । जे निययजम्ममज्झे नियंति तं एक्कवारं पि ।। ३७४१ ।। जे उण पइदियई चिय संचियसुहकम्मनिम्मलप्पाणो । तुह मुहकमले दिट्ठि महुयरिलीलं नयंति नियं ॥ ३७४२ ।। तेस तु किं भणामो ते च्चिय भुवणत्तए वि सारयरा । तुह दंसणओ निच्चं दलंति जे पुव्वपावाई || ३७४३।। तु गुणपरमत्थं जाणिऊण जे देवसंगति तुमं । थोयव्वा अन्नेसि पि हंति ते नूणमइरेण || ३७४४।। तुह गुणलवं पि नाहं नाह ! वियाणामि निरुवएसो जं । तह वि गुरुभत्तिभरिओ भणामि विन्नत्ति वयणमिणं जं कि पि तिजयसामिय ! तुह उवरिकयाए होइ भत्तीए । तं संपज्जउ सेयं सया वि मह होउ अन्त्रेण ।। ३७४६।। अन्नंपि कुणह एक्कं करुणं काऊण मज्झ उवरिम्मि । नियपयकमलेहिंतो वालेयव्वा मह न भत्ती || ३७४७।। ऊ तह पण मिऊण जिणपडिममसमभत्तीए । सो चंदकित्तिराया विणिग्गओ जिणहराउ बहि ||४८ तत्तो नयराभिमुहं गंतुं जा किर कओ अभिप्पाओ । नरनाहेणं सहसत्ति ताव पुब्वे दिसाभाए ।। ३७४९।। दिट्ठं वियंभमाणं किंसुयकुसुमारुणं किरणजालं । गयणग्गविलग्गं पासिण तं चितइ स एवं ।। ३७५० ।। संझब्भरायसरिसं किमेयमुब्भासए इओ एवं । संझाराओ नहवइ ताव इमो जन्न संभवइ ।। ३७५१ ।। दिवसावसाणसमए हवेज्ज सो पच्छिमाए आसाए । एसा पुण पुव्वदिसा रयणीय बहू अइक्कंता ||३७५२ ।। ताकि पभायपाया जाया रयणी वि एस अरुणुदओ । एसो विन घडइ च्चिय अहिज्जतो मणे सम्मं ।। ३७५३।। नक्खत्तेणं जेणं विहाइ रयणी इमम्मि मासम्मि । तं मत्थयप्पएसा अज्ज वि थेवं अइक्कतं ||३७५४।। तो दिसि दाहो किमिमो सो वि न संभमइ छिन्नमूलो जं । सो होइ एस भूमीतलस्स संलग्गओ चेव । । ३७५५ ।। गामो को विपत्तिो हवेज्ज किं एस इह पएसम्मि । सो वि न संभवइ जओ जेत्तिय दूरे इमो तेओ ।। ३७५६।। ओ परओ गामो संवसइ सुद्धपूब्वाए । ऊसरभूमित्तणओ दवो वि न हु एत्थ संभवइ ||३७५७।। नय मणुयाण दाहाणं एयं कयावि संजायं । सम्मं चितिज्जतो अग्गिस्स न एस तेओ वि ।। ३७५८।।