Page Text
________________
सिरिमुनिसुव्वयजिणिदचरियं
किंबहुणा भणिणं सव्वे वि गुणा न वन्निरं सक्का । अम्हारिसेण केणइ एयस्स महानरिंदस्स || ३६९४।। इ अवियक्कियसंजायरायविरहेण दुम्मिय मणस्स । अत्थाणजणस्स चिरं कहापबंधो इमो जाओ ।। ३६९५ ।। अह मममंती विज्जुसिहे खेयरम्मि नियदिट्ठि । पेसेइ पडिक्खते पत्थावं पत्थुयं वोत्तुं ॥ ३६९६।। अह सो मउलियकरकमलसंपुडो तस्स कहिउमाढत्तो । जह अज्ज वासराओ जं नवमदिणं अइक्कतं ॥ ३६९७।। तस्स रयणीए तइए जामे आउज्जनट्टगेयाणं । महुरज्झणीहिं सवणंतरेसु पविसंतएहिं तओ ।। ३६९८।। सेज्जगओ परिबुद्धो सहसच्चियचंदकित्तिनरनाहो । तं निसुणंतो चिंतइ पेच्छणयमउव्वयं एयं । । ३६९९।। किंपि कहि पिट्ठाणे चिट्ठइ संजायमाणमसमाणं । ता किं कस्स वि गेहे इब्भस्स महूसवो को वि ।। ३७००।। अहवान एस सद्दो मज्झे नयरस्स किंतु बाहिम्मि । पुव्वदिसाए पासे मणोरमुज्जाणदेसस्स || ३७०१।। तत्थ य नायरलोअस्स पेच्छणं ताव नेय संभवइ । किं चेरिसं न कत्थइ पेच्छणयं दिट्ठमम्हेहिं ।। ३७०२ || ता किंपि जाणियव्वं तत्थ वि गंतण एयमम्हेहिं । इय चंदकित्तिराया चिंतेऊणं नियमणम्मि ||३७०३ || तो सयणिज्जतलाओ उट्टे उं बंधए दढं केसे । गाढीकरेइ परिहाणगंठिमा बंधए छुरियं ।। ३७०४ ।। तह अंगमुत्तरीएण छाइउं पाणिगहियवरखग्गो । पजलंतमणिपईवाउ वासभवणाउ निग्गंतुं ।। ३७०५ ।। छेयत्तणेण परिवचिऊण जग्गंतए वि जामिल्ले । पत्तो पुव्वपओली पासे वलिउं तओ तिरियं ।। ३७०६ ।। आरूढो पायारे पयडीसु पए कमेण ठावंतो । तत्थट्टिओ पएसे जत्थ य अट्टालओ अस्थि || ३७०७।। खणमेगं तत्थ निरिक्खिऊण पायारबाहिरुद्देसं । उप्पइओ गयणयले विहंगनाहो व्व अइदूरे ।। ३७०७ ।। तो लंघिऊण परिहं महानई वित्थडं तओ परओ । दूरयरं गंतूणं पुहईए संटिओ उड्ढं ।।३७०९।। निवडंतस्स यतो तस्स तत्थ पयघायकंपिया पुहई । वेयणमसहंती घुम्मिय व्व जाया खणं एक्कं ॥। ३७१० । पेच्छणयसद्दसवणाणुसारओ पट्टिओ पुरो तत्तो । जंतो कमेण पत्तो मणोरमुज्जाणमज्झम्मि || ३७११॥ हरिसेण वह सिरेहिं कुसुमेहिं मग्गपायवगएहिं । उवणीयं गंधमुवायणं व गिन्हंतओ तत्थ ।। ३९१२।। बच्चइ कमेणपुरओ जह जह आसन्नओ तओ होइ । तह तह सो पेच्छणयं कन्नग्गट्ठियं व निसुणे || ३७१३।। पाडवसुत्तालचलंतनच्चणीचरणरणिरनेउरयं । वज्जंतवेणुवीणा झुणिमसिणियगाइणी स६ || ३७१४।। आउजियकरफालियपडहमुइंगाइआउजमुहेहिं । उट्टं तगरुयसद्देहि आहवं तं व तं विनिवई ।। ३७१५ ।। एवं तस्स वयंतस्स तत्थ कोऊहलाउलमणस्स । पत्तं नयणाण पहे जुयाइजिणमंदिरं झत्ति ।। ३७१६।। तं फलिहसिलाघडियं पसरतेहि करेहिं निययेहि । ओसारिऊण तिमिरं दावेयं तं व अवयासं ॥। ३७१७।। बहलदलनीलपायवपडलस्सब्भंतरम्मि दीसंतं । तं सहइ धवलवन्नं गयणे सरयब्भखंडं च ॥ ३७१८।। तस्य पुत्र्वाभिमुहस्स जाव जिणमंदिरस्स दारग्गे । सोवाणसन्निहाणे गच्छइ ता पेच्छए पुरओ ।। ३७१९।। मज्झे पजलंतमणिप्पवई व पसरंतघणपहाजालं । दूरो सारियतिमिरं तडिच्छडाडोवपिंगलयं ।। ३७२० ।। तो जाव गरुयसंभमवसेण सोवाणपंतिसु पयाइं । देतो तुरियं तुरियं उवरि आरोहइ नरिंदो ||३७२१।। गंतॄण वलाणयदारमग्गओ तत्थ पेसए दिट्टि । ताव न सो उज्जोओ न पेच्छणं नेय गेयझुणी || ३७२२।। एगपए च्चिय सव्वं कर्हिपि नट्ठ न पेच्छए किंचि । निद्दायंतं व जिणिदमंदिरं केवलं नियइ ।। ३७२३।। अह चितइ सो त्या किमेयमच्चभूयं पलोएमो । नडपेक्खणं व खणदिट्ठनख्वं समग्गपि ।। ३७२४।। पेच्छामि सुमिणयं किं किं वा मइविब्भमो समुप्पन्नो । किं को वि दिवयाई दंसेइ ममेरिसं किं पि ।। ३७२५।।
Jain Education International
११५
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |